Guete morge ihr Hübsche

Janedoe: Jaa unbedingt en Kafi oder so, ich meld mich weni s nächst mal bi mine Schwigereltere bin, mini Schwigermuetter isch eh glücklich, wenn sie chli zit mit ihrem gliebte Sohn het, den chumi i dere Zit eifach zu dir... Uii scho i 6 Täg, so lässig, wird sicher de Hammer

Pfingstrose: Freut mich für dich, das es dir au so gange isch zeigt doch irgendwie au, dass s Hochzyt au de Lüt öppis bedüdet het

Fanny: Oh wow, bi dir gahts grad echt vorwärts, cool! Und d Frisur gfallt mer echt au mega guet, weni mi für e halboffnigi entschiede het, wärs au i die richtig gange
Und jaaa unbedingt es Föteli vo dim Chleid mache im Juli, kennsch doch üsi Fotisucht
Uiii Turnfest, da chömed erinnerige ufe. Bin früehner im Grätturne gsi (haha, aber s Turne isch ja den meistens schnell Nebesach worde a dene Turnfest). Viiiil Spass (bin also grad biz iversüchtig, bin scho sit Jahre a keim meh gsi)... Oh wow 12 Jahr ich bin es Jahr jünger als du und mir sind jetzt 10 Jahr zäme, aber ihr topped das ja no um es Jahr, so schön

Taeboyana: Das tönt doch recht guet weg de Musig... Jaa die liebe Männer und ihri Glasseheit. Das kenni, han mer am Fritig vor em Morge no voll de Chopf zerbroche, will mer ja hend müese entscheide, öb Schön- oder Schlechtwetterlocation für de Apero und er het immer no Gwitter agseit gha. Min GG het gfunde, eifach no chli abwarte und relaxe, das chämi den scho guet. Und prompt isch de Wetterbricht am Mittag apasst, worde und es isch kei Rege meh uf de Numittag agseit gsi ... Viel Spass bim Tanze hüt Abig

Me: Sodeli, gester hemer endlich mal no alli Gschenkli und so ugfrumt (naja, mir hend fast müesse wil hüt d Putzfrau chunt). Da mir im Moment eh no nix für d Dankeschärtli chönd mache, will mer ja d Föteli noni hend, chani mi jetzt endlich wieder chli meh mim TZ Amt konzentriere. Ich sött das Wuchenend unbedingt no de Flug uf Frankfurt bueche, det findet am 16. August de Jungselleabschied (isch in Dütschland ned s gliche wie de Polterabig) statt. Bin aber scho no froh, dasi ned Hauptorganisatorin bin. Und ja, denn sötti mi langsam mal um es Chleid kümmere. Und suscht sötti jetzt endlich mal afange Bewerbige schriebe (han erst eini verschickt), ich bruch ja uf Afang August en Job

@Fanny: i weiss so ungfähr was Team Aerobic isch, findi cool und macht sicher mega Spass, so events...
Ja genau mir hürate am 16.8. Itz isch gad d 2-Monetsgränze verbi, ungloublech! Ds Chleid hani scho im Apriu la abstecke und es gseht würklech nomau viu besser us, wes apasst isch. Hoffe, i füehle mi de a däm Tag ganz wou drin. Ja isch es Neckholder und mit chli Glitzerverzierige und nid sones pompöses. Ha äbe bim abstecke keni Fotos meh gmacht, poste de öpe vor Aprob am 8. Ougust eis

@Janedoe: Yeeeah Flittis scho ganz gli!! Grüess mer Afrika fangs scho mau, mir chöme ja de i 3 Monet

@Broncos: Viu Erfoug bir Jobsuechi! Das chunnt sicher guet. Hihi, mi GG het mir vo letscht gseit, i sig e Spezialistin im Problem wäuze wo no gar keni si Unrächt heter ja nid drmit
Heit dir die meiste Biträg/Gschänk de relativ churzfristig becho? I bi ja nid gierig druf, aber bis itz isch äbe no fasch nüt cho.

@me: Ha die Wuche no es Strumpfband und so "Cold feet"-Socke bsteut uf etsy

Hallo ihr hübschä

Ich han paar Minute frei becho und ha mi glich mal no via Forum melde...

