Trinkgeld: Also in der USA gibt man als Amerikaner 15-20% Trinkgeld. 15% wenn man gerade so zufrieden war, 20% wenn es eine gute Leistung war. Weniger als 15% geben nur Touristen.
In der Schweiz hingegen ist das Trinkgeld im Service inklusive. Da "muss" man keines geben. Es wird aber trotzdem sehr geschätzt. Mehr als 10% sind aber in der Regel nicht angebracht.
@Schagge: Mir gfallt ou dr erst Löifer besser... Mir mache dr Tanz zu *** WERBEVERDACHT*** Gaye - Let's get it on. Das isch 70er...
Mi Name isch nid viel anders im fb.
@b2be: Ah ok, merci fürd Info... Aber dämfall ischs ja ersch rächt untersti was deu Lüt im Service verdiene.
@Tämi: hihi...
@littlefoot: ou cool, hesch es Bastelweekend vor dir! Dim GG si vorschlag isch halt chli pragmatischer. Aber e Taler würd sicher toll usgseh... Git halt scho viel meh z düe. Chasch ja mal luege wie dir vorah chömet.
@me: Üsi Bluemefrou het scho gad hurti chli mi Puls id höchi gjagt hüt morge... I ha denn aues mit ihrer Mitarbeiterin besproche und die het mir gseit, i chönn d Väseli woni bastle so ei / zwe Täg vorhär i Lade bringe. I derä Wuche hani ja scho meh oder weniger Ferie und hät das gäbig chönne mache. Jetz möcht sie die aber scho i derä Wuche... Aber morn hani 2 Prüeffige, am Fritig schaffi dr ganz Tag und am Samstig hani Coiffeurtermin mit mire Beste z Thun u när wei mir afah mit dr Torte. I schaffe das unmüglech vor nächscht Weekend.
Also nochmals zum Trinkgeld: Bei uns ist das ja einfach als Wertschätzung der Serviceleistung gedacht. Von dem her darf man dem Fotografen, der Band etc schon auch Trinkgeld geben. Aber erwartet wird es nicht. Beim Fotografen stellt sich zudem das Problem, dass seine Leistung ja erst viel später abgeliefert wird. Du kannst also erst später beurteilen, ob er wirklich eine tolle Leistung erbracht hat.
Mit den Vasen würde ich nochmals nachfragen; Vielleicht will sie nur ein Muster um sehen zu können wie es von der Grösse her passt? Dann könntest du ihr 1-2 Vasen jetzt schon vorbei bringen und den Rest dann wie besprochen kurz vorher.
Nala Danke für de Link. De Shop hät würkli härzigi Sache.. :) Ah doch bi Etsy hani tusigi schöni Banner gseh, abr ich möcht ebe scho no es paar Banner, den chunts mega tür. Drum isch min Gedanke gsi, die sälber mache mit Schablone für d'Buechstabe..
Schagge Mier gfallt de ersti Läufer guet, de zweit jeze weniger.. Es gäb ja no sötigi vo d'Spitze uf de Siite sind, die gfallemer au no mega guet.
Littlefoot Ja da stönd gad einigi bekannti Näme uf de Liste. Huiuiiuiii.. Gli sind alli verhüratet Ich würs jeze au eher de Name uf de Taler schriebe.. Wierd sicher uu schön!! :) Bringed den eui Gäscht s'Papier au wieder use? Det schriebeder doch was druf?
Malinchen Ooh da heti au gad chli en Schock gha. Müsstisch dänn no bastle für d'Fläschli?
@b2be: ah so hesch das gmeint... I gibe nämli eigetlich immer Trinkgäld, also nid mega viel, eifach ufrunde. Aber i deu Restis müesse sies ja ou abgäh, da bringts am Personal när ou nix.
@me: Nei bastle muesi nümme... Aber i ha se bi mine Eltere glah wöu i dehei nid so viel Platz ha für all das Züg. D.h. i müesst zersch uf Lyss fahre die go hole u se när uf Burgdorf bringe. Isch meh eifach gad dr logistisch Ufwand wo ds Problem isch. Aber GG het jetz gmeint er chönn se ga hole morn nachem Schaffe und de nimi se am Fritig mit weni gange ga schaffe und bringe se när no verbi.
@sue: weisch du per Zuefall gad wo dass dr nöchscht Parkplatz isch vom Bluemelade? Det obe isch ja Fahrverbot, oder?
