Liebi Pfingscht
Merci viu mau für dä toll Bricht, es tönt würklech nacheme perfekte Hochzitstag! :-)
Dis Chleid und dr Struss si wunderschön und dir beide gseht würklech mega glücklech us!

Fanny87
Das isch mega tragisch, vorauem we no so chlini ching umesi. U wemesech nid cha verabschide fingis aube no dopplet tragisch! De hetmesech vilech garvnid richtig tschüss gseit, oder z letschte i liebedi isch chli här u mä isch wu vore chopf gschlage... S isch wi d fara het gseit, s cha jede träffe jede tag - wäg däm müessemer jede tag gniesse und üsne liebschte säge wi gärn asmerse hei!

Me
Mir gö am samschtig ga turte probiere und uswähle, fröiemi mega ;-)

När hani ändlech termine abgmacht für z chleid ga abztecke und denn di finali abprob. Di isch ersch am zischtig und mir hürate am samschtig, isch das nid chli kurfrischtig??

Geschter abe simer aui mit mine eutere ga znacht ässe, si hei sich vor 34 jahr kenneglehrt und sich verliebt, das fiiresi jedes jahr und si hei üs wöue ilade. När hani dänkt, bis 34 isch no ä laaange wäg :-)

U när het mini mam uf mim natel mini TO DO lischte agluegt und se us versehe glösche - hilfeee!!
Itz muessi aus nomau düre ga undse nöi schribe, de bruchise de öppe gar nüm wöuise uswändig weiss haha

@fara: so schön vo dir z ghöre!!! Dänk dra, es passiere immer wieder wunder, und die Resultat si ja scho mal e Schritt i die richtigi Richtig... Aber gäll, das isch eifach gseit a mire Stell, i ha soooone riese Respekt vor dir und wie du mit all däm umgeisch! Bi also ou gspannt uf di Thread, ou wenns mir äuä nüt meh nützt...

@Schagge: Also isch denn dr Final Aprobe-Termin? I ha mi erst Aprobetermin im Mai gha, denn hei sies absteckt und alles und jetz binis hüt ja no mal ga alegä. Sie het när no 2 chliini sache müesse apasse u das het sie gad aschliessend gmacht. Mi Brüetsch u i si schnäll öpis ga trinke u när hei mirs scho chönne ga abhole. Vo däm här längt das scho würdi sägä... I bi jetz froh gsi, isch so churz vorhär wöu i hätt mis Chleid deheim nid guet chönne verstecke vor GG (und üsem Katerli - kennet dir Meine Braut, ihr Vater und ich?).

Oh neeei, so doof wägä dr To-Do-Liste! Mamis und Technik... Aber das bechunnsch sicher alles wieder zämä! Isch ja mega cool 34 Jahr!!! Da heit dir ja scho mal gueti Vorbilder...

@squishy: hihi, bis nach de Ferie isch d Verwirrig äuä de komplett und ide Chöpf vo de Kiddies hei sich irgendwelchi kuriose Stories bildet... Jaaa, i liebe dr Depot!
Aber wägem Tanze isch ja würklech mega kompliziert! V.a. wenn sie eigetlech mal hätte wöue mitmache, süsch hätte dir für öich chönne luege und de wärs ou eifacher gsi... I hoffe dases trotzdäm klappt und sichs alli irgendwie chöi irichte mit Ersatz-Partner und Job!

Guets Mörgeli zäme

@squishy: So cool mitem Pass! Hihi du bisch würklech e Lustigi, dass du d Unterschrift no nid hesch güebt Aber mini gseht im Fau ou no nid sehr professionell us

@malinchen: Wow du bisch definitiv im Ändspurt!! Wie füusch di? Ds Chleid gseht super us a dir und hey, ig ha im Fau genau die gliche Ängst wägem zuenäh und nümm dripasse, drbi machi so viu Sport im Momänt, dassi mir nid soooo sött Sorge mache... isch das ächt e normali Brautzilla-Angscht ?


@Pfingsti: wooooooooooooooooooow di Bricht, danke viumau! Me füut ächt gad mit und es tönt würklech perfekt und wunderschön. Me wünscht jedere Brut, dass ihre Tag so wird wie dune hesch dörfe erläbe! Mir geits glich wie de angere Brütli, da wird me immer gad kribbelig ufe eiget Tag, weme so schöni Brichte darf läse.
Hihi, so wie du beschriebsch vo däm Hochzit nach euem isch e chli das gsi wo mir vo letscht si Gast gsi. Kes Farbkonzept Aber wie du seisch, jedem das seine und wes für sie stimmt isch ja guet!

@fara: Schön vo dir zläse!! I verstah di wäg dene News - und glich, für mi töne sie guet... wie d malinchen seit, e Schritt i die richtigi Richtig und wär seit, dass nid es Wunder darf gscheh für di und die Tumore no meh zrügggöh. Uf jede Fau dänke mer witerhin fescht a di und i wünsche dir eifach aui Chraft und Usduur für die witere Chemos, wo du bruchsch. Du machsch das super! I bi auso ou ganz gspannt uf di Verchoufsthread.

