...ach, ich muss vielleicht noch anfügen, das ich Vegan for Fit nicht selber habe. Habe nur davon gehört und finde der Attila macht das noch gut. Veganes Essen für Jedermann :-)

Guete Tag ihr Liebe!

Genau wie fast alli da schriebed hani au so kei Lust zum schaffe. Darum hani am SO minere Chefin aglüte und gfröged obi MO und DI chan Überziit izieh. Darum bini DIHEIME! Gester hani gmüetlich glese de ganzi Tag. Liebe auf Reisen het s Buech gheisse. :)

Littlefoot: Broncos hets genau richtig gseit!!! Scho klar isches praktischer wens schön isch. Aber darum hend mir ja alli e top Alternative das mir nöd duredrähe münd. Euses fest wird de hüt und du wirsch wie gseit mega gflashed sie. Es isch de besti Tag!

Loch: Das chani also ganz und garnöd bestätige. Chund evt. au drufah wie extrem mer Ziit driisteckt het und was mer nachher für Pläne het. Mir gahts super ohni "Vorbereitige". Nur mengisch wirdi chli sentimental will de Tag ssoooo churz gsi isch. Hihi! Aber den packt mich GG wieder und mir mached chli euse Hochziitstanz! Haha!

sasileu: ich hau einfach nach Lust und Laune Gemüse und Obst in den Entsafter. Fast immer mit Äpfeln gemischt, weil der Apfel auch dem Gemüsesaft die nötige Süsse gibt. Mit der Zeit bekommt man so seine Lieblinge. Ich mag den Klassiker Karotten-Apfel-Ingwer enorm gerne. Papaya-Himbeer-Limette ist auch super lecker.
Wir trinken eigentlich jeden Morgen einen Smoothie (immer frisch, meistens normal, ab und zu mach ich aber auch einen Greensmoothie). Ich hab auch schon anstatt Saftfasten eine Smoothiekur gemacht. Weil meistens reut es mich den ganzen Trester wegzuwerfen.

Woher hast du dein Kleid?

Pfingsti
So schön häsch frei und chasch es no chli gnüsse! Hihi voll härzig vom GG!

Sasileu
Ah dis Chleidli isch voll süess!! Mega härzig :)
Din Gürtel gseht würkli no guet us. Mine isch scho ganz anders, isch eifach en Bändel. Bi Etsy bisch nöd fündig worde? Isch dänn dis Chleid ähnlich wie uf em Bild? Den würd das doch sicher guet passe?

B2be
Joah bim Entsafte findis u schad, dass es immer so vill Abfall giht. Machsch amigs no was mit däm? Oder rüehrsch en amigs weg? Drum hani min Entsafter zhinderscht im Schrank versorgt..
Mache defür au vill lieber grüeni Smoothies :)

Guete Morge, mes chères

@malinchen: Verzell, verzell! Zeig, zeig! Eui Fotografin hät mir jedefalls scho verrate, es segi wunderschön gsi.

@littlefoot: Wuhuuuu, bald... *ufundabgump* Aber verstah din Fruscht wäg em Wätter. Was ich dir am meischte wünsch, isch natürlich schöns Wätter (aber während de Fotisession chli Wulche - git di bessere Fotis - chasch di vilich mit dem tröschte). Und am zweitmeischte, dass es, söttis doch zu Räge cho, glich chasch in volle Züge gnüsse mit eune Liebschte eui Liebi z fiire.

@sasi: Ich han kein silbrige Gurt, aber en fiine. Er isch beige. Uf eusne Föteli gsehsch en: http://andrearufener.com/wedding-dorothea-ramon/
Ich chönt dir de sicher uslehne. Falls es würklich klar en silbrige söll sii, chöntisch vilich glich au so chli meh en Idee gwünne, wie's würd usgseh.
S Brutmodegschäft hät wahrschinli au no Gürt (ich han mine au us em Lade, ha das ruckzuck müsse ussueche, zwei Täg vor em Hochsig. Aber s hät sich absolut nöd nach Kompromiss agfühlt, bin so froh!).

@me: Mir händ gester es Hotel buecht. Danke no, @Sue, für din Tipp! S isch nöd so ganz de Stil (und d Prisklass), wo mir gsuecht händ, drum hämmer jetzt öpis anders gno.
Isch es einigermasse eifachs Hotel a de Côte d'Azur i de Nöchi vo Marseille. Mir hoffed, s isch det chli weniger schiggimiggi. Und s isch erst no nöch vo andere kuule Ort; Aix-en-Provence, Avignon (für zwei Historikerlütlis natürlich spannend - s isch ja es Wiili Papstresidänz gsi), Camargue (für en früenere Rösslifän wie mich au kuul).
Ich muess aber no mit mim Onkolog bespräche (s Hotel chönt mer kostelos storniere, drum hämmer eifach mal zuegschlage, wil mir ja extrem spat dra sind, isch fascht alles usbuecht). Muess ebe no paar Chemos umeschiebe, demits mit de Ferie ufgaht.

Im Auguscht wämmer dänn no chli in Norde. Irland, Schottland, so was... Das möchti scho länger gern mal.

Und ich glaub, wäni im Herbscht immer no einigermasse fit bin, gömmer grad nomal weg. Hihi... Naja, halt eifach zum d Ziit usnütze, wo das no möglich isch. Ok, ev. chöntemer au id Schwiiz. Händ diversi Feriehüser und -wohnige, wo mer ane chönted, wo eus scho abotte sind.

Ach, ich freu mi! Wuhuuuu!

Ansonsten möchti mi ändlich chli ad Wohnigsdeko mache. Hüt mal go Blümelein poschte für de Balkon. Di bestehende hämmer leider zimli umbracht. *grossesAugewhatsappSmiley*
Und für d Stube mümmer au mal vorwärts mache. Es "Konzept" hämmer eigetli plus/minus.

Und s Büro isch riise Chaos. Aber ich glaub, mir mached ez mal eis nach em andere.

Liebi Grüess,
Fara

hoi mini liebe ladies!

i bi momentan grad zimli im stress, nägst und übrnägstwuche stöhn d semester priefige ah und letscht wuche hani e abartig strängi seminar/block wuche ka mit 18stunde däg (kei witz!!)
aso isch momentan grad lerne agseit, ha aber hüt morge chli alles nochegläse, ka aber leider nid uf alles iigoh

@littlefoot: kei angst de fritig wird mit oder ohni sunne wunderschön! und wen du seisch wättr wie hüt.. aso do isch bis jetzt e super dag mit sunne und ca 20°C! gämir doch eifach devo us das s hütoge wättr vo basel am fritig z luzärn isch! kopf hoch! i bi sicher es wird mega schön! *ganzfeschtumarm*

@fara: schön widr vo dir z ghöre, vorallem au das d chemo wirkig zeigt! wünsch euch jetzt scho schöni ferie z südfrankrich!

@sasileu: ganz e tolls kleid! gürteltechnisch ka i leider nid witrhälfe :-/

@lillian: mir hän unserer zeremonieleiterin e iladigskarte für an apero gschickt ka, würdi jetzt bim pfarrer genau glich handhabe :)

@me: wie die meiste vo euch jo im facebook scho gseh hän, isch unser zivils am samstig gsi! es isch wunderschön gsi und e lockere und entspannte dag genau wie mir uns das gwünscht hän. e bricht dezue schriebi sicher au no, nur jetzt het lerne momentan eifach priorität
bi grad sehr froh hämir die fb-gruppe, so bechumi wirkli au usserhalb vom forum viil vo euch mit!

wünsch euch no e schöne dag!

Zuletzt bearbeitet am 24.06.14 13:36