@malinchen: So Sache wie dassme rächt lang het müesse ufs Trinke warte (es isch sehr e warme Tag gsi und vor Chile zur Location ischme fasch 1 Stund gfahre u het nüt gäh), het fasch keni Blueme gha und sehr weni Deko uf de Tische. Und me het vom 8i bis am 2i am Morge gässe... aber das isch äuä in Italie so üeblech... Isch aber würklech glich es schöns Fescht gsi! Du machsch sicher aues richtig, da hani ke Angscht bi euch, das wird super organisiert si!
@sasi: Oh schad, i wär gad so gwundrig gsi... i dues aube im Paint uf 50% oder so verchlinere. Kenne mi aber leider mit Macs gar nid us He dir heit doch scho u viu für dass dir im Septämber hüratet. Z.B. Chilebüechli heimer no nüt. Aber i weiss o no nid gnau wiemer und ob mer das wei. Mir chunnt eifach die ganz Zit wieder so Sache i Sinn, äbe z.B. Chilebüechli, Freudetränen-Nastüechli etc. womer wette säuber mache wüus eifach zum bsteue ztür isch. Mau luege wasmer aus schaffe!
@me: Wasi no vergässe ha: Ig bi letscht Wuche no mis rote Chleidli im NAF NAF chönne ga hole u bi sehr happy! Mis Mami het gad gfunge (ohni dassi öpis so ha erwähnt): ah ja das wär doch no schön für am Tag danach zum brunche U mini TZ hei ou es Chleid gfunge! Im gliche Lade wie mis Mami. Sie heige e riese Freud dranne, aber i has no gar nid gseh. Sig uf au Fäu es längs.
@malinchen: jo ich freu mi immrno mega für ihn, isch au irgendwie beruhigend z wüssedas är scho e stell het, vo sim studie-joorgang hän erst 4 e stell vo 45 :-/ Jo unsri fotografin isch vo frutige, hän se übr e kolleg vrmittlet kriegt, i glaub aber i ha do gar nie gschriebe für wär mir uns entschiede hän, hesch aso nüd vrpasst Viil erfolg bi de priefige! So härzig, i ha au mega schiss wägme abdruck, i wird jo so schnäll brun. Ha gescht zu gg gseiti bruch eifach e sunneschirm wo i jetzt übrall mitnimm hihi Kaufsch du flipflops für d gäst? Ha mir das ä mol übrlegt, frog mi aber obs wirkli nötig isch.
@sue: super gmacht wägm fotograf und dä isch ächt fräch no so e ussag go maxhe! Tz gohts no?! Au wens nome joor würd go, uf unzuvrlässigi lüt kasch nid zelle. Bi aso froh für euch händr öper bessers gfunde sini fotis gfalle mjr uf jedefall! Mimgg sis polterwucheänd isch toll gsi, si sin uf hamburg (genau das het är au ghofft) und häns eifach lustig ka, sin viil a dr reperbahn gsi und für ihn ischs eso genau perfekt gsi, är het au nid so spieli welle mache, si tz her das zum glück au akzeptiert :)
@lil.lian: euri location usch wirkli traumhaft, mir hän di au mol agluegt ka, abr im internet sin d bildli nid so schön gsi wie dini eze Es usch super gsi mit dr fotografin, isch ganz e jungi und ha s gfühl si git sich mega mieh. Si wird au extra mol no drvor uf luzärn go zum alles go aluege usw :) dunngt mi super!
@littlefoot: i freu mi au meega uf d wm! Nägst wuche hämr abr so e studiwuche im hintrste kaff z graubünde, de ka i leider nid soviil luege
@tabeoyana: mir gohts genau glich, organisiert isch eigetli alles, s bastle fehlt no biz. Ha abr vor de hz 2wuche zyt, das mues de länge :) Wie isch de die hochzyt gsi? Eifacher gstaltet odr halt nid so details? Was isch de mit de gastgschänk, do händr doch die super idee mitem gwürz ka, nid?
