Malinchen
Das mit em Meer hät was :)
Ja das wär eigendli au so mini Taktik gsi wegem Sirup :) Eifach mal irgendwie usprobiere.. Nur öb mer echt au Zitronesüri brucht oder nöd, weissi nöd so recht.. Han gad nomol schnell googled, es würkli gschiids Rezept gids würkli nöd..
Das mit em dur es Tüechli abgüsse hani bim Holunder au gmacht, es hät abr leider glich chli en Satz geh..

hey guete morge :)

malinchen: wow aso ich bewundere dich, häsch ja scho no recht z tue, und denn machsch no dini turte selber. chapeau :)

sue: gell ich mga au gar nid schaffe, zumal ich letscht wuche ja dihei gsi bin aber da ich au wieder sehr wenig schaffe bis im juli..setti ebe scho mal chli, mit mine zwei täg i de wuche negst wuche isch am dunstig firtig und denn isch ja scho s hochzit, de schaffi au nur am zistig. :)

sasi: cool weg de mandle und em baschtle :)

lilian: isch so schön dete dini hcohzit chumi doch au grad go crashe

all: wie mached ihr das mit abrduck ? ich bi etz ja vom sünnele obe brun, ha trägerlos gsünnelet...aber etz laufi ja mit t shirts ume, ha ja nid nur so bandeau tops

me: mir hend nüt gmacht fürs hochzit das weekend aso usser d ring kauft aber bi immer no entspannt, lustigerwis. freu mi etz au no uf d WM :) aber sett de schono es paar sache mache, vor allem poschte musi no

Guete Morge liebi Brütlis!

Ig bi o zrügg us de Ferie und sitze wieder im Büro Mir heis wunderschön gha und i ha immer mitgläse bi euch, aber bi eifach nid drzuecho zum schriebe... mues de mau weni meh Zit ha usgiebig brichte.

I ha o no chli afa bastle, aber mir hei dr eint oder ander Stouperstei i Sache Tischchärtli und Gastgschänk, isch aus nid so eifach wie mer üs das hätte vorgsteut, bzw. chunnt mit Lieferig viu ztür... Drfür heimer süsch chli Organisatorisches chönne erledige:

- Menu usgläse und Details mitem Parkhotel besproche (DJ, Deko, Menucharte, Husse testet...)
- Sigristin troffe und Details für ir Chile besproche (wie ineloufe, wie sitze, wie d Bluemegsteck ufsteue...)
- Ringravur i Uftrag gä
- fürne Tanzkurs agmäudet (3 Äbe mit Englischwalzer, Discofox und Chachacha, aber nid spez. für Hochzite)
- 11 Cherzeglesli für d Deko am Abe probebastlet (due de bi Glägeheit mau paar Fotos uf FB)
- no paar Sache für Bastuarbeite bsteut (Tafelfarb und Chridestift, Bluemestanzer für mini Dekochugle)

I gloub was ds Organisatorische betrifft, simer guet dinne, aber äbe die ganze Bastlereie wo de no sehr zitintensiv wärde, mache mir e chli Buchweh... Ig ha mir aber itz mau im Kalender no so chli Zite und Wuchenänd blockiert, dassi de sicher gnue Zit ha. Es si ja scho no guet 2 Monet, aber die flüge nur so vrbi!

De si mir ja no amne Hochzit in Italie gsi und es isch sehr schön gsi, aber es isch scho extrem, wieme uf aues luegt weme säuber ide Vorbereitige steckt. Mir wette bi üs Einiges angers mache bzw. lege haut vielech uf Angers meh Wärt, u glich hani müesse säge, für sie isches sicher dr wunderschönscht Tag gsi und so wie sie sichs hei ertröimt, obwous nid d Heufti a Deko oder DIY-Sache het gha, wo mir da inne aui am plane si Und das isch doch eigentlech ds Wichtigste, dasses für ds Brutpaar stimmt!

@malinchen:
Ich lade grad mal e paar Bilder ufe, weiss nid gnau was gern gseh hetisch

@taeboyana:
Ich glaub au das du das beschtens machsch mit dinere Hochziits-bastläte.
Ich ha amigs s'gfühl dasi ich am wenigste vo eui allne mach Debi machis und würis u gern aber oft rennt ziit momentan devo.
Und im "büro" bini hüt au wieder, mini schicht fangt eifach erst a 2 ah und gaht den wieder bis am 11 und morn fangt schicht den am 7ni ah, juppi

BILDER:
Also unschwer zu erkennä sind schuhe, die hani gseh und schön gfunde und sind womöglichi brutschuhe, aber het gern nachli was spez. also weni na was anders gseh kaufi nomol, die da ufem bild sind nur 34.99Euro gsi...
Den hani no Bilder wo eusne Namens-tischkärtli prototype, mir machet abwechselnd wiis-rot bim Tisch genau so wie Kircheheftli so denkt sind, und joo die Kircheheftli sind uuu grusig gschriebe, isch nid so eifach ufem Liegestuhl schribe, aber isch nur so e Idee uf Papier
Den gsehnder no eusi tolli MandläMir haltets ganz eifach und klassisch ohni spez.Gschmack.
Und den zeigi eui na so e mega herzigi "schneekugle" wie wird bi eus uf de Tisch cho
Ich will no meh so herzigi Details, falls also öberd was gseht oder was weiss bini dankbar für tipps
Aja und e Haarblueme hani no bstellt vor de Ferie und jetzt becho, i find sie uuu schön, weiss aber nid obi sie benutze oder glich nur en glitzerkamm.