@teaboyana: 70 dezibel isch gloub würkli nid so viel... Normali Lutstärchi bi Gspräch isch gloub so um die 60 und d Obergränze bi Parties isch so viu i weis chli öpis über 90. Dass dir nid gad dörft ufdräie wie imnä Club verstahni ja scho und i cha mirs nid so vorstelle wie 70 isch. Hesch scho gluegt obs irgend es app git womes cha mässe? De chöit dirs dehei mau testä...
Aber findes ou chli doof dass sie das ersch jetz sägä! Mir hei Locations wo so doof hei tah aube scho gad vo Afang a usgschlosse ou wes mega schön wär gsi süsch. Hei sie sich scho gmäldet?

Mega cool wägem Tanzkurs! Das tönt würklech super... GG und ig heis ja äbä nümme gschafft einä z mache vorhär. Chunnt de scho guet, hei fang chli dehei güebt mit Hilf vo Youtube. Aber hei ou scho gseit mir mache das de mal no, fändes irgendwie ou mega cool wemir när aubes zämä chönnte go tanze.

@littlefoot: Oh nei, da verstahni dass de di närvsch wägä dr Location... Das würd mi ou unsicher mache, i wett ömu ou wüsse wies de när isch und nid am morge härä cho und när no müessä stürme. I würd gloub ou versueche vorhär no mal verbi z gah. De chasches kläre und när am Hochzytstag mitemnä guetä Gfüehl dra häre.
Bi üs ischs ou chli so, dass langsam alli froh si wenn d Vorbereitige düre si und mir wieder zyt hei für anders... Mini TZ het gad mega Stress im Büro und es duet mir irgendwie mega Leid dass sie jetz wägä üs no so viel umd Ohre het. Aber i finde scho, dass du jetz chasch egoistisch si, wenns dir nid passt dass dr Kolleg bi öich schlaft. Isch ja nid generell, aber er mues ou verstah wenns halt mal einisch nid geit...

@lillian: ou cool chöit dir anes Hochzyt! Muesch de verzelle wies gsi isch! Mir hei vom Pfarrer es paar Trousprüch becho wo mir hei chönne uswähle, aber mir hätte ou sälber chönne eine wähle. Es isch när gad eine drbi gsi wo üs het gfalle. Mir nähme dr 1. Petrus 4, 8-11.

@me: I ha gester när glich frei gha. Mini Kollegin isch wieder cho schaffe... Has gad meeega gnosse. Bi am Mittag mit GG ir Abälocation ga ässe, de hei mir no gad mal paar Sache mit ihre chönne kläre. GG's Elterä hei üs vor eirä Wuche eröffnet, dass sie gärn d Getränk vom ganze Abe wettä übernäh! Es isch natürlech meeeega dr hammer und mir fröie üs wahnsinnig drüber. Drum hei mir aber dänkt mir göh no mau verbi und säge ihre, sie söu gad zwöi separati Rächnige mache. I ha ou no gad gfragt wenn dasi d Torte cha verbi bringe und ihre gseit wie viel Platz sie öpe brucht im Chüelruum. Isch jetz alles greglet und das chunnt gloub würkli super det.
Am Nami bini när id Badi wieder mit Sunneschirm und allem und ha eifach gnosse mal nix ds mache. Am Abä hei mir när natürlech WM kukkt... GG het sich mega ufgregt dass ig bim Tippspiel scho besser drin bi als är. Haha, er het gseit er laht sich la scheide wenn ig nachem Final immer no meh Pünkt ha als er... Er bildet sich immer no i dass ig kei Ahnig vo Fuessball ha.

malinchen: haha so geil weg GG :) mir hend im gschäft s SRF tippspiel mit ere gruppe...letscht mal a de WM han ich gwunne gha mi GG seit zwar scho ich heb chli ahnig vo fuessball aber es stört ihn wils nid so wiblich isch. pfff :)
ah so guet vo de eltere ! mega. sünnele und nüt mache isch eifach top :)
hmm ja aber mi GG wett das eigetli nid dass mer etz "schwierig" tönd. er tscheggts eifach nid dass es so nid gaht, chutz abundnigi mails, etc... es werdi eifach toll weg de lüt und ich dörfi nid scho d istellig a am morge..haha brautzilla alarm :) aber wiesch wie doof wenn mir am morge det anegönd, und de typ schlaft ja no, wil er ja bis spat id nacht WM macht. mir gsend ihn ja gar nid ! und de mömmer eus no ufrege wil alles nid so isch ? wenn de hochzitstag so startet... naja drum hani würkli grad krise und weiss nid wie ich da sell use. vo mim GG us darfi ja ke terror mache aso was machi ? abeschlücke und bete dass alles richtig chunt ? so setts nid si. aber mi GG verstahts eifach nid, für ihn isch das schwierig tue,hmmm....

