| Bräute 2014 |
|
|
1 .. 480 .. 958 959 960 961 962 .. 980 .. 997
|
|
|
|
|
|
|
10.06.14 14:23
Taeboyana 
|
Re: Bräute 2014
@Nala: Ja es het nid so viu Details gha wo mir üs hie inne aui dr Chopf drüber zerbräche  Aber äbe, es leit o nid jedi Wärt dadruf und me mues ja de o no Zit ha zum so viu zbastle.
Ja weisch die Sösseli und Gwürzmischige wäre doch soooo härzig gsi... aber chostet ca. 160.- zuesätzlech für d Lieferig! Si haut Glasfläschli wo schwär si. Het mi aber soooo möge...  Itz heimer üs überleit (bzw. GG) dassmer chönnte im Stil vore Candybar eifach en Art Gwürzbar mache mit drfür schön personalisierte Seckli wo de aui Gescht säuber chöi abfüue...? Wär das blöd? U när e Spruch drzue: "Love is the spice of life" oder so...
Und bi de Namensschiudli isches eifach so, dass mir das u nid schön finde zu de Chleider und ou uf de Fotos gsehts irgendwie när doof us... drum wette mir itz glich lieber eifach Tischchärtli mache. Aber wüu mir nur e Tisch- (und nid e fixi Platzzueordnig) mache, müesste mir üs irgend e Tischplan überlege, wo aui Nämeli druf si und d Lüt die de chöi säuber näh und a Platz setze. Idee?
Ah ja das cha je nachdäm vielech scho vor Iseinfusion cho? Wünsche dir schnäui und gueti Besserig!
@Sasileu: Was bsteusch de bi chaircoverfactory? Ha gseh dir heit ou rot bide Dekosache, i hätt de süsch nachem 16.8. roti Organzaschleifene (und natürlech ou wissi Hussene drzue) zum abgäh, faus das bi euch i Frag chäm...
Mega schöni Sache heiter gmacht. Vo wäge dir machet nüt!!
Ja genau das Chleidli. Has äxtra la bsteue und uf d Site tue  . U de hani no gad e Chundecharte la mache (gratis) wome no 20% ufe näxt Ichouf bechunnt hihi
@littlefoot: Bisch sone Frächi  ! Aber weisch, sogar dr Nachber müesst e Leitere näh, süsch gseht er nid über d Sitewand. Bi üs uf dr Dachterrasse gsehsch nur Bärge, Himu und am 1. Ougust Füürwärk . Und usserdäm sünnele ig nie ganz oben ohne, eifach so dassme d Abdrück äbe möglechst vermidet
@me: Ha gad e u cooli Vorlag für Freudentränen-Nastüechli entdeckt bi weddingstyle.de und wott de die usprobiere... hoffe das klappt. Wär scho gäbig e Vorlag zha (ja i bi sehr fuu i so Sache  ).
Ig bi dr 1. Tag nach de Ferie im Büro und das as einzigi vo mim Team... scho chli gfährlech verlockend  Aber ds Wätter isch o eifach nid zum im Büro si!!
|
|
|
|
|
|
11.06.14 08:30
littlefoot
|
Re: Bräute 2014
guete morge :)
taeboyana: hihi denn isch ja guet wenn so sichtschutz hesch :)
malinchen: nei das isch etz aber doof wenn de STV musch mache. häsch ja würkli no gnueg z tue
gueti idee mit de flipflops. ich han ebe allne gseit sie selled wedges alegge, wegem garte, und die wos de nid mached, tja selber schuld haha :)
me: gang etz d väsli go bringe zu de bluemefrau. liechti afäll vo bridezilla  ha väseli pro tisch präpariert, wil sie ja nid all glich sind...hoffe aso echt dass sie das anebringt so id location z bringe (da machi mer weniger sorge) und das de verastalter die denn richtig uf d tisch tuet...aso wenn de eis zwei vertuscht werded, machts ja nüt aber so ungefähr setts scho stimme
de verastalter het uf mis mail gantwortet wo ich wegem wisswi gschribe han, und denn no weg tischplan (ich gäb em denn en grob zeichnete vo mir, nach sine erlüterige)..danke für den wein, werde ich so bestellen und alles weitere bei GELEGENHEIT haha luschtige cheib der. so vill glägeheit gits de nüm i 16 tag 
ah und de isch chli blöd etz weg istanbul..bi devo usgange dass mini sis au chunt go hüete mitem mami, sie het semesterferie...drum hani de spötischt flug buecht am mittwuch und mir sind erst am 01:00 dehei. mis mami muss aber am do wieer schaffe, und sie muss ja no uf lausanne..mini sis het en job gnau ab dem tag.. etz mömmer no öper organisiere für die paar stund.  d betreurin vo de kita wetti nid frage, die chunt ja scho am hochzit...hach wird etz chli doof, all mönd doch schaffe am tag danach und allzu viel wohned ja nid z luzern...hmmm.
Zuletzt bearbeitet am 11.06.14 08:32
|
|
|
|
|
|
|
|
|
|
|
|
11.06.14 09:58
Taeboyana
|
Re: Bräute 2014
Guete Morge
@Pfingsti: Wow das tönt ja würklech benidenswärt entspannt bi dir!! Du machsch das richtig. Gniess no die letschte Täg!
@malinchen: Ganz viu Glück für die letschti Prüefig, die packsch no!! Und de hoffi ganz fescht dass nid muesch Stv. mache. Die söu ganz schnäu wieder gsund wärde, damit du no chli chasch düreschnufe vorem HZ.
@lil.lian: Ja a so Weckglesli hani o no dänkt, aber d Seckli wäre äbe no cool wüu me se chönnt personalisiere, süsch müesst me de wieder no Etikette mache... und d Seckli chieme nid tüür. U so chönnt ou jede/i chli usläse was se gluschtet.
@littlefoot: Pff, gester isch nüt me gsi mit sünnele, pünktlech ufe Firabe isch d Sunne wäg gsi
Oh i hoffe dir finget e Lösig für euchi Kiddies, aber ja vielech e liebi Nachbarin oder so?
@me: Söui euch no üses Menu vorläse ? Mir hei vom Resti no dr Ablouf becho as Bestätigung und es tönt super.
Auso: Bir Akunft ir Location gits e Erbeerbowle (alkoholfrei), Moscato und Mineral (mir chöme ja bereits vom Apéro, drum nüt Grosses). När ds Menu:
Grillgemüseterrine mit Basilikumespuma
dazu Schangnauer Büffelmozzarella und Mesclunsalat
  
