@schagge: aso mit vintage /shabby chic bisch du bi uns genau richtig glande! das gfallt em grossteil vo uns au
mir gfallt de ersti läufer au viil besser as de zweit.
hmm lieder.. wen mir öbis ifallt mäldi mi :D
jä das sin pfingstrose i dim traumstruus, die blühe leider jetzt und nüm im august.

@tämi: nei im bezirk arlesheim

@countdown: ähhh ich bi jetzt au uf dr liste ha mir immer dänkt so langi nid uf em countdown do erschiin hani no gnue zyt

@littlefoot: probiered doch beides us, taler und diräkt ufs fläschli i glaub dasi au de taler würd favorisiere viil spass am samstig bim bastle!

@malichen: oh guet hesch das könne regle mit de bluemefrau, klar hesch nid no zyt zum bi ihre vrbi go wen du scho so vrplant bisch. aber jetzt kunnt jo glaub guet, nid?!

@lil.lian: jetzt weissi au nüm was mache wäg de banner! du vrwirrsch mi i ha jo vor de hz 2 wuche ferie, i glaub i mach se de sälber, söt scho go iiiirgendwie

@principessa: hey liebi! du machsch eim wirkli sorge! es kas wirkli nid si das du dich so stressisch das nüm mol schlofe kasch. du muesch wirkli biz abefahre. ihr händ doch scho soviil organisiert, mach di nid wäg chlinigkeite fertig. es wird super eure dag, do bini sicher. i mein du hesch e wunderschön kleid und alles wunderschöne accessoires und au susch wirsch bombe usseh. di gg wird vorne uf di warte und dich astrahle, ob du jetzt e latärne umhausch, die nur uf einere site stöhn oder wie au immer. es kunnt alles guet!!! du hesch e schöni deko für im montana mit de blueme plant und au im hermitage mit däne latärne, de wedding-fans und allem wirds mega schön. und wäms nit passt isch sälberschuld. es mues für euch stimme und nid für anderi. i weiss das isch eifach gseit, wil mir gohts jo genau glich, aber es isch halt wirkli eifach so. und d broncos het s jo au scho gseit, s wichtigste mues stoh, de räscht sin nur details wo niemerem uffallle. meh ka nid immer perfektionistisch si, vorallem nid wen meh sich sälber so belastet! lueg chli zu dir und mach mol pause! nid dases di no umkippt odr schlimmers! freu di uf din grosse dag, de räscht isch wirkli nur näbesach.

wägem trinkgäld: gescht hani mim gg das wägm trinkgäld gseit, är luegt mi nur ah und seid wotsch däne zu de übrtüürte priise au no trinkgäld gäh
dini schueh sin sehr schön! ich ha nur flachi für am obe weni nüm mag in de hoche, ka wäg de längi vom kleid nid z oft wächsle

@me: i ha e kleins problem.. mini kollegin het mi druf ufmerksam gmacht das die anderi kollegin wo nur zum apero eigetli iglade isch, dänkt si isch zu allem iglade. hanere jetzt mol unuffällig gschriebe und si seit si het gmeind si sigi zum ganze iglade, aber si luegt hüt zobe uf dr iladig. i weiss abr genau das si nur zum apero iglade isch, ha se nur dodezue iglade wil si mir sälber letscht joor gseit het dasi se nur zum apero ilade söll. i hät se susch nämli scho zum fest iglade. hmm… jetzt weissi nid was mache. sölli si eifach no zum fest ilade (plus ihre neue fründ wo i gseit ha är ka gärn mitko, wil i nur vom apero usgange bi) oder sölli sage es isch nur de apero?
ha ebe au e schlächts gwüsse wil si am polteri drbi gsi isch und die hän doch sooo viil für mi gmacht und au gäld usgäh.. hach!

Malinchen
Guet chas jeze de GG abneh wege de Väsli!

