ok super, danke vill mla!

Hallo mitenand!

Also zerst no danke für euri Rückmeldige weg minerä Gurtfrag, au wenn niemerd sowas het wieni suech.

weddingbee:
Din Bricht hani scho letst wuche mal gläse und u schön gfunde zum läse...hoff hesch de Tag ganz fescht gnosse und Erinnerige fest igsperrt
Fara:
Und hesch sone Saftkur gmacht?oder bisch na drane?
Ich finds u herzig wie euri Wohnig higrichtet worde isch nachem Hochziit....mini TZ het mir versproche, dass eusi ganz blibt und nid verwüestet wird, si findet das nämli au voll uncool
laprincipessa:
Ich wünsch mir au sonen Polterobig, bis ufs salsatanze, den würi mi u blamierä
Aber de blibt dir sicher au ewigs i Erinnerig

Allgemein:
Find bi jedem vo eui wonen scho cha het, dass all en u lässige Polterobig cha hend,oder sogar weekend.

@Me:
Mir hend nebst Diplomfiir vo mim GG am Fritig und Albanifest a dem wuchäend nomol einiges bastlet...Hend L.O.V.E. Buchstabe goldig agmalet für bim Apero und dezue no sones Styroporherz rot/pink...den hemer all 64 Filzherzli usgschnitte und de Draht boge und eusi Gastgschänkli hend no Bändeli becho. Und jetzt mueni nocher no de Ablauf in PC töggele.
Aja und hani scho verzehlt das mir letste Fritig bim Pfarrer eusi Dokument usgfüllt hend...ich het mal fascht träne cha, es wird langsam so real

Hey lil.lian

ich säges immer wieder.... de suozzi z uster ish super für herremode masskonfektioniert. Allerdings wohl doch dütlich türer als ab de stange. Für min maa isches ca. 200 gsi s hämp.
ansonsten ab de stange sind tendenziell italienischi besser für "schmali würf" als änglischi. Aber en konkrete tipp hani da nonig.

ah doch... suit supply, det müssteder bstelle, chönd aber gratis zrugg schicke (über ups). Min maa schwärmt devo, leider hät doch kän azug passt für s hochsig. Hämper häter vermuetli au.

Liebi Brütlis

Mues mi unbedingt ou wieder mau hie mäude! Es isch würklech schad dass so wenig louft, i gloub üsi Viuschriberinne si aui scho ghürate und/oder ide Flittis I has leider gad so sträng gha im Büro dassi eifach nid drzuecho bi und am Abe mani nümm und am Wuchenänd louft süsch viu... aber itz muesi mir unbedingt wieder mau Zit näh! Chönnt aber chli e lengere Post wärde und i weiss ou gar nid rächt wo afa...

Zersch mau: a aui früsch verhüratete Brütlis: Ganz härzlechi Gratulation, es het bis itz bi aune so wunderschön tönt und i freue mi so, dass eifach jedi die für si perfekti und ertröimti Hochzit het dörfe ha! Hoffe ganz fescht, dasses o für üs wo no drvor si o so wird.

@malinchen: Ig ha für mini beide TZ sones Inifinity-Chötteli kouft woni ihne a üsere letschte "Sitzig" 2 Wuche vorem HZ schänke. Aber das isch natürlech o nur öpis Chlis... Für d Manne het GG gester no gad sones Gwürzmix-Gschänkpaket bsteut (vom gliche Abieter womer d Mischige für üsi Gwürzbar hei). Zuesätzlech zahle mir beidne TZ-Päärli ds Hotelzimmer. Aber we du dini TZ gärn no würdsch ilade für id Ferie oder süsch öpis unds vom Budget här dripasst, mach doch das!

@principessa: Dis Polterweekend het würklech uuuuuu cool tönt, Hammer! Und hey dini Bastusache wod hesch postet, sooooo schön! Mega toll vode Farb und wie aus passt und gseht so professionell us. Das wird eifach perfekt bi euch!!

@sasi: Dir sit ou scho mega dranne mit bastle und auem, tönt super. Ja gäu weme när so Sache mues usfüue de wirds würklech so richtig realistisch. Wird dir de am zivile ou so ga!

@lil.lian: Dir sit ou erfougrich am ichoufe und vorbereite. Tönt aus sehr guet. Ou cool machsch du nöime säuber e Torte oder bruchsch dä Stander für d Candybar? Wägem Hemmli isch im Fau mi GG ou mega aspruchsvou wüu ihm aui schnäu zwit si... bi Esprit gits aber so slimfit Hemmli wo ihm no guet passe (das vom zivile heimer dert kouft) und so Linie gits no viu. Und süsch vielech würklech es massgschniderets?

