Guete Suuuunnntig Morge!!!

Min liebe Mah schlaft no und ich han denkt ich chan mal mit em Bricht zu eusere Hochziit afange! Freude eu! Es isch soooooo en super Tag und das egal wies chund. Will es chund wies cho muss!

Die Wuche woni frei gha han isch würklich Gold wert gsi. Eifach zums locker chöne agah. Bin u viel am abhagge gsi und han würklich bis am DO wo mer hend welle gah alles parat gha. Min schlaue GG het den gfunde er machi am MI no en DH Termin für de DO ab... Super!!! Den ischer uf die 11i gange und no schnell de Portwii und sin Brüäder go hole. Anstatt am 1 wie mer abgmacht hend ischer den am 2 da gsi. Dete bini ächt chli sauer gis. Mini Gschwüsterte und ich sind den zugestiegen und es isch de besti Entscheid gsi en Tag vorher scho mal usefahre. Es git viiiiel meh Gepäck weder mer meint. Haha! Zwei ganzi Kofferrüm hämmer gefüllt. Kkk! Mir hetted am 2 Turte müsse hole. Den ischs hald fast 3 worde. Naja... Sie isch wunderschön gsi! Echt cool au eusi Platzhalter Guetzli! Die besti Entscheidig... Den simmer gaaanz vorsichtig mit de Turte zu de Seerose kurvet. Ich glaub die Autofahrer hinter eus hend eus ghasst, aber mir hend nöd schneller chöne fahre. Wie uf Eier! I de Seerose hemmer den alles usglade und die vom Hotel händs extrem super gemacht und mitghulfe. Eusi Zimmer sind scho parat gsi mit allem dinne wo mer am Vortag bracht hend. Ich Schlaumeier han die ganz Ziit allne gseit was sölled ipacke usw. Tja und ich vergieße mis Bikini!!! So en Hohlchopf! GG hetz den welle go hole, aber es isch scho 4i gsi und er het eh am 5i müsse abfahre für id Schuel - jaja, de ARMI! Ich han den zum Glück eis vom Hotel chöne uslehne. Den simmer zfüfte no schön go bade und is Wellness... Isch herrliche gsi! Ein Tag vorher areise isch perfekt gsi wükrlich. Mer chan eifach alles liege lag wills den endlich mal vor Ort isch. Und d Wohnig diheime isch schön parat gsi ohni Chaos für wenn mir wieder heichömed.

Min Schatz isch den ebe leider gange... Mir andere hend den alli schön gemütlich duschet mini Schwester und ich hend eusi Nägel no gmacht und eusi lustige Brüädere e Maske ich bin fast abe gange. Uf die halbi 8ti simmer go Thais ässe. Puah es isch de Brüller gsi! Und en super Abig würlich. Uf die 10ni isch den min GG endlich wieder cho und mir hend ihm no Thai uf euses Zimmer (min Brüäder, mini Schwester und ich) bestellt. Und hend alli zähme no chli WM glueged. I de Pause hemmer Teamsitzig für de Tagesablauf vom Hochziit gemacht und sind den alli so uf die halbi 1 is Bett. Han extrem guet chöne schlafe bin so k.o. gsi. Am Morge simmer den am 7ni ufgstande...

