oh pfingsti... mini to-do-liste isch trotzdäm no dopplet so lang wie dini. De geits ja wieder uf!

Hallo Mädels!!

I bi müed aber glücklech 😁

Üsbüti vom hütige Shoppingtag: Schue für am zivile UND am chirchleche Hochzit, diversi Teelichtli und Fläschli, verschidnigi Spitzebänder zum dekoriere.... Evt lani das mitem Jute-Tischläufer la si... Für dass mi GG seit äs gseht us wine Härdöpfusack ischs doch chli tüür... 😳 was gits äch für Alternative anstelle Jute? D Spitze ade Teeliechter und Fläschli wärde Rose/Flieder und Beige

Hallo zäme!

Siter alle guet is Weekend gstartet?

Das ganze schribe, läse und verfouge vo öine Posts hetmi ufne mega Deko Trip
Ha vori chli di Sache usprobiert woni kouft ha, wasmer am beschte gfaut, und i gloube äs wird richtig kuul sobaudi ig äs paar sache fertig ha, dueninech gad sofort biudli zeige haha

I ha hurti ä Frag, vilech cha mir öpper ä Tipp gä... Und zwar suechi so personalisierbari etikette für wasserfläche (PET) mir gö ja nachder kirchleche trouig ga fötele ader aperolocation, i dere zit mache üsi gescht ä chlini rundfahrt mit somene zügli... Und das ja ändi ouguscht hoffentlech warm ischv hani dänkt, asmer dene lüt vilech öppis trinke söte mit ufe wäg gä? Weiss öpper woni so öppis bechume? Chas ruhig ou säuber drucke, eifach säubschtchläbend müesstesi si...

Schagge:
Etsy! Kasch de sälbr usdrucke und ufkläbe.. Janedoe und pfingsti hän das scho gmacht :)

ou hie no guete Morge!

@Schagge: was hesch für Schueh kouft? Bi gwundrig... Finde d Idee mit de Wasserfläsche ou cool! Hät ou gärn wöue mache, aber mi GG het när gfunde mir bruche das nid (vor Chille zum Apéro sis ou nur ca. 10 Minute bi üs... ) Aber i fänds scho cool wenn würdsch Etikettä drah mache! Die chasch ja när immer no guet transportiere, nimmsch ja nid 1.5 Liter-Fläsche... z.B. so inere Klappbox oder so bringsch sicher mega viel ine!

@me: I ha hüt u morn no mal Prüeffige und när geits bi üs de ou i Ändspurt. Ha es mega stressigs Weekend gha und nid würklech viel gschlafe. Immerhin hani gester ad Sunne chönne ga lehre... Aber bi so paranoid gsi dasi chönnt ä Abdruck becho dasi mehrheitlech unterem Schirm bi gläge. Jetz hoffi mit dr Pfingsti und dr Broncos uf schöns Wätter am nächste Weekend dasi mi de no mal chli cha erhole vorem Hochzyt. Möcht so gärn no chli ga wandere oder bike!

@sue: Ja das heit dir würklech guet gmacht... sone volltrottel!!! Dr nöi Fotograf het mega schöni Bilder! Gfalle mir guet! Ds einte Hochzyt isch ja mega luschtig...

@me: Wäge de Prüeffige het sich uf üsere To-do Liste no nid sooo viel tah:
- Chleid abhole (am Mäntig - fröie mi scho sooo!!!)
- Catering d Kontaktagabe vo üsem Apéro-Hälferli maile
- Mango-Sirup ichoche
- Torte fertig mache (uftoue, dekoriere)
- Banner candybar, sirupbar, cards
- Chalkboard Menu
- Wegweiser
- Photobooth Brautpaar Attrappe alegä
- Tanz üebe
- Chilleheft
- Ablauf mit dr Andrea bespräche
- Ikea: Cherzli choufe
- Pfarrer: Info betr. Kollekte und Stop-motion Kamera
- Flipflops choufe
- Hochzytstäfeli und Chörbli füre Neffe vom GG
- Resti betr. Zahlig vo de Getränk informiere
- Es schöns Böxli fürd Trouverspräche choufe
- Trouverspräche schribe