Gebratenes Redsnapperfilet
serviert auf einem Erbsenrisotto und Minzschaum
  
Am Stück gebratenes Rindsfilet an kräftigem Barolojus
begleitet von Orangenkartoffelpüree mit Salbei
auf Zucchetti-Dörrtomatengemüse
 
Dessertbuffet mit 8 Leckereien:
- Schokoladenküchlein mit flüssigem Kern
- Zweifarbiges Tobleronemousse mit Mangoragoût
- Joghurt-Mango-Terrine mit Papaysalat
- Erdbeer-Tiramisu
- Kalte Moscato d’Asti Sabayon mit Himbeeren
- Fruchtsalat in der Ananasschale
- Aprikosencrumble
- 3 Sorten Glacé:
Zwetschgensorbet, Pistache und Mocca
- Käseauswahl mit hausgemachtem Früchtebrot
Was meinet dir? Isch haut scho chli speziell, aber mir freue üs mega druf. Und für d Vegis und Nid-Fischässer organisiere mer e Alternative.
|
|
|
|
|
|
1 .. 480 .. 958 959 960 961 962 .. 980 .. 997
|
Anmelden
ich glaub mi GG hets scho immer im chopf gha dä z chaufe 
I hoffe jetz eifach mal es geit ihre schnäll besser.