Puh höt woni am Morge früeh d’Vögelis ghört han zwitschere und uf d’Uhr gluegt han und 5i gsi isch hani dänkt ich spinne.. ich bin ned scho sondern no wach gsi!!  han die nacht keis aug zuetoh! und das nur will mini Gedanke chreiset und chreiset und das hauptsächlich um s’HZ! Das chas jo wohl ned si oder?! so hani mir also die letschte Woche vorem grosse Tag ned vorgstellt!  lese bi öich immer nur: ich wet s’wär scho dänn und dänn und ooh es goht no sooo lang und bi mir isch gnau s’gägeteil s’goht mir jetzt alles eifach vil z’schnäll und mich dunkts ich chume ned vom fläck obwohli nur am mache bin!  gohts andere au no so oder bini die einzig wo so am aschlag isch?  gester händ mir en nedso tolle termin gha mitem theolog.. hettet de am DO gha aber er häd öis aglütet & gfrogt ob mir spontan gester chönd wiler am DO en beerdigung muess mache – sindmer druf igange obwohls öis eigentli gar ned passt hetti und sind au null vorbereitet gsi! Bin dänn im fürobeverchehr uf winti usegfahre und han det mi GG am bahnhof welle abhole aber man es git 3 banhöf in winti und han de hauptbahnhof fangs en halbstund z’spot gfunde und uf de fahrt no ganz knapp kei unfall baut hey ich bin total zittrig und unter träne det acho  d’stimmig zwöschem GG und mir entsprechend.. hami so gschämt vorem theolog au dasser das grad so mitbecho häd.. man ächt das chas doch ned si bin nur no gstresst und mage nöme.. ned nur wägem HZ klar au job & witerbildig und alles aber ich han mi soooo fest uf de grossi tag gfröit und jetzt gohts mir so scheisse?  hoffe also fest dass das wider wäggoht und ich bitz chan losloh so dassis dänn au gnüsse chan… mi GG seit ich söl halt meh abgäh und so aber gwössni sache sind eifach schwirig zum abgäh! Und han halt au päch dassi viles sälber muess mache mit de trauig will s’hotel nüt macht und de florist ned mol sälber schale wo zahlbar wäret chan uftribe das muessi au alles sälber no mache exakt i dene mass won er mir agäh häd vo de höchi her und durchmesser :/ bin grad eifach bitz öberforderet :/
Sorry förs volljammere aber han dänkt öich chani mi sicher avertraue… <3
Jetzt no zo öichne biträg:
@malinchen: jöö dini wort sind grad wie balsam för d’seel! Hoffes vo ganzem härze dass du rächt häsch! Momentan gsehni nur alles wo chönt schief laufe  häds no klappet mit de arbeit abgäh isch di kolleg zueverlässig gsi schlussändli? Oh mega härzig wäg dim GG ! =)
@squishy: jo zum glück hani mini mädels sust wössti aso au ned! Hoffe das mitem tanzkurs klappet no! Haha han grad müesse schmunzle ;) bridezilla lässt grüssen :p oh-oh du armi bisch au no am zügle jetzt?? Ich wörd glaub duredreie ächt! :p
@lil.lian: jo gäl bin au froh wenigstens eis problem weniger :p ;) mi GG chauft sini elegante schueh glaub amigs im bata und ned mol so tüür um die 100.- - 150.- glaub.. schöne gurt gfallt mir guet sehr dezent aber ganz en schöne akzent!
@tamarabisig: härzlich willkomme und danke förs vorstelle! Wow scho 10 johr mitem GG zäme so schön  oh cool firet ihr im hermitage!  mir händ det öisi frei trauig ;) häsch mitem herr schulz amigs kontakt?
@littlefoot: wenni doch nur au so zueversichtlich wär was d’laterne betrifft! Han s’gfühl die sind vil z’gross und ich han mitem chleid und no mim brüeder doch kei platz zum durelaufe etc.. stell mir scho alles mögliche vor!  fröitmi häsch au no öbis gfunde i dem lade mit de laterndli  dönt lässig wäg öichere playlist!  chunt super! =) hiiilfe 31 täg :p oh-oh :p :p aber ganz vil vo öich händ jo no vil weniger lang hehe :p
@broncos: jo voll isch doof aber hey wird sicher deför mega mega schön und dänn dänksch nöme as gäld wersch gseh… jo genau eis nachem andere muessi mir wörkli säge…
@nala: han höt morge woni ned han chönne schlofe din bricht gläse hey so cool händers so lässig gha fröitmi mega! =) hmm voll doof wäg dene etsy päckli.. hoffe ächt das isch ned bi allem woni bstellt han so sust zahli jo no mega vil! :/
@schagge: jetzt hani jo au es gsicht zo dim nickname ;) hehe macht jo au voll sinn de name wennmers dänn weiss ;) :p jöö so süess wie du öber din GG schribsch! =) aber de besti ma vom universum chaner ned si will das isch mine scho hehe ;) :p oh cool bisch italienerin – min GG isch au italo ;) und han immer druf gwartet dass mol no en italienerin is forum chunt hehe bin ebe no nie amene italienische richige hochzyt gsi ;) han chli angst dass öises fest ned ganz de wönsch vo de italienische gäst entspricht wils halt nedso klassisch i de chile und so isch… hey wow die villa isch jo de hammer!!! Und voll gei händer so glöck gha hihi 
@sue: oh mega blöd wäg dene tuube! Verstoh di guet so sache närvemi amigs au mega vorallem wämer öbis i chopf häd gäl! Has vom dütsche bstellt rakuten.de oder so! oh du sprichsch mir us de seel! Schön gohts ned nur mir so – geteiltes leid ist halbes leid oder? ;) :p de plan schicki dir sobaldi fertig bin ok?  schick dir ne ufs mail woni dir au d offerte vo de reis gschickt han ok? (GG häd jetzt no anderi offertene igholt! ;)
@janedore: isch dis DANKE no z’ha?  wenn jo för wievil wördschs mir vererbe? 