Laprincipessa
Oh nei das dönt aber gar nöd guet bi dier!! Das ganze duet mer uu leid für dich! Abr wennis so lise, hani s'Gfühl sötisch scho es bitz chöne abefahre, susch endeds nöd guet :-/ Muesch dänn würkli no so vill Sache erledige? Gids glich nöd Sache wod öberem chasch abtrete? Oder vilicht au öbis weg lah, wo nöd so wichtig isch? Will wänn schlussendli dänn voll usbrännt bisch, isch au scheisse :( Und dänn chasch es gar nüme gnüsse .
Ich drucke dier ganz fest de Dumme, dass es besser wierd und au wieder chasch schlafe! Und ganz e festi Umarmig!!
No zu dine Schueh, die sind würkli uu schön! Gfallemer guet!!

Nala
Ja aso verwirre hani di nöd wölle!! Abr find die Priise zum Teil scho vill für so en Banner. Bzw. für eine wür de Priis no gah, abr für 5 Banner chostets dänn def. gnueg. Eigendli bruchts nur Farb, Schnuer, Jute und evt. e Schablone.. Wobi die Schablone woni gfunde han chostet au öbe CHF 40.- oder meh, je nach Grössi vo de Buechstabe.
Ich möcht demnäscht mal eine Probe bastle mit Papier, dassi gsehn wie gross de öpe müssti sii und wie gross d'Schrift dänn müsst si.
Wege dinere Kollegin, sie isch scho chli e lustigi, dassi jeze glich au an Abig cho. Oder meint sie, sie "müssi" au cho, wet abr nöd? Aso wenn sie gern wet, wenn das irgenwie useghörsch, würi sie glaub no für de Abig ilade (inkl. Fründ), wenns gaht vo de Plätz und de Location..
Mier händ bi de Männer au öber, wo an Polterabig chunt und nur zum Apero iglade isch. Defür hämer de ander Kolleg, wo für Alles abgseit hät (will er nur dänn Ferie chan neh), wo aber sich agmolde hät an Polterabig, scho chli schräg.. Mier händ den au diskutiert, öb mer de ander Kolleg (de nur Apero), sölled fürs Ganze ilade. Mier händ dänn abr glich entschiede mier möcheds nöd, will de GG hät so ab und zu mit Ihm Kontakt (vilicht gseht er en drü Mal im Jahr) und ich gahn sit neustem mit ihm all 4 bis 5 Wuche go z'Mittag esse.. Abr han irgendwie glich au chli es schlechts Gwüsse :-/

Squishy/LaPrincipessa: Du hesches super gschriebe für d Laprincipessa! Chan mich eigentlich nur aschlüsse! Isch u schad und tut mir au würklich weh wie das da staht! Glaubsch du, dass e Variante git, wo dir würdi helfe? Ich würd ächt möglichst klar kommuniziere!

Nala: Chasch mir nomal de Link vo dem Schal schicke wo du da mal posted häsch?

hmm villicht sötti mi glich bi 4 Hochzeiten melde, die nehmed mer sicher alles ab

hihi, cooli idee squishy!!! De müesse sie üs allne Ferie schänke...

Liebi Principessa

Ich han grad gläse, was du über letscht Nacht gschribe häsch... Ich ha dir äfach welle versichere, dass eues Hochsig au wunderschön wird sii, wänn nöd alles so isch, wie du dir das ursprünglich vorgstellt hettisch. Bi eus isches so gsi... Und bi eu wird das au sii.

Bitte heb dir Sorg! Dänn d Gsundheit isch sooo wichtig!

Ich würd au überlegge, eventuell nöd doch d Schale vom Florischt z neh, wänn ihrs eu irgendwie chönd leischte. Mir händ au meh Gäld müsse i d Hand neh als planet für gwüssi Sache, trotz chliinem Ikomme. Aber dini Gsundheit isch wertvoller als alles Gäld.

Oder suscht stell doch d Mass vo dene Schale mal is Forum, dänn cha di eint oder ander vo eus, wo Ziit hät, au mal chli umeluege.

Hey, und egal, wies gnau chunt, wirsch du ab dem Tag mit dem Maa verhüratet sii, wo dich so glücklich macht und wo du so glücklich machsch. Das isch es, was würklich zellt. Und das cha dir nüt und niemert neh!

Ganz es liebs Grüessli,

Fara