@Schagge: I gloub das längt scho mitem letschte Aprobetermin, ig ha mine 8 Tag vorem Hochzit, auso ou nid viu früecher. I hoffe ja, dass me de denn nüt meh gross mues ändere, aber sie het mir gseit gha, e chli inäh oder o uslah (hoffentlech nid !) wär denn no möglech. Oh scheisse gäu das isch aube müehsam mit dene Personeunfäu...

@me: I bi no nid witer mit üsem DJ-Hotel-Problem Ds Hotel het mir de ändlech zrügggschriebe, aber mit dere Antwort bini nid schlauer gsi as vorhär. Sie hei eifach gseit, dass die offizielli Beschalligsgränze vor Stadt Thun festgleit wärdi (sig die glichi wie ide Lokal vor Stadt Thun gäute), dass sie aber chli vorsichtiger sige, wüu sie äbe e problematische Nachbar heige. Aber bi wieviu Dezibel genau as die Obergränze liegt, hei sie nid gseit. Uf mini Nachfrag heter de gmeint, er gloubi bi 80dB. Itz hani mau ar offizielle Kontaktsteu für so Lärm-/Schallgränze-Frage vor Polizei Bärn es Mail gschriebe, was sie üs i däm Fau rate u ab welem Wärt d Nachbare eigentlech ds Rächt hei, d Polizei zrüefe. I wott ja niemer belästige oder hässig mache, aber i wett o es schöns Fest mit Musig wome cha tanze u wett de sicher nid vorprogrammiert ha, dass d Poilzei ufchrüzt und üs d Musig absteut! Das müessti de ächt nid ha. Hoffentlech finde mer da irgend e Lösig, i weiss vou ke Rat...

Süsch heimer itz no so Seckli bsteut uf etsy für d Gwürzbar und am Wuchenänd weimer mau Tischchärtli bastle. Maches äuä rächt pragmatisch mit Korkzäpfe (hei äxtra gsammlet und passt zu üs Wytrinker ) und när Chärtli mitme usgstanzte Härzli und säuber agschriebe. Mir hei ja letscht Jahr bide STD-Magnetli ganz ähnlechi Ahängerli gmacht gha, vo dämhär würd das passe. I freue mi, mir hei am Wuchenänd mau nüt los und Zit für chli zbastle.
Und de hani erfahre, dass mini TZ ds Programm vo mim Poutertag ad Lüt het gschickt. Bi so gwundrig!

guete morge

fara: ich freu mich au öpis z ghörä vo dir ! d malinchen und taeboyana hend s super gseit, chani mi nur aschliesse. mir denked immer a dich. ou ja de verchaufsthread isch sicher u guet, au wenn ich nüt me cha chaufe
jö herzig das meitli, bi gspannt uf fotis :)
das hesch schön gseit wegem wetter. häsch völlig recht. ich mach mir weniger sorge dass de tag nid schön isch wenns regned. bi eusem verastalter isch es halt chli schwierig bi schlecht wetter. schribe witer une meh dezue.

malinchen: super schön gsesch us i dim chleid ! wenigstens wirsch nid schwitze haha :)
ich weiss dass wetter sich no veränderet aber es chan jetzt guet si dass es bi ois regned...
und hüt gahts id ikea oder ? :)

squishy; haha im januar het mi GG no 14kg meh uf de rippi gha, das wär nid guet cho wenn er si azug denn posted hetti
freut mi dass es guet gange isch im chindi. du ich han afig au erst einisch unterschrifte güebt....sett villicht no hä ? :) ah guet weg de blueme!

munggi: du backfee du :) gaht nüm lang....

fanny: ou nei das isch de horror sich das müesse vorzstelle. de stasch da mit chind und setsch starch si für die deby wetsch am liebste wohl au grad nüm so...horror.

schagge: ui ja denn mönd mir etz eifach no 20 jahr, de hemmers de au
haha dis mami isch ja luschtig. wie het sie denn das anebracht ?

taeboyana: hmm komisch mit dere dezibel sach. hesch guet gmacht dass direkt die zueständig stell agfragt hesch ! uh gwrzbar, das isch emal öpis tolls ! findi de hit.
poltere olé olé :)

me: mini tochter het glaub mage darm :( scho wieder. hoffentlich steckt sich keine a. ha etz ke zit für chrank z si. aber wenigstens müssti denn kei angst ha nid is chleid z passe
gaht etz no 10 tag, unglaublich...mir hend e chli es züg gha mitem verastalter, wil ja ebe so völlig unklar gsi isch wo was und weli tisch bi schlechtem wetter...mini TZ het ihm es laaangs mail gschribe mit checkliste und alles im ahang. er hett denn schnell und usfüehrlich zrugggschribe. jetzt isch meh klar und mir hend etz grad abgmacht dass mer negst mittwuch morge no schnell verbi gend det. denn isch klar ob zelt oder nid und denn luegemer no churz alles a. gaht halt nid anders. denn hemmer no gastgschenk prototyp gmacht...mir hend ja so mini fläschli mit korke. jetzt hämmer mal wasser drita, de korke wird nass aber es gaht. mir wend vieille prune abfülle und denn in pompon inelime, het au klapped. mit wissem stift schribi DANKE druf. es gseht ganz schön us. aso musi ab hüt pompons bastle, no schnell 50 muahhaha.
und d stüre sett ich unbedingt die wuche mal no usfülle