@sasileu: so schön händr d ferie gnosse! Bi jetzt natürli gspannt uf d fotis. I ha au e mac, dört due i immr s format in jpg ändere odr e screenshot mache mit "skitch"
@me: mir gohts momentan nid so guet, sit gescht isch mir mega schlächt und drümmlig, mag nid ässe und nüd. Bäh und hüt nomi hani au e priefig, gurgt mi zimli ah nur scho usem huus go. Hoff i kipp ufem wäg zu, bhf nid no um :-/
malinchen. http://www.heiraten.ch/forum/board/versc...5_248_5.html#41 da gsesch eusi ring :) er isch eifach de bescht min GG gravur hets au no ge, näme und datum. aso meinsch hesch denn ke abdruck vom a de sunne ume z laufe ? häsch ja det nid immer de schirm deby ? ah das isch cool mit de turte, de häsch würkli ke erfolgsdruck, de klappts nämli sicher
taeboyana: tönt schön die hochzit aber gell die essed eeewig, mit x gäng und so haha cool wegem chleid :) witer unde no öpis vo mir betreffend chleid :)
sasi: ou bini au gspannt uf d fotis...chasch es nid mit eme programm öffne zum pixel chliner mache ? uf PC gahts doch mit microsoft office...?
sue: ou cool wegem fotograf, recht hender aso würklich gha dem z chünde. freche burscht
nala: ui nid guet, luegsch zu dir !! ingwer tee trinke wow nur 4/45, de isch ja würklich super dass di GG eine het :) oh du armi, chasch nid all mätch luege :( ich cha au eini nid luege wo mi chli stresst : mi sohn hetti am 27.6 karateprüfig da sie am mäntig und am fritig training hend, chan er etz am mäntig am 23.6 ga...nur spilt gnau denn spanie. sone gaggo aber janu. mi sohn chan ja au nid luege denn. de simmer wenigstens zwei. mi GG macht de per whatsapp kommentator eifach in ivory.
me: hend endli istanbul buecht :) freu mi grad mega. GG het eis hotel vo de lischte gno und de hani eifach gseit er sells bueche. gfallt mer aber au mega. und flüg hani etzgrad buecht. (im gschäft ) über seat24...ha nid so erfahrig im flüg bueche separat, hoffe es klappt ha chli respekt vor so billig abüter. ansonsten, no 17 täg und ich bi entspannter denn je :) muss über de mittag no es paar sache go pöschtele. aber het würkli denkt ich bi gstresster zu dem zitpunkt ah und ich ha gar noni verzellt...ha etz glich es zweitchleid bstellt hoffe es chunt a und isch schön. zum tanze stell ichs mer echt eifacher vor so.
@littlefoot: Genau das hani mir o scho überleit wäge tregerlos, i ha genau 1 settigs Oberteili und füehle mi nid so wohl drmit... und bim spörtle bini eh viu duss und da gits definitiv ke tregerlose Sport-BH Hm aber i säge mir immer, dasses ja no gad nid Ougust isch und gange am Abe brav bi üs uf dr Dachterrasse ufe Liegestuehl, da chame oben ohne und es gseht niemer Ja genau he, das si öpe 8 Gäng gsi!! Ah so cool wäg Istanbul! Wird sicher u schön. Wäg de Ringe freut mi so, ig ha mir fasch gwünscht dass di GG uf die Idee chunnt, är het dir doch so gfaue!
@Nala: Ha dir ou no wöue zu GGs Steu gratuliere, hani ganz vergässe! So schön für euch und git doch ou chli Sicherheit. Oh du Armi, hesch äch chli zviu Sunne verwütscht oder süsch öpis? Viu trinke und sicher gad nid no meh ad Sunne. Genau ds gliche hani mi ou scho gfragt wäg de Flipflops... weiss nid ob sich das lohnt oder obs no gschetzt würdi?
@me: Mitem Sänger isch jetz ou aus greglet (er isch sogar no äxtra id Chile ga luege!) und er verlangt 450.- für 4 Lieder mit Gitarre- und Pianobegleitig. Vou ok oder?
Ohh Nala lueg dir guet und sitz ab bevor umgheisch!
Littelfoot eui Ring sind u schön und dine wird sicher so richtig funkle sobalden sunne aschint Und s'kleid gseht ufem Bild schomal schön us, den isches sicher au in echt.
Taeboyana dis Kleid vom nafnaf isch das rote wo über e schultere gaht, oder? Find das u herzig und muen unbedingt au mal no bim nafnaf verbi luegä
malinchen ich hans gschafft mit de Fotis, vermissisch no eis?
