nicht registriert

Hello iihr Liiebe

Miir gots gliich wiiä dä Nala. Und anschiinend ganz viiel anderne au?

Littlefoot: Wenn's ganzä Forum dä Petrus um schöner Wetter bittet, wiird ers siicher liiefere! Aber eues Lächlä wiird so strahlend sii, dass es sogar d'Sunne würd in Schatte z'stelle.

Fara: Da tönt suuper bii eu! So chönt du und diin GG dii gmeinsam Ziit hoffentli gniässä und du dich guät erhole. Wünsches eu doch sehr!

Pfingstrose: En wunderbar erholsame Tag wünsch ii diir! Schön so freii ha

Fanny: Ich find hesch diich richtig entschiide! Es tolls Kleiid!! Wünsche eu en schönä Abiig. Fiiret guät!

Lilian: Miir hend unserm Pfarrer s'Kärtli gäh, wo mir au all andere verteiilt hend. Für da isch wohl bii eu scho z'spot. Ich würds so machä, wiiä du vorgschlage hesch. Er cha ja denn selber entscheiide, ob er denn will bliibe.

Me: I versuäch mii kurz z'fasse.
Miir hend endlich unser Floriste-Problem glöst. d'Bluämä kostet 1500-1700 sFr defür wiird würkli eiifach alles gmacht und mir müänd uns um nixx kümmere. Und wenn ii denke, dass s'Hochziit scho fast vor dä Tür stot, bin ii gad no froh drum. d'Atmosphäre ii sebem Lade iisch eiifach dä hammer gsii. Am liiebste würd ii für immer dert bliibe Was haltet iihr vom Priis? Wiie het das bii eu usgseh?
Denn siind mir fliessig unseri erste Möbel in d'Wohnig am stelle. Traumhaft schön fühlts siichs aah, zum wisse, dass seb unser Heiim wird


Wünsche eu allnä ä supi Tag! <3

Also ihr liebe Brütlis und Ehefraue, ich schrieb jetz mal min Hochzytsbricht (sorry, han bessers ztue gha bim flittere in Bali ):

Ich bin ja am 30.05. am Abig mitem ganze Dekomaterial, mim Brutchleid, em Chleid vo minere TZ und mit minere TZ scho is Hotel gfahre.
Händ dänn no d Deko id Festlocation bracht und chli mit de Dekotante gredt wie mer was wänd und sind dänn go italienisch ässe. Bin eigetli nöd nervös gsi was für mich eigetli nöd normal isch.
Han dänn aber wo mer gäg di 12i is Bett sind keis Aug zuetah und uh unruhig gschlafe. Am 5i (!!!) bini dänn ändgültig wach gsi und han zu minere TZ überegluegt. Die isch au scho wach gsi und hät mich agluegt. Händ dänn bei uh grölet wills ihre schimbar genau glich gange isch. Während ich mir de ganz Hochzytstag überleit han und öb au nüt schief lauft hät sie die ganz ziit d Deko im Chopf gha und öb sie nüt vergässe hät
Uf jede Fall simmer dänn ufgstande und an See go laufe bis am 6i. Isch uh friedlich gsi aber mir ischs total schlächt gsi obwohl i eigetli au det nöd nervös gsi bin.

Im Hotel hät mini TZ dänn zMorge gholt aber ich han nüt abebracht. Isch eifach nöd gange, han mi total gruset vorem Gipfeli...

Am 8ti isch dänn mini Stylistin cho und hät mich gschminkt und frisiert. Bin aber total unentspannt gsi.
Aber sie isch so herzig gsi und hät mi würkli wunderschön gschminkt und frisiert das mich das irgendwie abebracht hät gäg de Schluss.
Am 10i isch dänn de Fotigraf cho und irgendwänn häts dänn a eusi Zimmerwand polteret. Min GG und sin TZ sind grad näb eus gsi sich am umzieh...läck bin ich nervös worde will ich gwüsst han das min Schatz so ide Nöchi isch aber ich ihn nöd döf gseh...

Uf jede Fall sind dänn mini Eltere cho. Während min Papi en Kafi im Resti trunke hät isch mis Mami uecho mich scho alege. s hät wunderschöni Föteli geh (han sie nonig, aber de Fotigraf hät mer ab und zue es Foti zeigt).
sMami hät super usgseh und isch sooo stolz gsi uf mich. Sie zeigt eigetli nöd so Emotione aber det hät mer ihre mega Agmerkt das sie nervös und glücklich isch.

Irgendwänn simmer dänn umeghocket will mer zwar fertig gsi sind, und erscht no zfrüeh dra und mer dusse Fründe vo eus ghört händ wo sich au im Hotel parat gmacht händ bzw. icheckt händ. Somit simmer öpe e Halbstund det ghöcklet und händ chli gschwätzt.
Min Papi isch dänn au irgendwänn uecho und isch uh herzig gsi woner mich gseh hät. Er hätti nie dänkt das ich so es Chleid han...

D Hotelmanagerin isch dänn mal cho und hät gseit das jetz alli weg sind und mir eus chönd uf de Wäg mache.
Sind dänn zu minere Stylistin is Studio gfahre wo nur öpe 100m vo de Kapälle weg gsi isch. Vo det us hät mini TZ gseh wo dasd Gäst sind bzw. wänn das alli dine sind damit ich chan abelaufe. Wills Wätter so schön gsi isch isch das au keis Problem gsi.
D Fahrt det ane isch so luschtig gsi will ich mich uf de Biifahrersitz vo mine Eltere ihrem Auto quätscht han. Ich han gar nöd usegseh und min Vater hät sich vergröhlt will ich usgshe han wie e Zuckerwatte.