@schueh: hihi han doch au no good news höt! Mini tanzschueh woni au dure tag chönt alegge sind cho! =) finde si meeega schön  siehe fotos  vil besser als die woni han! Mol luege obi die jetzt nur am obig alegge oder de ganz tag… wächslet ihr teilwis au no d’schueh?
@trinkgäld: hmm ich han dänkt mir gäbet nur de künstler (fotograf, pianistin, band) trinkgäld will för alles andere zahlemer def. gnueg – gäl nala? :p ;)
@principessa: oh neeeeei! Das duet mir mega leid dass es dir gad so schlächt geit mit all däm! I cha dir würklech guet nachefüehlä, i bi ou gad mega im stress. Aber bi eifach vo däm här froh wenn de dr Tag ändlech da isch, wöu denn när ou mini Prüeffige und alles hinder mir ha. Aber wenn du nid mal meh chasch schlafe wöu di das alles so mitnimmt isch das würklech nid dr richtig wäg wie du zu dim schönste Tag chunnsch (und das wird er so oder so!!!) Und de wenn jetz eifach mal seisch: "stop, so geits nümme." und holsch dir dini mädels anä Tisch und fragsch se ob sie dir chönnä hälfe? villicht ou ganz chlini sache... I ha gester z.B. mire beste uftreit d Ichoufsliste für üsi Backorgie am Samstig z schribe. Das brucht ja eigetlech nid viel zyt aber trotzdäm hets mi gad entlastet wo sie gseit het sie chönn das problemlos mache. Du chasch ja när trotzdäm no ds ok gäh drzue! Z.b. die schale sueche, da hesch ja mega gnaui Agabe übercho. De söue sie dir mal sueche und du chasch die zyt für anders nütze? I drücke di ganz fest! Lah dir nid d Fröid lah näh u dänk dra dass ds einzige wo zellt a däm Tag d Liebi zwüsche dir und dim GG isch!!! Die ganzi Deko und alles isch nur Näbäsach...
Han eigentlich grad kei Zit zum schriebem aber Principessa, du machsch mer grad echt sorge Wenn du so witermachsch hesch gli es Burnout oder e Depression und den chasch d HZ definitiv nüm gnüsse. Ich weiss, es isch mega eifach gseit vo usse, aber bitte probier die es biz vo dem ganze z löse. Schlussendlich gahts a dem Tag drum, dass du dini grossi Liebi und din Ma für s Lebe hüratisch und alles rund ume isch doch eigentlich "scheissegal". Es wird sowieso schön, wil ihr üch liebed und euches ganze Herzbluet i dere Fiir isch, da isch es doch schlussendlich egal, öb jetzt die Laterne perfekt gfüllt sind mit Roseblätter, oder öb du bim durelaufe eini umrüersch. Das merkt den eh chum öpper will all uf üch fokussiert sind und das isch au d Hauptsach. Und lah di ned so stresse vo de Meinig vo anderne, denn het halt de Theolog euch ned grad im beste Liecht gseh, so what?! Ich glaub das kennt jede wo inere Beziehig isch und isch ganz normal. Und wenns dene Verwandte vo Italie ned passt, denn isch das ihres Problem. Es isch üchi HZ und ihr macheds so wien ihr wend und ned wiemers irgendwo suscht uf de Welt macht. Jedi HZ isch einzigartig und das isch au guet so. Also ich wett dich ned agriffe oder so und ich bin selber perfektionistin und weiss wie schwirig, dases isch Sache abzgä oder eifach mal z friede si demit. Aber ich chan im Moment echt glasse uf d HZ luege (wo i 10 Täg isch!!), will ich eifach weiss, alles wichtigi isch vorbereitet und wasi jetzt no mach sind Details wo schön sind, wenns ume sind, aber suscht isch au kei Weltuntergang. D HZ wird sowiso schön, will sie üsi isch Und jetzt ischnufe, usschnufe und relaxe... Und falls sich das mit em Schlafe ned bessered, würi villicht suscht würklich mal professionelli Hilf hole, das chan amigs viel Helfe.
Anmelden
Mir mache dr Tanz zu *** WERBEVERDACHT*** Gaye - Let's get it on. 
Das isch 70er... 
I ha denn aues mit ihrer Mitarbeiterin besproche und die het mir gseit, i chönn d Väseli woni bastle so ei / zwe Täg vorhär i Lade bringe. I derä Wuche hani ja scho meh oder weniger Ferie und hät das gäbig chönne mache. Jetz möcht sie die aber scho i derä Wuche... Aber morn hani 2 Prüeffige, am Fritig schaffi dr ganz Tag und am Samstig hani Coiffeurtermin mit mire Beste z Thun u när wei mir afah mit dr Torte. I schaffe das unmüglech vor nächscht Weekend. 