oh nei... mega doofi Situation! Also i chönnts nid lah druf a cho... I wär när mega hässig wenns nid so isch wie besproche und würd äuä churz usticke. Isch d Frag was ds chlinere Übel isch für di GG, wenn jetz "schwierig tuesch" und das imne normale Ton chasch kläre oder wenn denn usticksch wenns z spät isch zum no öpis ändere? Klar wird ds Fest so oder so schön und zentral isch das alles ja nid... Aber i verstah mega guet dass es di ufregt wenns när nid so isch wie dirs besproche heit und dr ander Typ jetz eifach nur no WM im Chopf het. Dir heit ja am morge ou nid sooo viel zyt zum ga vorbereite, de sött ja scho klar si was wie wo cha igrichtet wärde.

nicht registriert

Guuätä herrliche Friitig Morge

Ich han eu & dä Ustusch mit eu diiä Wuche fest vermisst... Bii chum zum Lese choh. Debii het ii doch theoretisch jede Namittag freii. Aber unseri To-Do-Liste wachst anstatt, dass sii schrumpft!
Aber z'erst zu eu!

Malinchen: So en spontane freiie Tag isch doch öpis herrlichs! Und s'Gschenk vo diine Schwiegereltere isch natürlich wunderschön! Wiird eues Portmonnaie nomol richtig entlastet! Meega grosszügig vo ihne!

Taeboyana: Het s'Restaurant scho zrugg gschriibe? 70 Dezibel isch echt nöd viiel!! Und sus, chas eu jo egal sii wenn Polizei chunt, dass isch am Resti siis Problem?!
Eue Tanzkurs tönt echt meega kuul! Ihr sind demfall voll Naturtalent!

Littlefoot: Bii eu giits ä Stumpebar? Da isch ja männlich und kuul Het sii dert nomol aglüte? Als ob d'WM, wo's all 4 Jahr giit, wichtiger wär, wiiä eues einzigartigs Hochziit! Ich hoffe fest, dass klärt siich alles für eu!

Lilian: Wow, diiä Siite isch ja echt no kuul! Diiä het ich früähner brucht! Mir hend unser Vers selber gwählt. Mir hend: "Wen die LIebe erfasst hat, der kennt ihr Feuer: Sie ist ein Flamme Gottes. Mächtige Fluten können sie nicht auslöschen, gewaltige Ströme sie nicht fortreissen."

I weiss gebt no viiel. Aber ii muä abkürze.

Me: Bii uns lauft en huufe: (Nebet dem, dass ich ins Bruäfslebe iistiige )

Bluämä: Mini Fründin het welle für uns Bluämä machä. Dä Ziistig hettet mir unser ersts Treffe gha (38 Tag vorem Hochziit!) und denn het sii am Tag selber gschriibe, sii würds am Abig nöd schaffe. Sii heg eiifach z'viiel mit dä LAP. Ich verstoh das ja, sii hets wirkli nöd eiifach... Sii het uns denn abote im Juli z'luägä. Aber im Juli hürotet mir ja! Ich bin mir ganz siicher, dass sii Bluämä in 20 Tag parat machä chan. Doch irgendwiä muä doch dii restlich Deko zu dä Bluämä passe?? Wiiä hettet ihr eu entschiide? Mir isch es schwer gfalle, denn ii ha sii doch so gern Doch am Samstig hend mir s'Treffe miteme andere Bluämälade. Miir hend Glück, gad nach unserm Hochziit fanget dert Betriibsferii aah
Usserdem gfallt mir mittlerwiile Farbkombi orange-pink, denn es isch knallig und fröhlich : http://das-bluehende-atelier.de/blog/wp-...d-T%C3%B6lz.jpg Aber ii find nöd sooo viiel dezue... Het öper vo eu no Inspiratione?

Pass: Hüt Morge han ii dörfe scho vorem Zivile dä Pass go bstelle. Sii schicket iihn denn an unser Standesamt und an dä Trauig wird er mir usghändigt. Da find iich irgendwiä es schöns Symbol. Denn bin ii offiziiel Frau GG

Restaurant: Mir hend uns gad zweiimal mit em Restaurant troffe. Und ich bin so Fan vom Chef. Dä het immer öpis pinks anä. I glaub er het miich durchschaut Unser Menu:

Welcome Apéro:
Crostini mit Tomate, Frischkäse & Honig, Avocado

Vorspeisen-Buffet:
Antipasti-Spiessli, div. Salate, Crevetten, Fingerfood vom Grill, Melonen-Rohschinken, TomatenMorzarella, Lachstatar, Datteln im Speck, Gazpacho.