Das isch scho gaaanz komisch gsi. So hm, GG wird nöd guete morge gseit und er wird sich schön separat parat mache. Den bini scho chli so abspannt words. Mir hend den zmörgeled isch super fein gsi. Han eifach chli Rührei und Erdbeeri, Ananas und Naturjoghurt gesse. Nachher isch mer total schlächt gsi... Han denkt wenn das so bliebt den hani ja mega en abspannte Tag. Han den aber vor Nervosität gad ufs WC müsse. Uf die 8:30 isch den d Stylistin cho und het afange mini Schwester parat mache. Isch super gsi echt die het das so cool und schön gemacht! Mir sind mega zfriede gsi. Min Brüder het dewered s Hotel agwisse no s Zimmer mache damits uf de Fotis guet usgseht und isch den no min Bluemestruus go hole, s Auto wäsche und het no Schleife anegmacht. Um die 10ni bin ich den i mim Morgemänteli anegsässe und gstylled worde. 10:30 isch den d Fotografin bzw. d Fotografiene cho und hend alles mögliche knipset! Het mega spass gemacht und mir sind alli mega entspannt gsi. Sie hend den no mis Chleid us em Sack usegno und sind schier hineusegheit. Die hend so gschwermed das fast peinlich worde isch. Haha... Sie sind den irgenwenn zu mim GG über wo am Morge no Ballön ufblassed het. D Organisation und Zeitplan hend perfekt funktioniert und ich han eh KEIS Ziitgfühl meh gha. Mer isch so innere andere Welt isch würklich lustig. Irgendwen sinds den wieder retour cho für de Moment wo ich mis Chleid allege und Schueh... Es isch so schön gsi und würklich REAL worde. Ohohoh! Ah und am PETRUS dankich no 1000 mal!!! De ganz Tag hetz aneghebed.

Den bini losgloffe mit minere Schwöster und mim Brüäder und de einte Fotografin - die ander isch bi mim GG gsi. Lago mio bin sooo chribelig gsi. Mini Schwöster het voll brüälled scho im Lift den hani natürlich scho s erst mal au müsse. Hihi! Min GG het den bimene schöne Holzsteg wo no de See vorne drah gsi isch gwartet. Ich bin vom Chiesweg her angegloffe und eusi Gschwüsterte hend voll gspannered. Haha! Den het er es Grüßt gehört und scho halbe umdreiht - was er ja nonig hetti solle mache. Den hend jensti Gest vom Hotel und em Resti plus mir grueffe hey weg luege. Isch so zum lache gsi. Er het mich aber nöd richtig gseh gha. Tja den bini deute anegloffe han ihn umdreht und er isch würklich hineusegheit!!!! De Moment isch also de aller besti findi! Wunderschön und ich bin so am kämpfe gsi dass nöd meega schluchze!

Eusi Gschwüsterte sind den scho lang verschwunde gsi zum alles fertig mache. Pavillon dekoriere und Gschänktisch plus no paar Sache packe und den losgah... Mir sind schön mit em London Taxi wiiter fahre zum i de Rebberge go fotografiere gah. De Moment wo mer eifach zähme chan sitze und rede isch so erholsam und tut würklich so guet. Eifach der mer SICH het und niemert suscht. Min GG het au gseit er findets super hemmers jetzt so gemacht. D Lüüt sind eh so herzig gsi alli immer am lache und am Glückwünsch rüäffe... Und d Äugli vo de Chinde hihi, eifach herzig! Es isch zwar u warm gsi aber mir hend glaub würklich super Fotos gemacht. Den simmer wieder retour is Taxi und nach Bade zum ZSA gfhare. Ich bin je nöchhers cho isch immer meh agpsannt gsi. Würklich schieff... Mir isch halbe komisch worde. Mir hend eusi Whats Up Gruppe mit de TZ und mim Brüäder gha und de isch super gsi. Den hämmer nöd allne immer müsse schriebe zum koordiniere. Sie sind den alli scho dete gsi am 14:00 mir hend ja uf de Iladig 14:15 gschriebe und 14:30 isch Trauuig gsi. Sind fast alli Gest scho am 14:00 dete gsi so lustig. Mir sind den natürlich no chli im Taxi sitze bliebe das eus niemmer gseht. GG isch den am viertelab mal usgstiege und het alli Gest begrünst er isch u nervös gsi häd mis Mami nachher gseit. Vo luter plaudere simmer den au chli spöter gsi mit afange... Min Papi isch den no chli zu mir is Taxi gsässe und den simmer irgendwen losgloffe... Oh hey ich säge eu! Ich bin eifach e Hülsussi! Mir sind zähme i de schöni Ort inegloffe und alli Gest sind ufgstande und ich han nurno brüllet den hend zumindest alli wiibliche Gest au brüllet. Haha! Also halbe Überschwemmig gsi. Aber Trauuig isch so super schön gsi eifach extrem heiss... Zivilstandesbeamtin hetz sooo guet gemacht würklich romantisch und mit mega viel Freud a eus. Mega! Und de Klavierspieler... Unbedingt eine bsorge wenner keine hend... D Emotionen gönd gad normal meh ufe. Den simmer am Schluss als letzschts ufgstande bi I WILL FOLLOW HIM... D Gest sind scho im Spalier gstande mit de Seifenblase... GG und ich hend eus schön Ziit gno und sind den duregloffe! So cool gsi ich han gad müsse juchze! Haha! Und Gest hend umegjolled... Will mer so schnell gloffe sind simemr eifach normal und normal Umkehrt und durch de Spalier gstapfed. Haha! Den hetz Grautlatione geh und Gruppenfotos isch super gsi. Wasser verteilt und Parkcharte - ab zum Apero! Mir sind den hfs Boot und es het sooo guet tag alleine sie und de WIND isch au sehr Willkomme gsi. Haha!

