| Bräute 2014 |
|
|
1 .. 482 .. 961 962 963 964 965 .. 981 .. 997
|
|
|
|
|
12.06.14 13:47
Taeboyana 
|
Re: Bräute 2014
Froue, hilfeee, Brautzilla-Alarm, ha gad e chlini Krise!!!    
Mir si ja letscht Wuche bim Hotel gsi und die hei üs gseit, mir müesse em DJ säge dass d Obergänze für d Lutsterki 70 Dezibel sige (es het schints es paar heikli Nachbare wo süsch d Polizei bsteue  ). Ig ha doch säuber ke Ahnig vo Dezibelagabe und ha das am DJ so gschriebe, itz lütet dä mir vori a u seit, aso bi 70 Dezibel ghör me d Musig chum we d Gäscht zäme rede... da chönn me unmöglech Tanzmusig mache. Er isch e uuuuu liebe aber er het gseit für 70 Dezibel chäm är nid, da chönn är nid drhinger stah, soviu Gäud zverlange, da chönn me e CD-PLayer ufsteue süsch sig das usegworfnigs Gäud... Oh Mann Hilfe!! Itz hani am Hotel gschriebe ob äch das en Irrtum sigi? D Nachbare wärde wou chum d Polizei iz Hus hole, we d Musig nid lüter isch as d Gspräch??
Bitte drücket mir d Düüme dass das en Irrtum isch!! Weiss süsch ächt nid was mache, hami sooooo uf dä DJ gfreut
Sorry füre Ego-Post aber ha das müesse loswärde!
Wünsche er Pfingsti und Claudi morn und er Broncos übermorn e Haaaaaaammmer-Tag, es wird wunderschön bi euch aune, da bini sicher! Bi scho uuuuu gspannt uf euchi Brichte und Fotis!!
|
|
|
|
|
|
|
|
|
|
|
|
12.06.14 18:43
Schagge
|
Re: Bräute 2014
Taeboyana: nur dir Ruhe :-) u frag z Hotel mau wis de sigi mite zuenige fänschter? Bi üs im hotel heisi eifach gseit dass abde 10 d fänschter müesse zue si!
pfingtrose und claudilein: öich wünschi ä wunderschöne und unvergässleche hochzitstag, lieber no äs glesli rote nä vorem is bett ga, füre guet schlaf :-) haha
I bi ou niene ufeme countdown obwou ig itz de d 70 tag marke knacke ;-)
|
|
|
|
13.06.14 07:46
lil.lian
|
Re: Bräute 2014
Guete Morge mitenand!
Taeboyana
Huiii :-/ Das chas ja scho nöd sii, dass d'Nachbare bi Zimmerlutstärchi chömed go motze.. Und wenn praktisch kei Musik chöntisch laufe lah, müsst doch das s'Resti vorher säge?? Das findi no sehr entscheidend :-/ Häsch scho Antwort becho?
Druck der de Dumme!!
Littlefoot
Ich wür glaub vorher bi ihm nomol uf de Matte stah, egal öb er Ziit hät oder nöd. Aso gege es Fuessballzelt würi mi den aso au no wehre.. :(
Me
Bin gester no id Manicure und Pedicure gange, isch sehr entspannend gsi :) Mier sind ja am Samstig no anes Hochziit igalde, es nimmt mi meeega Wunder wies wierd. Bin au gspanne, wies alles werded umsetze, wie Deko isch, wie Trauig isch, etc... De Brütigam isch en Kolleg vom GG und de Kolleg hät ihm mal verzellt, dass sie gar nöd so vill sälber gmacht händ, sie händ no vill de TZ überlah. Abr irgendwie glaubi, wemer sie wür fräge, wür sie öbis anders säge  . Mal luege :)
Und dänn hämer gester no euses zweiti Gspräch mit em Pfarrer gha. Es isch um de ganzi Ablauf gange. S'Gspräch hämer mega guet gfunde. Jez hämer abr doch no einigi Pünkt wo mer müend abkläre. Hät öber vo eu eifach Orgle i de Chile? Er hät ebe gfunde, mier chönted eifach säge öb mer öbis moderners, jazzigs oder was au immer würded wölle.. Abr irgendwie findi no schwierig eifach so was z'säge und mer wüssed ja glich nöd was es dänn für es Lied isch.. oder hät öber explizit es Lied ageh wos den uf de Orgle tüend spiele?
Und dänn hät er eus no für de Trausspruch e Homepage ageh: www.trauspruch.de
Finds no guet gmacht, meh chan aklicke was eim i de Ehe bsunders wichtig isch und die zweiti Frag isch was de Trauspruch söll leiste. Han jez scho es paar dureklickt , abr eine wo mi gad voll aspricht hani nonig gfunde.. Händ iher eui Trausprüch jewiils sälber usgsuecht?
Ah und dänn isch mer au grad no igfalle, mier händ die Wuche no d'Apéro-Iladige becho. Die sind jeze au verschickt :)
Wünsche eu es schöns Tägli!!
|
|
|
|
13.06.14 08:12
Taeboyana
|
Re: Bräute 2014
Guets Mörgeli
@lil.lian: das isches ja, üse DJ isch ja sogar scho mau dert gsi amne Hochzit... aber weiss nid ob die Nachbare ersch ir Letschti so doof tüe... i meine es wär vo ca. 11i bis am 2, nid die ganzi Nacht. I bimer scho e Notfauplan am überlege faus ds Hotel uf dene 70 db besteit, ob mer vorhär mit de Nachbare gö ga rede oder se schlimmstefaus gad ilade cho mitztanze  Brautzilla-Alarm haha...nei i hoffe würklech u fescht dass sech e Lösig findet und mir üses Fescht inkl. DJ chöi mache wie planet, süsch bini de ächt chli verzwiflet. Aber gschider i mache mi scho mau uf bad news gfasst...
