Sue: Hani öpis verpasst... Was isch den mit em Fotograf?

Hey ihr Liebe!

Möcht mi vo ganzem Härze bedanke för all öichi liebe und ufbauende Wort ihr sind eifach de hammer und en riiise Unterstözig! DANKE DANKE DANKE TUSIGMOL!!! Ihr händ alli so rächt und händ mi grad wider bitz ufe Bode abegholt! D’Deko wird so näbesächlich si a dem Tag und s’wichtigste isch jo dass de GG und ich öis liebet und de Tag chönd fiire & gnüsse… Höt obig hani eh d’Mädels zum Ässe iglade – wet mi no bedanke bi ihne för alles und ihne d’thomas sabo chetteli gäh  und dänn werdi das mit de Deko aspreche obi ihne das chan öbergäh sprich s’isch jo fast alles gmacht aber ob öber vo ihne all das Deko Material öbe 2 Täg vorher oder am Vortag oder so chan hole und si sich komplett kömmeret dänn bini scho en riise Sorg los… sust isch jetzt dänn nämli wörkli alles erlediget gli und chami uf d’HZ fröie und mi vorallem no ufs lere konzentriere die negste 2 Woche! DANKE ÖICH VO HÄRZE!!

@nala: hetti gmacht wie du mitem ilade vo de kollegin tiptop 

@littlefoot: haha jo die vo 4 HZ wördet dir sicher alles abnäh! :p

@schagge: danke för dini usführige! d’schueh bstellt uf www.tutti-le-due.de 

@squishy: nenei d schueh sind nur 7 cm höch ;) am standesamt hani vil vil höcheri agha ;)

@fara: dir müend mini problemlis wahrschindli sowiso total banal vorcho gäl?  schäme mi grad bitz… du häsch total rächt mit allem wo du schribsch!

@lil.lian: wänn häsch s’hochzyt? Ev. häd mini kollegin d’vivi no zyt www.vivianedaino.com/ 

@sue: han dir retour gschrebe inkl.excel sheet ;) oje goht gar ned wägem fotograf!! Wörd do glaub mol verbi goh oder so heia so müehsam!!! Hoffe ihr händ ne no erreicht jetzt? Wow findi ganz schön die cherze und au d’vögelis passt doch super! 

@me: Lade no paar fotis uf FB (wils eifach so vil eifacher goht) vo de chetteli woni för d’bluememeitlis bastlet han  finde si sind super worde  au wider en ufsteller dass das erlediget isch  han gester zum mi au bitz beruhige no gluegt wäg de lieder a de trauig und werdet wohl folgendi reihefolg ha während de trauig:

River flows in you - Yiruma (Einzug)
Sei come me - L'aura Abela (nach de Ileitig wo GG und ich öis abwechselnd öbis säget er uf dütsch & ich uf italienisch)
A moment like this - Kelly Clarkson (nach de asproch)
T'aime - Patrick Fiori (währendem Sandritual)
Volevo dirti che ti amo - Laura Pausini (Ringöbergab und Kuss)
How deep is your love - Take That (Auszug)

Was meinet ihr dezue? No en frog: wenn d’bluememeitlis inelaufet – söl do scho s’gliche lied laufe wie wenn mir inelaufet nacher oder es anders was meinet ihr? Chami schlächt erinnere wies a hochzyte gsi isch woni scho gsi bin..

Gester hädmi de eint best man vom conci chli gnärvt bez. Sini fröndin.. schribt si mir es sms (uf spanisch si cha fast kei dütsch) düend amigs so kommuniziere si spanisch ich italienisch – bi fast ned sicher gsi obis richtig verstande han wilis so denäbe gfunde han! Händ jo kravattene kauft för die 3 manne wilmer wänd dass si während de trauig vore uf de site stönd wenni inelaufe also d’fraue uf de einte site und manne uf de andere.. und statt es merci dass si sich jo dur das kei kravatte meh müend bsorge chunt: danke dasser am xy en kravatte kauft händ aber das wär ned nötig gsi mir händ bereits alles kauft und die kravatte passt ned zo mim chleid sprich er wrid die ned alegge..
Goht gar ned oder?! han dänn no mit ihne kontakt gha und dasses jo nur um d’trauig 30-40 min goht am afang vom ganze.. nacher chaner sich gärn go umzieh und die ander kravatte wo zo sinere frau passt alegge.. aber sorry d kollege vom GG machet rein gaar nüt! Rege mi so uf mini mädels müend alles ellei mache! Sogar d’bänk för d’trauig gönd si go hole statt die starche manne goht doch gar ned oder?? si machet schinbar kei biträg nüt wilmer das in italie und türkei halt ned kennt (sind aber alli do ufgwachse und chönd sich doch au bitz apasse ned?) naja.. finds eifach schad… s klappet jetzt glaub glich mit dene kravatte aber halt eifach widerwillig dunkts mi.. debi hämer au nomol je fast 40.- usgäh för die 3 kravatte isch jo au ned sälbstverständlich findi und weisch keis merci nüt eher ebe dasses si aschisst debi wändmer ihne will si die engste sind en spezielli rolle a öisem tag gäh und düend si uf öisne wedding-fans au no extra erwähne aber gschätzt wird das also null…