Mir hend den schnell gschriebe das mir i 10 min achömed und alli Gest händ sich den uf de Schiffsreg bewegt zum Ballön stiege lah. So simmer empfange worde. Isch soooo cool gsi! Die hend emga Freud gha. Den Hämmer afange Aperöle und eifach gnüsse und sie mit de Gest eifach schön. Min Papi de Witzbold het no zwei "Fake-Servise-Lüüt" ischliche lah... Kennender das? So lustig gsi die sind bis zum Hauptgang umegsi und hend eifah Seich gemacht. Ich bin acht abe gange. Bim Esse hends allne Manne d Krawatte hinterekläbed. Ich han no müsse Luftgitare spiele bin fast Abe gange. Und min Papi und min Schatz hend müsse Dirty Dancing tanze. Ich bin gstorbe vo lache. Würklich sau glat gsi. Und alli Gest hädn eifach zähme glached. Abgseh vo ganz wenige aber isch mer glich gsi. Den hend werdendem Apero d Fotografine d Rind und de Bluemesturs no schön gfötteled und sind den zerrst in Ruum no chli go fötale.

Also de Moment wo mer in Ruum inechund und mer weiss was mer planet hät und wies jetzt usgseht! Ich und GG sind fast hineusegheit!!! Eusi Floristin hät echt en Bluemezauber i de Ruum bracht. Und es Farbkonzept isch eini vo de beste Entscheidige andere Hochziit! Das hilft eifach mega für d Planig und au für d Fotos wies den usgseht. Eifach stimmig... Eusi Tischchertlli sind super acho und de Gschänkstisch het so guet usgseh... Ich bin hin und weg gsi. Au Zündhölzer alles het passt.

Den hemmer no churz e chlini Asprach gmacht und den ischs losgange mit esse. Ah isch das fein gsi beidi Vorspiese... Und den isch d Fotipräsentation cho d Lüt häts verbässed. Eus natürich au es isch super guet gmacht gsi. Schöni Präsentation und super Mischig und au e gueti Azahl Fotis. Bi sim Cousin hets je 5 Fotis geh und den hends wieder chöne abbaue. Mir hend sicher 5 Minute Fotis aglueged und den no de Film vo GG Fallschirmsprung mit sine Kollege. Also mer hend eus nüme chöne hebe es isch sooo lustig gsi.

Den hets den de Hauptgang geh, ich han scho quasi nüme möge ässe. Würlich... Nachher hetz den e länger Pause gha. Dete simmer eifach chli frei umegloffe hend mit allne plaudered eus wieder tröffe zum zähme ufs WC gah. Hihi! So en Krampf gsi und den simmer no chli uf de Stäg use wills so schön gewindet hend. Sind u viel Gest au no cho und mir hends eifach cool gha. Dete Hämmer no i de Abigstimmig chli gfötteled und den no paar Fotis mit Kollege gmacht. So super gsi!