Taeboyana:
Weiss nid obis richtig mitverfolgt ha, aber het sich dis DJ-Problem jetzt gösst?Also weg de Lutstärki, wenn jo wieviel hender den jetzt?
Bini froh isch euses Resti echi abgschottet und derfet mir das, s'einzige wo nid erlaubt isch, isch offenes Füür.Also kei Fürwerk oder Himmelslaterne, chani aber demit lebä

Lil-lian:
Eue Termin ufem ZSA tönt jo wie s'reinste Spasserlebnis
I finds amigs scho krass weni so liesä, wieviel das die paar wenige Minute kostet und den sinds mängmol idmal so fründlich,nid?!
Hesch du din Termin zum Kleid absteckä erst endi Juli?
Ich hanen scho am 9.Juli und weiss nid recht oben söll verschiebä, willi nochli wot abspeckä und nid so vora chume wie erhofft Usserdem hani zwar es paar schöni Schuhe dihei aber i mine Vorstelligä heti eigentli lieber was anders

Pfingstrose:
Hee super wie ihr euses Budget berechnet hend, hoff mir gahts den au so und wenn nid...nanu


Broncos:
Soo no via Forum....HERZLICHE Glückwunsch nomol und alls liebi für eui zwei

Malinchen:
Wennis richtig vernoh han, hend bi dir die letste 62Stunde gstartet
Wünsch dir alles gueti und das jedi einzelni Minute magsch isugä

Janedoe:
Und scho packt???
Wohi gahts bi dir scho wieder id Honeymoon?
Egal wohi, wünsch eui ganz e schöni, erholsami Ziit und viel Zweisamkeit

@ME
Ich bin sitem Mäntig imene Lager mit de Kliente vo eusem Heim, es isch lässig aber langsam müed vorallem weri viel lieber am Hochziitskram bstelle/bastle etc.
Da ich weg bi, gits nid viel neus, betreffend Hochziit. Am vergangene Weekend hend GG und ich fliessig all eusi 54Gastgschänkli verpackt und min Mr.Monk(Spitzname vo minere Fründin mal becho) het natürli all M&M's abzählt id Gläsli da mit Händschä
Den hemer no eusi Filzherzli usgschnitte in rot & wiis obwohl das nid eusi Hauptarbe ...egal...
Und na so es Banner bstellt uf Etsy.
Aja und s'absolute Highlite für mich isch gsi, dasi das u schöne altrose spitze Kleid gfunde ha,find das u herzig und han grad müessä zueschlah

Frage a alli:
Wot öberd vo eui jetzt no was vo Chairfactory????Morn Obig machi bstellig!
Bitte segets mir nomol, am beste wers wener mir e Nachricht chöntet schicke mit de Bstelligswünsch, sorry fürs x-mal fröge.

Den hani no welä wüsse, ob öberd vo eui schomal vo Etsy schuhe bstellt het?
Oder vowo hend die einte vo eui ihri Glitzerschuhe?


Soo wünsch eui na en schöne Tag, ich muess bald wieder witer....
Und den isch mis Lager au scho bald ume und morn Obig startet mis Hochziitszüg den wieder mitem Pfarrergspröch

Saisleu
Bisch dämfall jeze i dere "Feriewuche" für dini Kliente?
Wege de Bstellig, ich han mal gseit ich wür evt. Schleife chaufe, abr mier lönds jeze.
Ja das wegem Priis isch voll verruckt. Ich mein, dass für es Dokument zahlsch, findi völlig ok, abr dass für die ganz Sach so vill zahlsch, findi völlig überrisse. S'Abfräge im Programm vom ZSA hät scho ällei pro Person CHF 30.- kostet .

Fanny87
Das stimmt mit em bestuunt werde. Mier händ das Jahr euses 10-Jährige (am zivile ) und wennis amigs verzelle wierdi amigs au chli schräg aglueged. Abr ich find mängisch au, krass es sind scho 10 Jahr ume..
Ja bi Zalando hani au scho glueged und gad letzti es paar Schueh bstellt. Sie händ mer abr nöd so zuegseit. S'Päckli liht diheime zum retour schicke..

Guete Morge allersits!

