nicht registriert

Hallo mitenand and TGIF

Eiigentli iisch doch gad guät, lauft nöd so viiel. Denn chan ii mal en Tag fehle und bii ned grad irrsinnig hinedrii mit lese

Sue: Unseri Kiircheheftli wärdet vo dä TZ gmacht. Da bin ii denn gspannt wiiä diiä usechömet... Aber derum chan ii diir leiider ned helfe. Ojeeh, tuät mir leiid weg diim Rügge! Wünsche diir schnelli & guäti Besserig! Ich ha leiider kaii Ahnig, wo meh so Schueh her bechunt. Viellicht eiifach mal in es Bruutmodegschäft ga frögä. Diiä müänd doch au so öpis füähre!

Malinchen: Ich fänds überhaupt nöd schlimm, wenn d'Schrift und d'Papiersorte änderet. s'Wichtigst, nämlich d'Farbe, diiä würdet ja bliibe. Und das iisch wo dä Gäscht ins Aug gspringt. Zu ähnlich fänd ii jetzt persönlich weniger guät, denn es isch äs anders Kärtli, anderi Bedütig, derum dörfs au andersch sii!

LaMariee: Mersii für diin Polterbricht! Ich finds na glatt, dass es paar Brütlis no vor mir dä Polteri hend, obwohl ii vorher s'Hochziit fiire Bii wohl knapp dra So schön z'lese hend diini Mädels diir dä perfekt Polteri gmacht!

Schagge: Da han ii hüt genau au no vor gha. In Beldona was hübsches für dä Strand go poste.

Principessa: Bii diir gats ja drunter und drüber! Dä Husse-Lieferant iisch echt d'höchi. I wüsst nöd was ii gsaiit het. Zum Glück hesch en nu am Telefon gha. Also sus het ii dem glaubs eini tätsch! UNVERSCHÄMT!!! Aber du nimmsch es guät und glasse. Sehr bewundernswert!
Scho morn iisch diin grosse Tag! Ich wiird an diich denke und immer in Himmel ufeluägä und em Wetter sägä, dass ned söll regne Ich wünsche diir en unvergesslich schönä Tag! Dass jedi Sekunde in diir ufsuuge chasch und diin Traumtag wahr wiird! Uuaaah! So spannend!!! I freu mii uf diin Bricht & dini Föteli!! <3

Jo-Ann: Herzlich willkomme bii uns! Da isch denn romantisch, wiiä iihr für eui Eltere dä grossi Tag organisieret! Mir siind sehr gspannt uf meh Infos, sobald was verzelle darfsch

Sasileu: Oh jeeh. Wünsch diir bsundrig hüt viiel Kraft und Fitness! Dass diich glii dörfsch wiider wohler fühlä! Wiie isch es mit dä Schleiife wiiter gangä? Het Broncos siich bii diir gmolde?
Siind d'Schueh acho? Siinds bequem?

Lilian: Bii uns spiielt Band au eher ruhigi Musik. Sii hend ä akk. Gitarre, Gsang und Cajon. Sii söllet vor allem so Hintergrundsmusik während dä ruhige Ziit machä. Für dä Tanz hend mir denn ebe ä Playlist (wo no gmacht werde sött...) s'Lagerhuus het d'Alag, mir nehmet eiifach en Ipod mit und lönds denn vo vorne bis hine spiiele So stell ii mir da jedefalls im Moment vor. Miir hend denn no 3 Liieder selber darfe uswähle, wo's jetzt no für uns iistudieret.
Schad, passt eui Band nöd zu euem Stil. Komisch... Hends eu nöd früähner informiert. Wiie viiel zahlet iihr denn?