Hm, wäge Trouspruch heimer üs o no keni Gedanke gmacht. Mues aber die Site mau aluege, isch vielech no hiufrich. Mir hei am 1. Juli ds Gspräch mitem Pfarrer und soviel i weiss nur eis, aber i kenne ihn guet. Heit dir de nomau es Träffe?
Ah cool, mues ou gli mau wieder id Pedicure und vor auem de no e Termin mache fürz Hochzit! Was hesch gmacht, eifach French oder e Farb? I bi ja itz vou Fan vo däm Gel-Lack (aso für d Manicure ), has la mache fürs Zivile und es het 3 Wuche ghäbt. Splitteret nüt ab, git keni Streife uf de Sache wome id Händ nimmt und isch glich nid es angers Gfüu as hätt me normale Lack druf.
Cool wäg de Apéroiladige, hesch es Föteli?
@Schagge: Ja das wär vielech no e Punkt. Mau luege, i ha bis itz no nüt ghört vom Hotel, ga aupott mini Mails ga checke, schlimm
@littlefoot: isch es 4*-Hotel oberhaub vom Thunersee, aber es liegt nid eigentlech am Hotel säuber, sondern ar Nachbarschaft. D Hotelchefin het säuber gseit sie verstöng nid, dass die so heiku tüege, sig ja schliesslech es Hochzit. Aber sie wott natürlech o nid geng Puff mit dene.
Ou nei aber das isch o gad chli müehsam mit euer Location? Schint as hätt er momentan nur d WM im Chopf und nähms chli sehr leger mit euem Fest? Da würdi auso o druf bestah, dass de würklech aus so klappet wie DIRs weit!
@me: Gester Abe hei mir drfür de no e mega Ufsteuer gha nach däm DJ-Drama. Hei ja üse Tanzkurs gha (ds 1. vo 3 mau) und si scho chli närvös gsi (ämu ig ). Womer de si härecho het sech usegsteut, dass mer nur 2 Päärli si und ds angere Päärli wägeme Notfau isch verhinderet gsi, drum heimer grad e Privatstund gha, und das für 20.- ! Hei de natürlech gseit dass mir fürs Hochzit wei üebe und sie het üses Lied ufem Iphone gha und de heimer ei Stund lang nume Rumba glehrt, scho mit verschiedene Dräige und auem! Und ds Beste vo Auem: GG isch ächt eifach super gsi, er het das soooo guet gmacht!!  I ha gwüsst dasser nid unbegabt isch, aber so guet hättis ächt nid erwartet und es isch eifach schön gsi, mit ihm z'tanze. Gäge Schluss heimer scho ds ganze Lied düretanzet (frei, är het eifach gfüehrt) und üs scho rächt sicher gfüut. Und wemer mau churz drusgheit si, heimer immer wieder guet inegfunde. Ha ächt uuuu Fröid! Sie het üs ou mega Komplimänt gmacht und gseit, es chäme nid aui so wit i eire Stund. Itz freui mi richtig uf die nächste Mau und mir hei gfunge, dass mir de när vielech gärn wette regumässig ga tanze. GG und ig hei nid mega viu gmeinsami Hobbies und das wär eigentlech u schön.
De si no 2 Päckli cho gester mit mim grosse Bluemestanzer (i mache so Chugle da für d Tischdeko: http://www.pinterest.com/pin/375417318909097617/) und d Tafelfarb plus Chridestift. Morn hani chli Zit, de hoffi, i chönn chli bastle  .
|
|
|
|
13.06.14 08:25
littlefoot
|
Re: Bräute 2014
huhu :)
lilian: ou cool weg de pedi. setti glaub au no mache, wobi me mini füess gar nid oder nur minim gseht :)
ou häsch es foti vo de apero iladige ?  ou cool wegem hochzit :) luegsch sicher anders druf momentan
hmm ja weisch mi GG meint es wird so oder so super, egal wenn so chlinigkeite nid passed. hend gester gstritte, isch shco lang nüme de fall gsi  ebe wil de kolleg ja wieder zu eus muss cho go schlafe, wil er susch bi einere wohnt wo de sohn nid mag hi ga...ich sig egoistisch aber ich glaub ich dörf das 2 wuche vorem hochzit ? egal. ha eifach krise und gar ke lust me momentan :( mini TZ wo susch alles profi mässig macht, merkts langsam au, sie het so vill um d ohre und denn het sie vergesse s mail vo e entwürf an verastalter z schicke und de stick mit de playlist het sie au verhängt, aber de chunt etz hüt a poscht. aso nid so schlimm, merke eifach es isch allne chli z vill und das zwei wuche devor...mis mami het d bänder au noni gnäht, mi GG macht au nüt fürschi, er brucht no es hemd, schueh, e flüge....s wetter zeigt sit tage rege a, wobi det weissi dass mer etz no nid cha druf ga.
naja. shit happens, besseri täg chömed denn scho .)
taeboyana: ja aber ich meine sie wett ke strit mit de nachbare, egal sie verdient geld demit. de cha sie ja dene mal es frei znacht oder so offeriere oder sich susch öpis la ifalle, immerhin isch es es hochzit, das chas ja nid si dass ihr ke party chend ha dete ! aber was d sasi gseit het wär no interessant z wüsse. bi ois mönd mir ja au d türe zum partyruum zue ha abem 22:00.
uh cool etz gahts baschtle los :) meega wegem tanzkurs ! das tönt so super imfall
|
|
|
|
|
|
1 .. 482 .. 961 962 963 964 965 .. 981 .. 997
|
Anmelden
