Pfingstrose: Das sind doch mal schöni Überraschige. Da mini Eltere ja die ganz Hotelrechnig (also s ganze Esse und üsi Übernachtig) übernehmed, hend sie grad veralasst, dass sie zu ihne heigschickt wird. Glaub aber ned, dass sie sie scho übercho hend. Bi üs chunt eigentlich nur no d Rechnig vode Blueme, aber ich nimm mal schwer a, dass sie eifach so tür wie d Offerte wird sie und die vom Apero. Det simer au no gspannt, wie viel dases den schlussendlich wird, aber mir hend no nüt ghört.
Uund übrigens Janedoe het doch weg em Trinkgeld gschriebe. Ich han mir fest vorgnah, dene vom Service am Abig z gä, aber hans den doch promt vergesse. Mir hend üs jetzt aber entschiede, dass mer mit em Dankeschärtli womer sowieso de Hotelbsitzer schriebed, will sie ja Fründe vode Familie sind und ich früehner det gschaffed han, s Trinkgeld bileged mit de Bitt am Personal vo üsem Abig z verteile und enere chline Entschuldigung, dass mers vergesse hend. Wie hend ihrs mit em Trinkgeld gmacht Pfingstrose?

Huch jetzt isch de rest eifach verlore gange...

Also d Churzfassig: Danke üch allne für die liebe Wort und Gratulatione, denk immer wieder zrugg, es isch eifach soo schön gsi...

lil.lian: mengisch isch d Welt scho chli. Bi üs am Apero hemer gmerkt, dass d Fründin vomene Arbetskolleg brueflich mit em Ma vo minere Tante (also au min Onkel, oder?) z tue het und ihm grad am Fritig vor üsere Hochzyt no es Mail gschriebe het

Fanny: Ich gfind d Ballön au schön, aber weiss ned, öbs würklich nötig isch. Es het ja irgendwie suscht scho gnueg Accessoires wo für d Föteli in Szene gsetzt werde chönd, wie de Schleier und de Brutstruss und den halt no Sache vode Location (Fenster, Stege, was au immer)

Jaa, vor allem mis Mami het mir das dazumals so nebebi verchünded und mich hets fast hine usse ghaue. Üses Budget isch 15'000 ohni Chleid gsi, für das hani ja ebe dur min Nebejob es Budget gha. Bi üs isch halt aber au d Abgrenzig biz schwirig, wills zivile ja scho letscht Jahr gsi isch und mir es paar Sache det scho kauft hend und jetzt wieder brucht hend (zB. Chleider, Ring, Schueh...) und halt gwüssi Sache nüm hend müesse budgetiere (Koste ZSA etc.)
Womers Budget gmacht hend, hemer noni gwüsst, das mini Eltere s Esse übernehmed, das isch det also no drin. Wasi noni gnau weiss sind Apero und Dankeschärtli, aber ich denke mir werded so öppe uf 11'000 cho. Eigentlich s einzig wo über Budget isch, isch d Band für d Chile, will det hemer ja nix planed gha und Schlussendlich 1'000 zahlt. Aber es isch jede Rappe wert gsi.
Ah und was mer no i Sinn cho isch, vom DJ chömemer au no e Rechnig über, will mer ne mal vorerst nur bis am 1 bueched (und voruszahlt) gha hend mit de Option uf Verlängerig (mir hend ebe kei Ahnig gha, öb d Lüt tanzed und es het üs den biz agschisse, wemer de DJ ewigs lang bueched hetted und s Fest wär gar ned so lang gange). Schlussendlich hemer ne bis am halbi 3 gha, müend also no 1.5 Stund zahle, aber mir hend eh meh defür budgetiert gha, als mer bis jetzt zahlt hend.

Ah und Janedoe/Pfingsti sind bi üch d Gäst au so krass grosszügig gsi? Also min GG und mich hets fast hine usse ghaue, womer jetzt mal alles zämegrechnet hend mir hetted beid NIIIEEE denkt, das mer sooo viel bechömed. Au vo sine Eltere (womer ja letscht Jahr ufs zivile scho Geld becho hend) hend üs e riiise Betrag gschenkt (wet da ine ned sege wie viel, aber echt seeeehr viel)
Ah und ja vo mine Eltere hemer letscht Jahr au scho 3 Täg Venedig gschenkt becho und d Ferie im April, womer zäme gange sind hends au als Vorhochzitsgschenkt zahlt. Und au vo Lüt, woni genau weiss, dass sie knapp bi Kasse sind und sehr druf lueged wies Geld usgend sind uu grossi Beträg cho, han also teilwis scho fast biz es schlechts Gwüsse