Me: Also unser Hochziit isch no 14 Tag weg, morn wiird züglet, dä Polteri chunt und und und... Und ii wiird langsam zum Himmel ufe nervös, fast scho hysterisch (arme GG)!!! Dezue giits so viiel Lüüt wo mii stresset. Sii sägät zuä zum helfe züglä und denn wönds gliich nöd, miir hegget gnuäg Helfer für dä Apéro und denn gliich nöd, dä Kindsgi wiird nüm vorem sondern nachem Hochziit übergäh und s'Huus vo miine Eltere wiird pumpe voll mit Gäscht sii, wo söll ii mii denn riichte?! Perfekti Sach oder?
Und wegem Polteri. I ha jetzt es wohl kompliziierts Mail gschriibe. I ha dreii Pünkt ufgschriibe wo miir eiifach wichtig siind:
1.) Es söll öpis sii, wo mir als Gruppe chönt machä und ned am Schluss dä ganz Namittag eiinzelni Grüppli umenand hänget und ned mitenand.
2.) Ich als Bruut wiill gliich chlii ussesteche
3.) Esse würd ii gern imene Resti mit Garte
Ha denn gsaiit, dass ii iihne vertrau, dass sii wisset welli Vorschläg das am beste umsetzet und iich mii gern überrasche würd lah. Aber wenn sii gern würkli konkrets wönd wüsse, denn söttets nomol frögä. TZ het gsaiit, sii beantworet miis mail am Wuchend, bin also gspannt!
Danke für all eui Ratschläg! Macht miir Muät, dass iihrs doch au chlii ähnlich gsehnt wiiä iich!

Wünsche eu allnä en guätä Friitig! Scho glii isch Wuchenend *.*

Zuletzt bearbeitet am 04.07.14 10:09

Sasileu
Joah mier chönds gern im Juli no mache, abr eher Mitti / Endi Juli. Abr ich schrieb der no :)
Das Ganze dönt ja gar nöd guet bi dier Wünsch der ganz ganz gueti Besserig! Das mit de Haar hani au es Ziitli lang gha, abr den ischs einisch wiedr verschwunde..
D’Schueh gsehnd super us. Nur es bitzeli z’höch für mini Vorstellige . Häsch die dänn jeze bstellt? Bin nöd ganz drus cho..

Jo-Ann
Dönt spannend was du verzellsch. Also dänn dönd iher die ganzi Hochziit plane? Chasch trozdem no es bitz meh verzelle?

Laprincipessa
So schön gahts dier wieder besser!! Druck dier Dümme, dass es so blibt!
Das mit de Husse isch ja voll d’Höchi, weil wir die Schweizer nicht mögen, halloooo gahts no??? Stinkfrech so öbis und dänn eifach s’Telefon ufhänke.
Das mit dim Papi isch voll härzig. Schön häter doch no was hübschs gfunde zum alegge!
Jöö voll härzig vo dier :) Ich wünsch dier natürli au e super-schöni, traumhafti und wundervolli Hochziit!! Gnüssed de Tag, lönd eu fiire und lönds eu guet gah! Dänke a dich morn! Möcheds guet!!

Schagge
Da häsch mi mit de Sasileu verwechslet..

LaMariee
Ah kuuhl din Bricht! :)

Malinchen
Ich fänds nöd schlimm, wänn eui Dankeschärtli abwiiche dönd. Ich meine d’Farbe duesch ja biibhalte und das findi eigendli au s’wichtigste. Und so ganz andersch wierds ja glich nöd wärde? Und glich chönds ja au nöd usgseh, das chunt sicher guet!

Sue
Und wie ischs gloffe mit em Chleid? Häts der no gfalle? :)
Wegem Chileheftli zerbrich ich mier au no chli de Chopf. Wet eigendli nüt mega speziells mache, abr trozdem.. Han mal noimets e schöni Vorlag mit eme Baum vorne drah gseh, abr wenns dete bstellsch, chostets es Vermöge..
Ui, den hoffi, dass es sich schnell bessered mit dim Rugge! Aso Ballarinas mit Spitze findsch eigendli i de Bruutmodegschäfter..


Squishy
De eint vo de Bänd isch ebe en Arbetskolleg vom GG. Und er spillt amigs mit verschiedene Musiker und Sänger a Hochziite. Und das Repetoire isch ebe das vo de Sängerin gsi. Mier händ ihm jeze gseit, dass es halt scho nöd so euse Styl isch. Vo eim Sänger hät er dänn no verzellt, dass er ähnlich wie de Jack Johnson singt, de machts abr leider nüme. Voll schad, das wär min Sänger gsi :.
Mier händ ihm mal die Lieder usegschriebe wo eus vo de Liste gfallet und dänn eifach no anderi druf tha. Au sötigi wo sicher nöd realisierbar sind. Er duet mal anderi Repertoir sueche und das mit de Sängerin aluege und eus e anderi Liste geh. Eigendli hani jeze es guets Gfühl :).
Sie spilled eifach bim Esse so chli Hintergrundmusig, jazzig und dänn nachher d’Lieder.
Weiss de ganz gnaui Priis leider nüm, will mier chömeds gschänkt über vo de Eltere vom GG. Abr ich glaube pro Musiker wänds glaub CHF 800.- und d’Sängerin wet no es bitz meh. Sie blibet halt eifach au bis open end. Abr gnueg tür sinds :-/. Und wie isch es bi eu? Was chostets?
Dini Antwort findi sehr guet wegem Polterabig.. Bin gspanne was jeze drus mached.