Kenneder chöntsch usschlofe und bisch am 7ni scho wach aber glich no todmüed?? :p ich haaasse das :p aber bin sooo nervös hehe :p höt Obig goht jo mis Polterweekend los! Am Halbi 7ni (währenddem Italie spilt!!!) werdi abgholt dihäi! Und han jo kei Ahnig was mi erwartet… :p d.h. mol will sich jo mini Ex-Kollegin verplapperet häd weissi dassmer nach Barcelona gönd! =) hammer ned?  aber offiziell weissi gaaar nüt! Voll doof wili muess ufpasse dassi nüt degliche due und dänn au gnueg öberrascht due.. sit am sonntig hani jo jede Tag Hiiwise becho han en Koffer müesse packe mit ganz gspässige Sache teilwis – en Tascherächner, en Locher & en rote Schirm z.Bsp! :p nimmt mi jo wunder för was ich das bruche! :p si händ au öbis gschrebe vowäge Shopping Queen und Casting und so hehe – ich han ebe die Sändig früener immer gluegt und gseit wörd det gärn mol mitmache :p glaube si händ jetzt öbis so plant, dass si es Casting mit mir machet und kei Ahnig wasi dänn muess mache? Shoppe vermuetli? Haha i dem bini jo Wältmeister :p *tränenlach* werde öich uf jedefall brichte negst Woche ;)

Und jetzt goni mol no chli uf die letschte 20 site i :p bin durs lere etc. eifach ned dezuecho – bi aber soooo erliechteret isch alles dure jetzt! aber bi froh sindmer jetzt au im FB so chumi immerhin e bitzli öbis mit öber ;) und lese natürli d’Brichte vo de broncos und pfingstrose & claudilein!! Bin nämli immer nonig dezue cho! <3

@Pfingstrose: jo das isch genau so wie du seisch… han mi immer nonig entschide.. mi brüeder goht höt no mit mim papi go luege wägemene azug (er macht nur widerwillig mit) mol luege wie das wird.. han mim brüeder gseit, dass wenn de papi de part wet, er sich eifach müeh söl gäh und mir zeige, dassi ihm öis bedüte und sich d’wält mol a 1 Tag ned nur um ihn dreit! Söt doch machbar si oder? und jetzt zo dim bricht! <3 woooow es dönt alles soooo wunderschön und fröimi soo för di häsch so en mega wonderschöne tag döfe erläbe! =) han grad hüenerhut becho bim läse und dich gseh strahle! Eifach wunderschön!!! Haha und de hammer dasser grad no d deko vode HZ vom negste tag gseh händ :p s’häd halt ned jede glich vil gschmack gäl :p

@sue: ebe s’isch no schwirig :/ mol luege wies chunt… hey super häd sich dis fotografeprolem glöst! Bisch def. besser dra so! und ich finde au archidektur fötele isch ned s’gliche wie mönsche geschweige denn es hochzyt!

@lil.lian: s’isch wörkli so 50/50 joker.. dänke nach dem weekend weissi dänn au meh wenni gseh was debi usecho isch bim azug sueche und ober mol ned nur a sich dänkt… super häsch öber gfunde wo dich schminkt! &#61514;

@broncos: gäl s’river flows in you isch hammer? Ich finds eifach sooo schön und uuh tüüüf das lied <3 passt mega findi.. ooooh wow au din bricht isch eifach sooo wunderschön!! =)))) fröimi so isches so perfekt worde!! =) und nehme mir dini wort am afang vom bricht z’härze! <3 hey de hammer bisch no in see go bade am morge hihi &#61514; chönti mir au öberlegge mir sind jo am see hehe :p

@malinchen: hammer gfühl wänn d prüefige ume sind gäl? =)) goht gar ned wäg dim kolleg hey wörd mi au närve! Häsch s einzig richtige gmacht.. uiuiui wie gohts dir ächt?? Morn isches sowit!! Und perfekts wätter isch au agseit was wilmer no meh? =))) wönsch dir vo ganzem härze en wooooonderschöne Tag morn!!! Es wird bezaubernd do bini mir ganz sicher!!

@littlefoot: doch mir händ no tischchärtli gmacht – aber wenns glich isch wer näb wem sitzt langets wenn si wösset wer a welem tisch… heey cool händer istanbul buecht! =) häsch en lösig gfunde wägem hüete? Wie wärs, wenn öber eifach zo öich chunt go schlofe dänn chönt die person hüete und aber glich normal go schaffe am negste tag? Oje voll müehsam de verastalter!! Die tschegget eifach ned mit wievil emotione jedes brutpaar do debi isch!!! Wuuusaaaaa… oje verstoh di soo guet!! Han die krise jo au gha und s gfühl gha alles lauft schief! Und mitem GG hani det au vil zoff gha… aber s’chunt alles guet wersch gseh!! Das isch die ganz aspannig & de stress..

