nicht registriert

Guuete Taag

Weddingbee: Danke viiel mals für diin Briicht. Es tönt nacheme wunderschönä Fest!
Gratuliiärä diir nomol herzlich und wünsche eu s'Best uf dä Welt!

Lilian: Mir hettet dä Schlüssel theoretisch erst am 1. Juli überchoh. Drum hend mir d'Helfer erst uf dä 5. Juli bstellt Aber jetzt tüänd mir so einzelni Sachä scho mit em Auto hiifahre und ufstelle. Es isch so schwiierig, ned gad eiifach alles unter dä Arm z'packä und dert bliibe. Es gfallt üs so guät

Littlefoot: Goodbye
Aber viellicht gsehsch das ja gar nüm? Ich wünsche eu es unvergesslichs schöns & romantisches Fest! Dass d'Stimmig nöd vom Wetter abhängig iisch! Du wiirsch ä wahnsinns Bruut sii!

Principessa: Danke für dii Polter-Bricht! I han en mit grosser Spannig glese! So schön, wiiä siich dini Fründinne iigsetzt hend und so da Wuchenend einmalig & unvergesslich isch! Also ii bewundere ihri Arbeit echt. Sii kennet diich & wiiä sii diir ä Froiid chönt machä!

Me:
Mii GG het ja für mii d'Stola bi Lightinthebox bstellt. I ha scho denkt, sii chämi uuh knapp. Aber jetzt isch sii gester achooh. Mii Pa het denn grossi Auge gha, dass ii was vo Hongkong bechum I find sii tiptop. Tuä sii denn aber am Nomi no zum Kleiid hebe, damit s'elfebeii wirkli s'gliich isch.
Sus sind mir halt fliessig am packä. Und ii freue mii scho, denn am Samstig wott iich uf Dütschland Bastelsachä go poste. Denn chönt mir mit dä Namenskärtli afange
Usserdem han ii miich mit dä Sitzordnig probiert. I ha gar nöd sooooo lang brucht gha.
Findet iihr, d'Eltere müänd nöch vom Bruutpaar sitze? Mir hend zweii langi "Festbänk". Und iin dä einte sind eher diiä ältere Lüüt und in dä andere diiä jüngere (mir sind natürli bii dä junge). Findet iihr das ok?
So jetzt fangt d'Sitzig aah machets guät iihr liebe <3

Squishy-Fishy
Ja das glaubi, dass grad i de neue Wohnig wetsch blibe.. :) Vorallem au wenn am uszieh bisch, freusch di so riesig uf die erste Wohnig!! So isch defür eui Vorfreud umso grösser! Wenn dönder dänn hürate? Has gad nüm im Chopf..
Ah kuhl isch d'Stola scho cho!
Ich finds voll ok wege de Tischornig.. Aso mier bringets nöd ane, dass d'Eltere bi eusem Tisch würded hocke. Mier händ rundi Tisch wo max. nün Lüt Platz hetet. Und mier händ a eusem Tisch eusi zwei TZ mit Partner, den mier zwei und den hetet max. no 3 Lüt dra Platz. Drum hämer dänkt, mier dönt eusi Gschwüsterti no a euse Tisch, swär je e Schwöster und mini hät no en Fründ. Und d'Eltere würemer dänn zämä a ein Tisch setze mit eusne Göttis (und Partner), wo jewiils d'Brüedere sind vo de Papis. Den gids no ein Tisch mit de Grosseltere (wäred 8 Stuck) und den zwei Tisch mit Kollege, Tante, Unkel.. Mier händs au scho probiert wild durenand z'mische, abr mier findet die Variante eigendli die besti.. Und ja d'Fotografin dömer den au no noimets unterbringe und d'Musig (4 oder 5 Lüt) bechämted en eigene Tisch.

Menü-Charte
Hät öber vo eu no e Vorlag für e Menü-Charte?

hallo liebi brütlis

ich han en churzi frag, evt. wüssed ier das. es gitt doch diversi siite womer sälber iladige usw. chan mache. z.b. http://www.weddingpaperdivas.com/
det isch aber alles uf englisch, aso de text uf de chärtli... gitts so öpis ähnlichs womer de text sälber chan schribe oder grad scho uf dütsch isch?
... die vo karten4you.ch kartenmacher.ch usw. gfalled mier alli ned

Zuletzt bearbeitet am 27.06.14 08:50

Novia Mayo: Also ich wird eusi Dankesnchertli bi WeddingPaperDivas bstelle. Eusi Iladige hämmer vo Minted gha. Genau us em gliche Grund... Die us de Schwiiz händ mer eifach alli zäme nöd passt. Aber du chasch bi dene wo uf Minted oder WeddingPD bstellsch alles apasse. Mir hend Dütsch und Portugiesisch gmacht. Isch keis Problem...

@novia: du kasch glaub am vrkäufer es mail schriebe und den so apasse wie du möchtisch.
I wirds uf jedefall so probiere wenn mir de dankeskärtli schriebet, ha au scho eis vo weddingpaperdivas i mine favorite gspeicheret

Statt glaub links - ADD DESIGN REQUEST... Dete cchasch alles guet beschriebe inetue. Isch würklich keis Problem mit dene.