LaPrincipessa: Oh ich chan dich total guet verstah! Es isch so schlimm das Gfühl vo mer chan nöd Vertraue ob die andere de Wille ihalted will Ihne de eigeti amigs wichtiger isch. So ische bi eus au extrem mit de Familie vom GG... Ich säge dir ja mir hend dete scho X-Krise gha. Und für mich isches verbie. Aber wenn die mached was wend chaschs du ja nöd stüre. Ich würd de Entscheid für dich träffe... Ganz ehrlich, so hanis jetzt gmacht, ich säge eifach nei. Zum eifach chöne für mich sicher sie. Will ich find wenn mer de Finger git nämeds die ganzi Hand und am Schluss isch mer wieder entdosche... A dem Tag fänd ich das extrem schlimm und darum chani amigs au nöd sehr guet schlaffe wenn wieder so Vorfäll gsi sind. Mir hend jetzt au ganz vieles nur mit eusne Gschwüsterte oder mine Eltere organisiert. Isch hald eifach so und sie hend sich selber ibrockt. Du wirsch sicher die richtig Lösig finde...

Sue
Danke für de Link, mueni bi Glegeheit gad no go aluege :)
Isch ja würkli es Schnäppli :))

Littlefoot
Ja es sind scho no es paar Sache, abr ich dänke, dass sötisch scho schaffe.. Häsch zwar scho no es paar Sache wo Ziit intensiv sind zum bastle und bache..
Wenn gönder den uf Istanbul? Gad aschlüssend?
Und ja muesch eifach mal en Posti-Tag no ilegge, den chasch gad all Sache go poste gah :)
Gäll isch würkli höchsti Ziit gsi echt..
Das mit de Kappelbrugg isch ja würkli voll häääärzig und ktischig! Abr glich uu schön!!! Und das mit em Struss isch au süess

Laprincipessa
Ah da bini gad froh, wenni din Post lese. Isch doch super chömed hüt dini Mädels zu dier und dass sie dich chönd unterstützte!
Ah danke für de Link, duens no aluege :)
Uii ja das wege de Kravatte het mi au gnervt, voll dänäbed. Evt. ischs ihm nöd klar gsi, dass er sie nur für Trauig müssti alege? Abr immerhin sötis jeze klappe und susch würis scho nomol säge, dass es eifach für Trauig isch und er ja ohni sie dete staht und dass sie dänn nöd müend zämä passe..
Joah ich verstah dis Problem wegem Vater. Abr wenns ja din Brüeder jeze scho weiss und ers au no schön fänd, dass mit em Vater ielaufsch, den wür em glich no die Chance geh.. Ussert ebe er chunt dänn glich zspat oder er staht i de rote Manchesterhose da..
Abr schlussendli würi au no uf dis Buchgfühl lose, wenn mega unsicher bisch, würdi mi vilicht glich für de Brüeder entscheide..

principessa: ah das ishc doch schön, wenn dini ladies hüt zu dir chömed. sie nehmed der sicher sache ab !
ui nei vor allem wasrum schribt d fründin und nid de kolleg selber..hmm isch ja au egal ob die zämepassed haha :)

lilian: ja ebe sone shoppingtag wüssti nid wenn..über de mittag im gschäft negst wuche. de hani d chind nid. sushc isch es unmöglich, mit dene beide ide stadt
mir schaffed das denn scho .)

pfingsti: ha scho wieder müsse lache :) isch es en professionelle tönt für mich immer so lustig

hihih isches en Professionelle - ha ou gad müesse lache

Ja eigentlich scho?! es isch e Kolleg vo mim Brüeder vo selbständige Grafiker isch. er fötelet eigentlich Architektur in Gstaad und für üs heter aber ize gseit würder s Hochzit fötele. Choschtet ize glich aber 2500 franke und wenn er sich nid gli meldet chaner mir de öppe gstohle blibe....?? mir hürate am 9.8.2014...