| Bräute 2014 |
|
|
1 .. 485 .. 968 969 970 971 972 .. 985 .. 997
|
17.06.14 15:25
Broncos 
|
Re: Bräute 2014
Jaa und den isch au scho gli d Turte ufgfahre worde. Sie het echt super usgseh, aber woni uf de obersti Stock glueged han, isch de Caketopper eifach ned det gsi. Ich han den zimli verwirrt nachegfragt und die vom Hotel hend gfunde, es sig keine gliefered worde. Naja, ich han mer vo dem min Superlune ned verderbe lah und mir hend den d Turte doch agschnitte und grad i dem Moment chunt d Chefin, sie heg de Caketopper glich gfunde. So isch eigentlich fast no besser gsi, den de Caketopper het no viel meh beachtig übercho, weder wenn er nur eifach druf gsi wär. D Turte isch sehr fein gsi. Eigentlich wär währed em Dessert e Flamenco uftritt vode Fründin vom TZ plant gsi, aber sie het sich churz vorher en Zerrig gholt gha und drum ned chönne tanze. Isch aber ned so schlimm gsi, so hemer no chli meh mit de Lüt chönne rede. Nach em Dessert bini den nomal schnell mit mim GG uf s Zimmer und ich han s Chleid vom zivile und Ballerinas agleit. S andere isch zwar super bequem gsi, aber langsam hani gnueg gha vo dem viele Stoff und ständig müesse luege, das mer niemer druf staht. Zrugg im Saal sind den alli ledige Fraue füre gruefe worde und will mir so s erst Pärli im Fründeschreis sind wo hürated sind das einigi gsi. Ich han den de Bluemestruss gworfe, was gar ned so eifach gsi isch, will er en lange Schweif gha het und d Decki ned so höch gsi isch. Hans den aber glich gschaft und mini Kollegin, woni im August den Trauzügin bin, het ned gfange. Het also super passed. Anstatt das d Mädels abgsesse sind, het de TM all Lüt ufgforderet sich um d Tanzflächi z versamle. Mir hend den üse Tanz zu Happy gmacht und d Lüt sind voll mitgange und hend s ganze Lied dure mitklatscht. Mir hend den de DJ agwiese gha, nachher grad es fetzigs Stuck z spiele, will mer den hend welle das d Lüt tanzed. Mir hend aber überhaupt kei Ahnig gha, wie d Lüt druf reagiert. Aber es isch echt super gsi, mir hend den eifach all zu üs gwunke und es sind praktisch all sofort cho und hend agfange tanze. Vo den a isch bis am halbi 3duretanzed worde und es sind echt uu viel Lüt bis zum Schluss blibe. Ich bin den so froh gsi, hend mir es Hotelzimmer gha, so hemer nur no eimal müesse umtrole und sind im Bett gsi.
Es isch also echt de schönsti Tag i üsem Lebe gsi, mit so viel Idrück und Emotione, und es chömed mer immer wieder anderi Sache i Sinn, ich chönt no eewigs wiiterschriebe, aber ich glaub ihr hend scho gnueg zum lese :P
|
|
|
|
|
|
|
|
|
|
|
|
17.06.14 16:18
Fanny87
|
Re: Bräute 2014
ohhhh danke vielmol für dä superschön bricht. hanen natürli grad sofort gläse :-)! es tönt würkli eifach perfekt und ich wünsche eu vo herze, dass das Gfühl no langlang anehebet!!
|
|
|
|
|
|
|
|
|
|
18.06.14 09:45
lil.lian
|
Re: Bräute 2014
Hey Mädels :)
Momentan isch chli tote-Hose da bi eus im Forum..
Fanny87
Mier gfalled die Ballön no recht guet wo fürs Shooting wetisch benutze. Finds no kuuhl.. Ich möcht sicher no e Wimpel-Chetti mit Danke fürs Shooting, abr susch wüssti au nöd grad was..
Fara
Da chan der nöd wiiter hälfe mit eune Ferieplän. Mier sind scho zwei Mal am Gardasee gsi, was eus mega guet gfalle hät. Isch abr keis Meer.. Letzt Jahr hämer eus au no überleit as Meer zgah und mier händ au Südfrankrich / Norditalie in Betracht zoge. In Italie bisch halt eifach chli schneller als in Südfrankriich. Schlussendli häts abr nöd klappet..
Me (isch chli laaang worde..)
Mier händ gester voll s'geile ZSA-Gspräch gha.. Vo Hochziit und hürate hämer eigendli gar nöd gredet gha..
Muen abr vorne afange mit verzelle.. Ich han de GG dur sini Schwöster kenne glernt und sini Schwöster und ich, mier händ beid d'Lehr ufere Gmeind gmacht und händ amigs i de gliche Wuche ÜK zämä gha (überbetrieblichi Kürs) und susch no gmeinsami Aläss vom Bezirk her. Und bi ihre wo mer gester s'Gspräch gha händ, isch ebe i de gliche ÜK-Klass gsi wie sini Schwöster und ich han sie eifach vom Name her au kännt.
Dänn simer gester im Büro ine ghocket und dänn hät sie de GG gfrägt öb er de Brüeder vo ihre isch.. Und ich dänn so zu ihre, ja und mier sind zämä ÜK. Ja mier händ dänn nur susch chli gschwätzt und näbet bii no all die Dokument unterschriebe. De Gspass hät den CHF 240.- kostet (Trauig hämer den ime andere ZSA). Sie hät den au gfunde, ja für Schwiizer isch es scho mega vill zum zahle, will mer für das Gspräch öbe 15 Minute hät. Es gäb aber au Fäll wo bis zu zwei Jahr gönd, bis chönd hürate.. Es sind glaub zum Bispiel Iraner oder Iraker, bis die eifach all die nötige Papier händ mit allne Übersetzige, etc. gächis so lang. Scho krass..
Und s'Beste isch dänn no gsi, sie wohnt i däm Dorf wo min GG schafft. Und ihre Vater isch no en guete Kolleg vo sim Chef, und s'Gschäft hät ab und zue scho en Uftrag vo ihrem Vater gha. Und wo mier sind go wellnesse (das wo er mier gschänkt gha hät und er mier de Atrag gmacht hät) isch ihre Vater ebe au dete gsi und er isch dänn eine vo de erste gsi, wo vo de Verlobig erfahre hät..
|
|
|
|
|
|
|
|
1 .. 485 .. 968 969 970 971 972 .. 985 .. 997
|
Anmelden
ich bring das nie so detailliert ane 
es tönt so wunderschön, eifach alles perfekt. ha müsse schmunzle wo du gseit häsch sigsch mitem GG is zimmer 
aber de hani gläse dass di umzoge häsch. chamer vorstelle dass es lästig isch mit dem chleid, wetsch ja schliesslich nid dass es komplett kaputt isch.
hmm bi hüt no mau mini hoor go noche färbe u ougsbraue zupfe da i immer sooooooooo rot bi!!