Bin dänn id Kapälle abegloffe und han unterwägs no s Strumpfband verlore. Min Vater isch dänn zrugg und häts vom Zebrastreife ufgläse. Hans aso zmitzt uf de Strass verlore

Wo mir dänn vor de Kapälle gstande sind hät d Siegristin de Sängerinne s Zeiche geh das sie döfed afange singe. Dänn isch mini TZ inegloffe, dänn min Papi und schlussändlich ich. De Wäg isch so churz gsi das glaub alles chli zschnäll gange isch. Aber egal, ich han nur Auge für min wunderschöni Schatz gha wo ganz nervös vore uf mich gwartet hät. Er isch sooo en schöne gsi (suscht au, aber det ganz bsunders).
Ich bin dänn zu mim Papi gloffe wo mich umarmt hät (mir händ nöd chöne zäme inelaufe will de Ganz so äng gsi isch) und hät mich a mim GG übergeh.

Ich bin dänn näb ihn angestande und mir händ eus für de Rest vom Lied eifach agluegt und Komplimänt gmacht.

PS: a alli Brütlis wo nonig ghürate sind. En Tipp/Rat a eui: ihr werdet egal was passiert de schönsti Tag vo euem Läbe döfe ha. Lönd eui nöd dur Chlinigkeite durenandbringe. Wänn öpis isch, ob chli oder gross, halted eui nöd demit uf und gönd eifach wiiter. Es wird sowieso en unvergässliche Tag und ich wünsch eui jetzt scho alles Gueti!! Ich freu mi uf eui Bricht!!

Fara
Schön vo dier zghöre! Kuhl händer was chöne bueche.. Aso ich finds guet, wie ihr Ferie planet! Gnüsseds!!
Hihi mit de Blueme gahts mer öbe glich. De GG hät mal gseit, wenn d'Blueme chönted schreie wenns zwenig Wasser händ, wär bi eus en riese Lärm i de Stube .

Nala
Huuui dönt echt streng bi dier! Dämfall guet "Lern" und vill Glück dänn au bi de Prüefige!

Squishy
Dönt guet mit de Blueme! Zum erste Agebot ischs ja scho en Unterschied. Zum Vergliche findis no schwierig.. Mier händ mal eis Agebot becho für CHF 1'200.-, wobi sie händ no was vergesse und mier holet alles sälber ab. Mier wartet jeze aber no uf die zweiti Offerte vome andere Bluemegschäft.
So schön mit de Wohnig!! Händer dämfall scho züglet oder dönt iher jeze zersch mal d'Wohnig irichte?

Weddingbee85
Ah kuuhl din Bricht! Ville Dank! Dönt mega schööön! :)
Wie lang sinder den in Bali gsi? Und was händs dänn schlussendli mit de Chlüperli (Wöschechlammere) gmacht?

Verhürateti Brüt
Das hani eu au mal no wölle fräge, wie händer eigendli eui Wohnige atroffe nach de Hochziit? Alles normal, e schöni Überaschig oder doch e chlini "Verwüeschtig"?

Zuletzt bearbeitet am 24.06.14 15:53

@weddingbee: danke für dä wunderschöni bricht! ha mi grad einisch meh vom lerne loh ablänke aber no so gärn für so schöne erfahrige dörfe z teile i finds mega härzig wie du schriebsch und mini vorfreud wird duch jede wundervolle bricht no biz meh gsteigeret

@lil.lian: danke

@littlefoot: kei panik! i weiss es isch tatsächlig eifach gseit, aber s wättr ka halt wirkli niemr ändere und vorusplane.. bi uns allne könnts au so use ko und den bisch du sichr die ersti wo uns ufbaut und seit das alles halb so schlimm isch, wils bi dir au wunderschön mit oder ohni räge wird!
i ha grad noche gluegt wägem wättr, am mittag könnts evtl mol rägne und gege de obig isch widr besser bi rund 23°C! das isch doch au scho öbis! siehe foto!
*witeri ganz fescht umarmig* positiv bliebe und i red hüt zobe au no es wort mitem petrus ;)

Datei-Anhänge

Weather_in_Lucerne_-_AccuWeather_Forecast_for_Lucerne_Switzerland.jpg (8x) Mime-Type: image/jpeg, 118 kB

Weddingbee: Sooo en schöne Bricht. Bin mega gspanne uf eusi Fotis. Aber wie jede Hochziitstag het au eue perfekt tönt. Ich find das so schön empfindet da ine am Schluss doch jede s glich. Egal wie d Vorbereitige gsi sind. Ah und d Fluttis mega!! Hesch es Foti vo Bali wo uf FB poste chasch?! *gwunder*

Lillian: Eusi Wohnig isch picobello gsi. Das heti also garnöd gschetzt wenn's öpert durenand gmacht het. Mir hend es wunderschöns Plakat vo minere Familie mit eusne Näme a de Tür gha. DUNS nachher gad no uf FB und en meeega herzige Brief uf eusem Bänkli vo de Nachbare mit zwei riiisige Schoggichefer eine Blau und eine in Rot.

Littlefoot: gnüss de Endspurt and keep us posted! &#128541;