@me: Phu bi üs louft Einiges, weiss gar nid wasi aus söu verzeue... Mir hei äbe die Gwürzmischige becho und si de no im IKEA ga ganz viu Imachgleser choufe. GG het de no so härzigi Houzschüfeli uf etsy bsteut und ig no so Chartehauter womer de mit Korkzäpfe düe bastle. Die personalisierte Seckli si ou cho (wotti de o no uf etsy poste). GG isch eh voll in Fahrt mit sire Gwürzbar, är geit vou drin uf Er het sogar im Büro no so Labels gmacht mit de Zuetate vo jedem Mix und me Föteli und die laminiert. Und macht sech meega d Gedanke für Deko, i bi ächt hin und weg!!
De hani gester Abe imne Afau no aui Cherzeglesli mit Serviettetechnik verziert, itz fäut nur no ds Bändeli für drum (das choufi de uf üsem Shoppingtrip in Konstanz Mitti Juli). Das wär o gmacht. As nächsts stöh d Freudeträne-Nastüechli, d Tischchärtli, witeri Dekochugle und d Chartehauter ufem Programm. GGs Mami het e riese Sack mit Korkzäpfe bracht vom ehemalige Resti.
U süsch simer flissig am tänzle jedi Wuche (letscht Mau sogar 2x), hei no gad e Kurs aghänkt wüus üs so gfaut . Chöi jetz grob Rumba, Cha cha cha, Englischwalzer und Discofox. U freue üs immer wemer wieder Kurs hei . Morn Abe heimer ds Träffe mitem Pfarrer und am Fritig Nami hani mini Probefirsur und -makeup. Hui . Mues no chli Idee sammle. Am 12. Juli isch de mi Poltertag und i ha es Gmisch us mega Vorfreud und Närvosität .
Ja i gloub es louft und chunnt langsam mit dene Bastelsache... ds Coole isch dass GG so motiviert isch und mithiuft, de fägts richtig. Aber i ha scho zGfüu dasses jetz mega schnäu vorwärts geit, es si nur no knapp 7 Wuche u mau sis no 1.5 Jahr gsi Aber i freue mi ou mega dasses de ändlech mau sowit isch...

Hoi zämme!
Es lauft wirkli gar nüd meh do inne wo sind de alli? Aso au an die vrhürotete, mir unvrhürotete könne immrno euri hilf und meinig bruche aso schön dobliebe
I bi momentan leider grad au mega im stress, hüt gihts zwar genau no e monet bis zu unserem grosse dag, abr g,ichzitig hani hüt morge au mini erst vo 8 priefige gschribe am mitwuch inere wuche isch dr spuk widr vrbi, den ka ich sicher widr voll mitschriebe, schliesslig bini den scho quasi im ändspurt

So ha nur kurz es griessli welle do loh, mues jetzt widr hintr d biecher, morn stoht scho die nägsti ah
Schöne dag euch allne!

Hey Squishy-Fishi,

Also weg da Playlist, do sötti au no Hilf ha...i glaub nömli, dass miar üs a Live-Musik sparen...

Weg em Polteri - do hesch wohrschinli im Vornherein zviel verzellt und vorallem sehr viel Erwartiga kha? Glaub dini Organisatorinna wüssend gar nüma, was söllend macha - ohni di z enttüscha und drum gits denn kei Überraschig meh. Schriib doch, dass dia 4 Vorschläg alli oki segend, du aber überrascht werda möchtsch und sie drum no d Varianta 5 usarbeita und denn gad umsetza söllend!
Luag es wird din Polteri si und gnüss eifach, dass sie sich scho soviel Müah gebend und sich denn dia Ziit für di nehmend a dem Tag! Egal was iar machend - wenns passt machender vu allem achli öppis!

I ha am 12.7. min Polteri und i freu mi riesig! I muass scho am 12i ungschminkt parat si...brucha as wiesses Oberteil woni nocher nia meh wird khöna brucha...und dörf aber für dr Usgang am Schluss no as zweits Oberteil mitneh - meh verrotends nid ;-) Und i bi sicher dass is gnüssa - au wenn vieli vu mina Ladies kei Ziit kha hend - aber glaub es het doch no a cooli Gruppa zämageh - glaub sogar dia Gruppa isch für an Polterobig perfekt...

Gnüsses und falls a CD brennsch mit euerna Lieder...brennsch üs au gad eini? ;-)

Viel Spass bim Poltera!