Zuletzt bearbeitet am 18.06.14 17:01

Broncos: Genau wie du schriebsch isches eus au gange. Mir sind extrem grosszügig beschenkt worde. Es het KEI EINZIGI Person wo mir findet sie seg chli "sparsam" gsi. Ganz im Gegeteil! Min Papi het eis es riise Gschänk gmacht und no d Unterhaltig am Abig zahlt. Und au mis Mami... Und mini Oma het eus x Übernachtige ad Flittis zahlt. Meeega cool!!! Isch doch schön so e positivi Überraschig!

Guetä Morge =)

zwor chani im Moment nonig so viel über d Grosszügigkeit vo üsnä Gäscht sägä, aber mir sind doch au scho Überrascht worde miteme recht grosse Betrag vonere Bekannte wo mir niä erwartet hettet das mir überhaupt was bechömet. und ich denk es wird nöd sletschtmol sii wo mir überrascht werdet sii ;-)

bi üs lauft im Moment soo viel fürs Hochziit, aber isch super etz gohts mol fürschii! am Zistig simer üsi Ring go hole, gescht Probefrisur und s'Kleid abstecke, hüt hani mit dä Kollegin abgmacht zum s'Liederheftli gstalte. Nögst Wuche sind min Schatz und ich 12 Johr zämä, denn gömer is Resti go esse wo mir au am Hochziit werdet s'Fescht ha und tüend denn grad mol no alles bespreche mit dä Inhaber.
und noher isch scho s'TURNFESCHT :-) :-)! drum wird denn en Moment lang nümä viel fürs Hochziit laufe, hihi..aber da isch jo gliich. d'Wuche druf hend mir no s'Treffe mit dä TZ zum mol no dä ganz Tagesablauf inkl. Vorbereitige am Morge z'bespreche, und i dä gliche Wuche gangi no go Probeschminke und denn am 4.7. hend mir no sVorbereitigsgspröch bim ZSA.

Huuui es lauft würkli viel.. aber isch so ä guets Gfühl mit jedem womer chan abhöggle und dass etz au eifach mol diä Termine stönd.

Excüsi, isch etz grad echli en Egopost worde aber tuet guet das alles mol ufschriibe :-)

wünsch eu allne en superschöne Tag!

@Teaboyana: üses Hochziit isch am 23.8. und eues demfall am 16.8.? :-) jöö danke, mir gfallt d Frisur au mega guet und es isch echt so worde wiä ichs mir vorgstellt han. Hihi nei, han mis Kleid no niä zeiget. Aber han äbä au gar keis Fotti vo mir im Kleid ufem Handy, us Sicherheitsgründe :P! mach denn susch eis wenn ichs gang go abhole, aber das wird erst ende Juli sii. was häsch du für eis? Neckholder häsch gescht gseit oder? :-) und weisch scho was für e Frisur willsch? für mi isch gescht scho bitz en spezielle tag gsi und bi sogar fascht echli nervös gsii. finde d Frisur macht sooo viel us..und ich has denn gescht grad mitem kleid zämä gseh und da isch super gsii :-)! s kleid abstecke isch au läss gsi..es macht scho no viel us wenns denn mol di richtig längi het usw. und d schniiderin isch eifach e mega liebi und herzigi. de schmuck hani etz no usgläse und jo, chunnt glaub guet ;-)!
jep ich turne mit am turnfescht :D! mache Team-Aerobic siit öppe 7 johr und es macht echt spass!
diä wo sich nünt chönd drunder vorstelle chönd do mol luege: https://www.youtube.com/watch?v=9aQ7F-2j...3hO5XgtLDBxlpjQ oder da wär no vom erste Wettkampf das johr: https://www.youtube.com/watch?v=PYUC8nNn...3hO5XgtLDBxlpjQ

tönt doch scho mol guet weg dä Lärm und i hoff für euen DJ stimmts etz so au.
betreffend GG und dass d Männer lockerer gsehnd, do devo chani dir es Liedli singe. ;-)

bi eu lauft demfall würkli au grad einiges..aber ich find da super, so gohts fürschiii und ufs mol machts zack und scho isch dä gross tag do :D