So ein schöner Bericht! Vielen Dank für's Teilen. Ich habe uns übrigens in der Seerose auf der Terrasse vom Thai Restaurant meinen Antrag bekommen.

Ich freue mich schon auf Fotos!

@Pfingsti: Merci viiiiiiiel mal für dä wunderschön bricht!!! Dir heit ja würklech ä perfekte Tag gha. Jetz bisch Mrs. GG, wie füehlsch di so? I wirde fasch chli nervös weni das so lies...

@squishy: haha, das gseht super us!!!

@me: I gloub GG und ig si die wo no am wenigste nervös si. Um üs ume si alli scho mega am hypere... D TZ vo GG isch mega chratzbürstig ir letschti, mir wüsse nid rächt was los isch. Ob sie nur nervös isch oder ob mir ihre irgendwie si ufd Zähe gstange. Mir hei ihre drum jetz ou gad gseit, dass sie am Fritig nid bruuchi cho z häufe bim Ufstelle vom Zält und Apérolocation zwägmache, mir si eh gnue Lüt und wenn sie so gnärvt isch, söll sie sich lieber dehei erhole und am Samstig när wieder parat si. Am Weekend hei mir paar Pünkt uf üserä To-Do-Liste chönne abhägle, es blibt no:

- Kleid abholen (hüt Nami - fröie mi sooooo!!! )
- Mango-Sirup kochen (muesi ou hüt mal afah...)
- Torte fertig dekoriere (mache ig mit mire Bestä am Fritig morge, de chöi mir se när gad id Location bringe)
- Banner candybar, sirupbar, karten
- Chalkboard Kircheneingang
- Wegweiser
- Tanz üben (wei mir jetz jede Abe no mal chlei... )
- Kirchenheft drucken und fertig basteln
- Ablauf mit Andrea besprechen (mir telefoniere morn abä)
- Ikea: Kerzen kaufen (morn, i hoffe es blibt bi de cherze! )
- Flipflops kaufen
- Böxli für Trauversprechen
- Floristin anrufen bzgl. Brautstrauss und Anstecker (mir sötte die eigetlech am Fritig ga abhole, aber da sie sowieso chöme d Chille cho dekoriere söue sie die doch ou gad liefere. GG's Eltere wohne ufm Wäg.)

Jep, das isch aues... Gar nümme so viel und ds meiste isch schnäll gmacht. I mues nur no morn morge schaffe und süsch hani die ganzi Wuche frei. Hoffe i cha de no chli ga bade und sünnele...

Guetä Morge alli :-)

@ Pfingsti: da isch doch s allerschönste wenn mer chan sägä das mer nix anderst wür mache im nochhinein. somit hend ihr jo alles guet gmacht!
hesch etz ferie? oder scho wider am schaffe?

@malinchen: es nöööööcheret :-)! isch super wenn ihr nonig nervös sind unds ruhig chönd agoh. glaub da wird bi mir denn mol anderst sii... du dörfsch dis kleid hüt go abhole und ich miis am mittwoch go abstecke :D

@all: dörfi froge was ihr bi de Liederheftli alles drii gnoh hend? dä ganz Ablauf oder nur Lieder? ich wird üses diä Wuche mitere Kollegin gstalte und bi mir chli am überlegge wiä fescht ich id Details will goh..

Ich will mir Müeh geh dasi endli mol chli meh im Forum chan mitschriibe. dur das, dases bi üs au immer nöcher chunnt hani denki au meh zverzelle oder froge :-)!

liebi Grüess und en guetä Wuchestart allne!

Fanny: Ich bin am schaffe! Han die ganzi letscht Wuche Frei gha. Isch irgendwie au schön will jede so Freud het. Han no es riise Gschänk übercho und alli sind am gratuliere. Hihi! De Ring wird natürlich au immer aglueged. Isch würklich lässig.

Flittis hämmir ebe erst imene Jahr... Gönd vorher scho id Ferie aber nöd Flittis.