Taeboyana Ah voll lässig mit em Chleidli, häsch es doch no gfunde i dinere Grössi :) Und ja d'Italiener sind bekann defür, dass nur am esse sind . Abr das mit em Trinke findi doch chli happig, wenn nachher no so wiit weg muesch.. Ja de Priis findi au ok für vier Lieder..
Nala Ja das stimmt mit de Fotene. Und s'Hotel sälber isch halt au nöd so schön und rächt alt. Und dänn händs au no en Saal, abr dete häds ganz en schlimme Teppich, irgenwie blau mit Blueme wie Edelwiis und Enziane drufe.. Ganz schlimm :-/ Uii nöd guet! Wünsch der gueti Besserig und druck der de Dumme für dini Prüefig!
Littlefoot Han kei bestimmti Taktik wegem bruun werde, abr irgendwenn häsch eifach en andere Abdruck :-/. Isch dänn halt eifach so.. Ich finds uu schön, händer glich no Ring kauft . Und mit Gravur!! :) Ah kuuuhl händer bueched, genial!!
Sasileu Ah kuuuhl, händer fliessig bastlet! Sind schöni Sache wo iher gmacht händ! Chunt jede am Platz so e Härzli über? Und d'Chilebüechli sind au mega härzig. Was schriebeder alles dri? Wegem verchlinere, wenn ich mier Föteli vom Natel duen maile (wo ich uf em Iphone gmacht han), frägt er ja wie gross das ers söll schicke, dete chasch es au verchlinere. Und susch machis au uf em PC. Abr shät ja jeze klappet :)
@littlefoot : solang i alli schwiiz und ängland spiel ka luege bini zfriede abr am 19.6. isch england-uruguay, das könnt chli knapp wärde wil mir dört am obig bis am 12i(!!) präsentatione anschiinend händ. Ich streams de eifach ufemipad und los kei wort zue haha! Ihm sini mitstudis sin glaub au nud all scho so frieh wie är uf jobsuechi, si hän jo au no zyt bis septämber. Abr trotzdäm är het das super gmacht ;) Hui jetzt isch abr öbis gange bi euch s kleid isch mega cool, heschs au in blau bstellt odr de in wiis? i ha am suntig nomi chli e youtube ego tanzparty gmacht ha nach lieder für am obig gsuecht. Ha de au dänkt e kurzes kleid wär wohl gäbiger zum tanze, vilicht lauft mir jo no eis übere wäg ;)
@taeboyana: merci, jo es git ächt e sicherheit! I fühl mi uf jedefall viil besser sit am fritig! Hihi! I bi ebe gar nid gross a dr sunne gsi, i ha aber am fritig e iise infusion ka, könnt au vo dört här no ko, hoff i mag gli widr ässe, das isch chli miehsam wen hunger hesch und glichzitig isch eim schlächt. I find 450.- aso au voll ok! Do gits aso viil türeri wie mir jo erst gradgläse hän, gäl broncos...
@sasileu: mega härzigi kircheheftli und namestäfeli au d schneekugele isch mega siess! Und cooli gravur uf de ring
@lil.lian: oh jo dä saal tönt aso gar nid schön, aber dört wo ihrs jetzt maxhet seht wirkii super us! Händr au scho menü odr öbis usgwählt?
Weiss nicht ob das bei euch aktuell ist (vom Farbthema her). Ich glaub bei Lidl gibt es zurzeit rot-weisse M&Ms. Wahrscheinlich wegen Fussball... vielleicht noch was für die Candybar, falls bei euch jemand eine rot-weisse Deko hat
Anmelden
U mini TZ hei ou es Chleid gfunge! Im gliche Lade wie mis Mami. Sie heige e riese Freud dranne, aber i has no gar nid gseh. Sig uf au Fäu es längs.
gravur hets au no ge, näme und datum. 
da sie am mäntig und am fritig training hend, chan er etz am mäntig am 23.6 ga...nur spilt gnau denn spanie. sone gaggo 
aber janu. mi sohn chan ja au nid luege denn. de simmer wenigstens zwei. mi GG macht de per whatsapp kommentator 
eifach in ivory. 