guete moorge :)

pfingsti: wow so schön din bricht !! häsch wunderschön usgseh .) tönt würkli emotional, und isch nid mal chile deby. das freut mi natürli grad
ha lustig wegem farbkonzept. das andere hochzit tönt ganz schlimm, all farbe gmischt aso ich han ja au nur ca 5 väseli pro tisch mit schleierchrut und de rose guet ei hortensie isch no deby

malinchen: uuu nüm lang :)) d liste chürzt sich. :) echt de hit das zelt, so lieb mitdenkt

me: hend am weekend all playlists fertig gstellt ! mir hend eifach so mega cooli musig :) ich ha ja gar ke zit öpis anders z mache als musig lose und tanze haha :) fürs apero hemmer so chli reggae, dennchli soul und danach rnb (au u alti songs, freu mi). bim esse denn so temptations, *** WERBEVERDACHT*** gaye usw, und au es paar schnulzene :) und denn bi de party hemmer alles chli aber scho eher hiphop laschtig. tja das isch halt eusi musig
denn het mi GG am sa no es gilet, es hemdli, e flüge und schueh gfunde. mega sexy het er usgseh i dem lade chli james bond like, alles schwarz und s wisse hemdli. mega.
mir hend eus jetzt entschiede dass mer die persönliche text doch nid mached. mir hend denn plötzli denkt, was isch wenn gwüssi lüt das det lesed und vergliched, bi paarne isch es denn nid so emotional..mi GG wett gern doch vielle prune ifülle. isch au ok. denn schribemer halt nur es danke ufs fläschli ohni näme und so isch es für eus und all eifacher ohni sitzordnig (hemmer ja eigetli welle), nur tischordnig. jetzt gits de halt nomal es chalkboard und tisch musi luege wie ich die mit de nummere aschribe. het no so chlini holzrondelle
ich luege jetzt überall s wetter nache und leider isch überall räge agseit. därf ja nid wahr si

@Fanny: Mir hei d Lieder wo mir mit allne singe äbä us em Chillegsangbuech. Drum hei mir die Texte ou nid brucht... Mir hei när eifach gschribe, dass sie gärn dörfe mitsinge, es si eh lieder wo me kennt. I ha zersch ou wöue eifach mitem Cutter zwei Schlitze schniide woni ds Nastüechli när düresteckä. Aber ha gfunde dass das när inne doof usgseht wenn no so ne Teil Nastüechli det isch. Drum hani jetz eifach e Streife farbigs Papier gnoh woni umds Nastüechli ha gfaltet und när so drufkläbt.

Oh nei, die Armi!!! I gloub das chame sich nid vorstelle wie das isch... Vor churzem isch ou gad dr Maa vonere Bekannte ganz plötzlech gstorbe, dä het dr gliich Jahrgang gha wie mi Papi (also nid mega alt) und ihri Tochter hüratet im August. I gloub da möcht me würklech am liebste alles abblase...

@Littlefoot: Ah cool... Da sit dir ja scho mega vorwärts cho! I verstah was du meinsch wägä de persönleche Texte fürd Gäst. Mir hätte so öpis zersch ou wöue mache, aber bi deunä hätte mir när glich gar nid so gwüsst was schribe... Ooooh, ds Wätter veränderet sich garantiert no bis denn! (Eifach nid vor nächscht Samstig!!!! ) Positiv dänke... Und wenns rägnet wirds sicher trotzdäm ä wunderschönä Tag!

Dandi: Danke dir viel mal für d Glückwünsch! Isch so schön!

Hihi! Ja so isches da stecked hald Mensche und Kulture dehinter. Isch ja au guet. Den chans jede mache wie er wott! Mir hend ja am FR ghürated! Freitag der 13. :) De Hallwillersee isch würklich en Traum... Mir würdet gern mal i de Richtig zügle. Wer weiss!

nicht registriert

Guuätä Moorge iihr Tolle

Pfingstrose: Wow, danke für dä unglaublich schön & romantisch Briicht! Solang han iich darfe an diiner Planig teiilha und jetzt isch es sowiit! Du biisch Mrs GG!! Gratuliiere diir und diim Maa! Es isch so schön, z'lese, wiiä iihr euen Tag hend chönä gnüsse! Giits nüd bessers, wiiä dass ä Bruut eu kopiiert
Witzig, dass d'Lüüt denket es isch "Zuefall" dass alles gliich isch. Isch aber au es schöns Kompliment, wenn's iihne uffalt, denn lohnt siich d'Müäh so richtig!

Fanny: Das isch wirkli ganz ä truurigi Gschicht. Cha guät verstoh, bringt diich das zum Nadenke.

Littlefoot: Tapfer wiiä du diin GG in "leschter Sekunde" s'Hemli und Gilet losch poste Ich ha miim GG scho im Januar Druck gmacht! --> Totally Brautzilla!!
Kopf hoch! s'Wetter isch kaii gnaui Wisseschaft. Da chan no ändere! Und wenn's regnet, du und diin GG machet das wiider weg, iihr strahlet denn vor Froiid stärker wiiä jedi Sunne!

Malinchen: Hihi Jetzt gots Schlag uf Schlag. Chum het ein Bruut ihres Fest gha. Chunt dii nöchst dra. Und dii nächst bisch du! (also vo dene wo regelmässig schriibet ) Und iisch so schön zum lese, dass siich alli froiiet und nervös siind und mit eu fiieberet! I wünschä diir ä suuper leschti Wuche vorem Fest!

Me:
Ich bin am Friitig miin neue Pass go bstelle. Denn het ii sölle unterschriibe mit miim neue Name. Und ii ha nu so denkt: "Miischt, ii ha ned güäbt!!" Und denn han ii dä noii Name eiifach normal hiigschriibe Diiä Unterschrift chan also jede fälsche Aber scho in 5 Tag wiird mii neue Pass in Rorschach bereiit sii und uf unseri Trauuig warte
Denn sind mir am Samstig zum Bluämälade. Ihr glaubets nöd, diiä het wölle 2500.- Miir hend nu so guggt und gmeiint und hend gschwiige. Irgendwenn han ii alle Muät zeme gnoh und gsaiit, dass sägi viiiiel viiiiel z'tüür. Sii het gmeiint, sii chönt versuächä d'offerte günstiger machä und mir hend gfunde ok. Sobald mir dehaii gsii sind, hend mir aber binere andere Floristin dä Termin abgmacht und d'Offerte abstellt.
Am Abig hend mir uns mit dä Organistin troffe. Zu Innelaufe wott iich klassisch dä Hochziitsmarsch (also ned dä Dütsch sondern dä ander... ) und zum usselaufe spiielt sii jetzt Klänge der Freude von Elgar. Sii hets und einmal vorgspiielt mir hend gsaiit, ok. Und guät iisch gsii
Und am Sunntig han ii graui Haar bechoh. Tanzlehrerin het welle, dass mir ihre sägät, zu wellem Liied mir tanze möchtet. Und ii ha gsuächt und gsuächt und ii bii eiifach nöd fündig worde. Bii richtig hässig gsii, dass nixx giit, wo miim Gschmack entspricht... Ha mii GG doof alooh und denn, zagg het er gnau gwisst welles mir nehmet
https://www.youtube.com/watch?v=xwsYvBYZcx4
Und obwohl so viiel lauft, wiird To-Do-Liste grösser statt chliiner So wiirds eiim nöd langwillig, oder?

Jetzt gang ii an Schnuppernamittag in Kindsgi. Hoffentli sind d'Eltere nett. Aber im Moment bin ii nonig so nervös. Da isch doch schomol öpis

Hebet all en guätä Tag <3