@sue: also i finde öii Entscheidig absolut verständlich und richtig! Uf dä Typ chöit dir öich ja würklech nid verlah und wenn er nid mau sini Föteli het gschickt, wüsst dir ja nidmal ob öich ds Resultat de würd gfalle... Und so wie dä duet chöit dir ja nid anäh, dass er ds Bestä würd gäh für öich schöni Bilder z liefere. Und Persone fotografiere isch vo mir us gseh scho ganz öpis anders als Hüser, da wett ig persönlech also ou zersch es Portfolio gseh - da chöi sini Hüser-Pics no so schön si! I dänkä das chunnt sicher besser mit öiem Kolleg. Und di Brüetsch wird das doch sicher verstah? V.a. wenn er sälber ou Sälbständig isch, wird er sicher wüsse dass me so keini Chunde cha behandle!

I ha ä Mastercard überd BEKB. Bi däm Gstürm hani immer direkt mit dr Viseca müessä luegä - die Nummere chani jetz de ou langsam uswändig... I ha scho z Gfüehl dass die sich Müeh gäbe, si ou immer top-fründlech am Telefon u die nöii Charte isch jewils innert wenige Täg bi mir. Meh mache aus e nöii schicke chöi sie äuä würklech nid...?

Yeah TGIF!!

Malinchen
Ah kuuhl, weisch scho das bestande häsch, gratuliere!!
Ja han jeze drü wo chönted :) Unteranderem eini wo ni als Favoritin gnoh heti.. Duen jeze no warte, evt. bechumi no e Empfehlig vo einere wo im Nachbarsdorf wohnt, abr susch nämti dänn die ander :)
Oh nei voll doof wege de Charte, voll schräg dasi scho wieder nüm funktionert.. bääää..

Pfingsti/ Broncos
Ja sünnele uf de to do Liste isch super

Broncos
Da muesch ja würkli nüm so vill mache, isch doch super.. Den chasch di würkli voll freue uf dini Hochziit :)

Pfingsti
So schön mit em Gschänk :)
Bi dier isch abr d'Liste au nüm so lang, sind alles no chlineri Sache.. Inere Wuche isch es sowiit

Sue
Hoppla die ganzi Gschicht mit em Fotograf!! Verstahs aso voll, dass iher no gwächslet händ, chönt mi also au nüm uf de verlah. Ich finds absoulut die richtigi Entscheidig!! Ich meine au wenn im Usland bisch, häsch doch dis Natel debi (i de hütige Ziit?) und dänn chasch ja schnell es SMS schriebe, dass di am Abig oder wänn au immer mäldisch.. und phuaaa sit drü Wuche händeren wölle erreiche..
Meinsch din Brüeder wierds nöd verstah?

Me
Has scho de Malinchen gschriebe, het jeze drü gfunde wo mich chönted go schminke cho! Und eini wär au mini Favoritin vo dänä. Warte jeze abr no s'Wuchenend ab und evt. meldet sich no eini wo mer öber us em Nachbardorf chönti empfehle.. Mal luege..
Und morn gömer no eusi Location go aluege. Isch recht spontan de Termin, mier händ die Wuche agfrägt öbs ame bestimmte Datum wür gah, was abr leider nöd de Fall isch. Sie sind sehr usbueched mit Hochziite a Sämstige und am Sunntige schafft sie nöd. Tja zum Glück gahts eus ja morn.
Mier sind emel scho mega gspanne und froied eus det nomol alles go azluege gah :) Und dänn wämer au no chli Örtli go aluege, wo mer eus chönted fötele lah :)

Malinchen
Ja das stimmt meg mim Brüetsch…aber hüt meldis ihm sicher no gad nid hüt heter nämlich gebu-ri;O);O) ui wott di nid verunsichere aber mini 2 beschte Fründinne woni scho viu mit ihne bi go Reisle hei bi BEKB e Karte gha und immer mega problem…ou im Usland dases ner eifach män-gisch nid funktioniert het…süsch luegsch de mau obd wotsch wechsle oder vilicht funktionierts ja ize endlich de??

Lil.lian
Und wie stellschder ds Make up vor? Hesch scho vorstellige?;O)

Pfingstrose
Ja mi Brüeder isch ou ghürate – isch gloubs würkli besser…wenn de larifari fotograf am Hochzit nid uftoucht wäri oder so de wäri äuä uuuuu hässig uf mi Brüetsch gsi wüll er ne vermittlet het;O);O) also isch eh besser nid ihn z neh wenn ig scho so gedanke ha daser nid chönti uftouche;O) ou super megem DJ das passt doch!!

@malinchen
auso i ha Kreditkarte über Migros Cumulus findi super wülls kei Jahresgebühr kostet und weme öpis chouft oder zahlt demit bechunnt me sogar no Cumulus-Pünkut ha no nie Problem demit gha ufde ganze Welt nid...

@määädels! ich bi so happy! mi gg het e job für nachem studium! aso abem 1.9. *happydance* är het sich so gwunsche das är die stell bikunnt und jetzt hets au klappt! yeahh freu mi so für ihn und bi unändlig stolz! nachem erste vorstelligsgspröch het är no gmeind, sigi sich nid sicher ob är das guet gmacht het. aber ez häns em gseit das si ihn gno hän wil är ebe so vorbereitet und alles gsi isch <3 bi so stolz uf ihn!

@broncos/pfingtsi: euri to do listene sin übrhaupt nüm lang! bösi littlefoot das schaffed ihr locker und i bi sicher nägst wucheänd isch au s wätter perfekt und alles wird wunderschön!

@malinchen: hey no 2 wuche! euri liste beinhaltet au nur no kleinigkeite! cooool!
voll doof mit dr kreditkarte. ich ha mini zwar vo de blkb und ha nonie problem ka. ha mol eini vo coop ka, hesch zwar keini jooresgebühre defür findi susch sin d gebühre gnueg hoch.

@sue: hey aso dä fotograf isch ächt für nüd, sorry! isch defintiv gschieder das ihr wächslet! bi sicher au di brueder seht das so wen ihm das alles vrzellsch. öper unzuvrlässigs ka meh eifach nid bruche a dr hochzyt!

@pfingsti: mega cooole DJ händr do! är tönt uf jedefall no lustig und d musik isch sicher au toll, i lieb so latin musik im summer! isch jetzt das dä wo gg's vatr euch spendiert?

@lil.lian: super hän sich paar gmolde fürs makeup und hän au no zyt! bisch doch noni spot dra.
viil spass morn i dr location! wirs sicher mega bi däm wättr am vierwaldstättersee. gniesseds!

@me: hüt obe triffi mi mit dr fotografin z bärn! bi jo scho gspannt
gg isch sich grad am parat mache fürs polterweekend, är weiss jo nid wos ane goht und mues eifach inere stund am flugi si. bi mega gspannt! jetzt häns grad dopplet grund zum fyyre!

Schöne obig euch allne!

Puah Malinchen du machsch mir angst... Ich bin am Schaffe und chan garnix erledige und hürate ei Wuche vor dir! HILFE! :)

Nala: Ja isch de DJ vom Vater woner vorgschlage het. Aber mir hend eus ohni ihn troffe. Und so isch guet gsi. Er muss das eifach akzeptiere.