--> Wenn's schön's Wetter isch, findets bis do alles im Garte dusse statt.

Hauptspiess serviert:
Entrecote vom Rind, Risotto, Peperonata

Dessertbuffet:
Tiramisu, Kaiserschmarrn, Mousse au chocolat, Panna Cotta mit Fruchtmarkt, Glace, Cup Cakes, Früchte

After-Party-Food:
Rohschinken mit Käse
Partygetränke (Grappa, Amaretto, Braut-Drink, Caipirina (Mänenr-Drink)

I werde diick aah sebem Abig


Und wiiteri Termin stönd scho vor dä Tüür. Hüt gönd mir go Möbel in dä Ikea kaufe, scho glii wird nämli züglet Am Samstig gönd mir in Bluämälade und treffet unseri Organistin, sii will uns devo überzüge, nöd dä Hochziitsmarsch spiiele und zeiigt uns anderi schöni Orgelstuck. Au am Samstig gönd mir in Bluämälade. So herzig, am GG siis Mama chunt mit. Sii will uns das zahle.
Mäntig gang ii miis Zivile Kleiid go apasse laah und und und...

I hoff, mir schaffet das alles no rechtziitig. Mittlerwiile gots zum zivile no 32 Tag. Jetzt find iich's ufzmal nüm laaang. Vo eiim Tag uf dä ander

Hebet alli en wunderschönä sunnige Namittag. Natürli ganz bsundrig üsi zweii Brütlis vo hüt. I denk ganz viiel an euch!! <3
Genug

@squishy: so cooooool, die ersti Wohnig irichte isch so öpis cools! Gniessets ir IKEA! Wenn düet dir de zügle? Aber det wohne düet dir när ersch nachem Hochzyt oder?

I verstahs wägä de Blueme, für sie ischs jetz würklech gad ä mega stressigi Zyt mit dr LAP und de isch sie ja villicht insgeheim ou froh wenn sie die Ufgab cha "vergässe" und sich voll uf das konzentriere. Villicht chasch du sie ja de drfür mal für nes anders Hochzyt als Floristin empfähle oder so. Pink-orange findi ä cooli Combi! Da chasch sicher mega viel mache und das passt ou mega guet zu öiem Motto! Hesch scho mal uf perfect palette gluegt ob det no Bilder findsch?

Mega cool mitem Pass! Das isch würklech cool wenn dä denn gad überchunnsch...

Bechume gad hunger weni öies Menu liese, das tönt mega fein!!!

@schagge: Mega doof wäge dr Location! Wie hei sie das de begründet dass sie das jetz glich nid ewei zahle??? Geit ja würklech gar nid... Heit dirs schriftlich dass sie zersch hei zuegseit? De würdi würklech druf bestah! Süsch heit dir ja enormi Mehrchoschte wäge ihne...

@me: Maaaan, i bi ou gad uf 180 - aber nid wägem HZ. I ha öich doch denn verzellt woni mi so gnärvt ha wägere Arbeit woni ha müesse abgäh und mi "Kolleg" het sich nümme gmäldet und so. Er hets ja de schlussändlech rächtzytig abgäh - aaaaber jetz hani es Mail vor Dozentin (am Mänti becho - ha wägä de Prüeffige mis Studi-Mail nümme checkt sitem Weekend) dass i derä einzige Site wo er het müessä schribe Plagiat si! Sie het jetz no mal ä Frist gäh wo mirs chöi korrigiere, aber i mah das nid mache. Weis ja nid wo är das züg här het! Jetz lüti ihre a und säge ihre halt, dass ig dr Räst ha gschribe wo ja alles korrekt zitiert isch, und ig mi us däm wott usenäh und ou nid wott hange wenn ers nid erledigt bis denn.

@Taeboyana: Bsteuet dir öppe dr Farfallina fürs Hochzyt? Finde d Idee mit dr Gwürzbar würklech super! Das passt ja irgendwie ou mega zum Job vo dim GG und isch eigetlech viu ä persönlechere Bezug aus ä Candybar. I finde ds erste Seckli meeeega cool! Ds zwöite isch halt eher klassisch... Und d Tags findi ou super!