@schagge: haha han grad müesse schmunzle wäg de ussag vo dim GG wäg de petfläsche! :p das hetti mine chönne si a.p :p voll doof wäg de to do list hey :p aber häsch si hoffentli wider hibecho?

@taeboyana: schön häsch tolli ferie gha! =) cool wäg dim rote chleid! =) mhhh s’menu dönt super! Und wooow erdbeerbowle hammer! &#61514; jöö härzig wäg dim GG &#61514; mine duet au plötzli chli uf!!! ;) oje das isch jo ächt en mega seich und voll d frächheit vom hotel öich das erst jetzt z’säge! Aber super sinder dur d antwort vo de polizei bitz beruhigt worde! ;)

@nala: oje du häd ned guet dönt! Häsch dini prüefig glich guet chönne schribe? Gseht meeega schön us das härzli“gästebueh“ mega meg schön!!

@sasileu: jö härzigi sache wod postet häsch! &#61514;

Guete Morge und TGIF :)
Und da ich hüt im Home Office bin wird de Tag im nu verbi ga

Taeboyana: Hahah, also sone Spezialistin bini definitiv au ... Mir hend au praktisch alles erst ufs Fest oder halt sogar no die Wuche (halt vo denen wos wahrschinlich am Samstig in Uftrag gä hend) becho. Muess aber ehrlich säge, das ich selber bide bisherige Hochzyte au amigs ehner knapp dra gsi bin mit überwiese. Und mir hend uuuuu viel Geld doch no Bar becho. Also mir hend eifach uf d HP gschriebe gha, das die wo s Geld ned wend mitnä überwiese chönd. Üs isch eigentlich glich gsi, öb sie s mitbringed oder überwiesed. Uf jede Fall hemer den am Sunntig so viel Bargeld wie no nie dihei gha. Mir sind den grad am Mäntig go izahle, isch mer amigs ned wohl mit so viel Bargeld

lil.lian: Ich han das ebe au ned gwüsst gha, aber ich han mir sege la, dass de Junggselleabschied, so dass isch wo mir bi üs als Polterabig verstönd. Also halt irgend en Überraschigsabig mit was au immer für Brut bzw Brütigam. De Polterabig isch den aber sowieso am Abig vor de HZ und den wird würklich poltered (also Gschirr verschlage) vo Brut und Brütigam zäme. Uii, ich jetzt chunt mer grad i Sinn, das ich das vilicht müest organisiere. Aber sie übernachted d Nacht vorher scho im Baur au Lac, ich chan sie doch ned det la Gschirr verschlah Mues glaub mal no mit ihre Rede...
Jaa die liebe Schueh, das kenni, han ja au es riise züg gha demit vor em zivile und den last minute no es paar gfunde... Viel erfolg bi dim Shoppingtag.

sasileu: Daanke.... Hahaha, ja s Bild mit dim GG ide Händsche uf FB hani de Hammer gfunde. Das het mine also nie gmacht... Also hesch das chleid in altrosa au uf etsy gfunde oder suscht imene Lade? Wirsch das am zivile alegge? Hesch scho Föteli?... haha Frage über Frage

Fanny: Also vomene Haarteil hani gar nix gseh lustig bi mir isch fast s Gegeteils Problem gsi, ich han sooo viel Haar, das sie gar ned gwüsst het wo ane demit. Sie het den miteme Teil es Zöpfli gmacht und das unedrin versteckt, damit sie all Haar undere bringt
Gaht mer amigs genau glich, das d Lüt u erstunt sind und ich mini erst gross Liebi han chönne hürate

Sue: Daanke! Ebe weissi noni wasi für es Chleid wet. Ah man bi mim eigne HZ Chleid hani genau gwüsst wasi wet und s uuu schnell gfunde aber jetzt als TZ. D Brut git mer überhaupt kei Vorgabe betreffend Längi und Farb. So isch d Uswahl eifach viiiiil z gross ... Also ich han mich mal entschiede, dasi gern es langs ha wür. Aber vode Farbe und vom Schnitt her, hani kei Ahnig, mir gfallt eifach z viel ich muess den glaub eifach mal chli go probiere und hoffe dasi DAS Chleid gfinde.
Ou du armi mit dim Rugge, gahts scho wieder chli besser? Also ich gang bi so Sache immer grad zum Osteopath, de wirkt amigs Wunder... Uuund gaaanz viel Spass bim abstecke, wirsch dis Chleid sicher immer no liebe