Me
So mier händs Gspräch no gester gha wege de Bänd, bim Biitrag für d’Squishy hanis usfüehrlich gschriebe. D’Kurzversion isch sie dönt jeze no anderi Repertoire usgrabe und dänn luege was no möglich wär zum spille. Bini froh :)
Und gli hämer ja Wuchenend und morn gömer uf Konstanz. Yeah froi mi scho mega :)

nicht registriert

Malinchen: du giisch miir muet. Denn miir hend sogar 2 Doseöffner

@littlefoot: yay, bisch wieder da!! bin glaubs sit woche s erscht mal wieder im forum. aber s lauft nüt meh bide früehligsbrüüt, alles scho verbii wie isch istanbul gsi? gits jetz es 3ts baby tschuldigung für mini indiskretion...

@littlefoot: ja das stimmt. family wird halt automatisch tüür mit ferie...scho elei d flüg choschtet ja glaubs ab 2-jährig genau glich vill wie für die erwachsnige, oder tüsch ich mich da?

Hallo Brütlis!

@littlefoot: Wiukomme zrügg usem Honeymoon! Isch schön gsi?

@weddingbee: Ou dir wiukomme zrügg! Schön bisch wieder mau da. Vo mir us dörfe d Früeligsbrüt sehr gärn no chli da bliebe und no chli mitdiskutiere I hoffe üse Thread wacht gli wieder chli uf, im Momänt isch ächt tote Hose, aber es het doch no einigi wo nid verhüratet si, wo siter aui??

@principessa: Ganz härzlechi Gratulation o no hie und i freue mi so ufe Bricht und Fotis!!

@Fara: OU immer schön vo dir zläse. Ha ganz vergässe dir mau Antwort zgä wäge Irland: Mi GG und ig si i üsne erste Ferie 2 Wuche dür Irland greist und i chönnt der gärn paar Tipps gä!

Apropos Ferie bueche: Mir hei ou grad bi airbnb 3 Nächt imne ganz härzige Apartment in Avignon buechet für gad nachem Hochzit Mo-Do. Mini Eutere hei dert scho lenger e grossi Wohnig buechet und gö mit mire Oustralische Gastfamilie nachem Hochzit e Wuche derthäre. Mir hei de gfunge, mir gienge o no, damit mir o no chli öpis vo de Oustralier hei . Freue mi uf Provence, Crèpes etc. I gloub mi GG und ig si no nie zäme z Frankrich gsi!

@squishy: Wäg dim Polterabe verstahni di mega guet. I wär ou chli enttüscht weni us Vorschleg müesst usläse und i bi absolut er Meinig vor malinchen, dassme söu und darf säge, was me nid wott! I ha zum Bispiu dütlech gseit, dassi keni Kondom wott ga verchoufe und nit pinkig verchleidet umeloufe (wieme ja langsam weiss, hani nid gärn pink ). Aber das laht ja immer no viu Spielrum für angeri Sache dünkt mi. Aber du hesch das super glöst mit dire Antwort, da wär mir nüt Gschiders i Sinn cho.
Oh ja ig kennes mit de Züguhäufer wo de plötzlech churzfristig öpis angers los hei oder chrank si... GG und ig hei scho 3 mau züglet und 2 mau drvo mit öpe 2 Häufer Was mi aber mängisch no hiufrich het dünkt, we drfür no Lüt si cho häufe Möbu zämeboue am nächste Tag. Vielech chanech so no öper chli ungerstütze?

@lil.lian: Tönt as hättet dir mit dr Band e Deal gfunde. I dänke das chunnt sicher guet. U chli ruhiger / jazziger as Hintergrund isch äuä gar nid schlächt.

@sasi: Oje das tönt würklech nid so agnähm bi dir gsundheitlech! Isches vielech o no chli d Ufregig? Und hesch scho mau dini Schilddrüesewärt la kontrolliere? I gloub die chöi ähnlechi Symptom mache... aber sicher geits dr mitem Ise gli besser. Heisi de en Ahnig, vo wo as z Wasser ide Bei chunnt? Wünsche dr baudigi Besserig und dasses ganz schnäu verbi geit!
I chäm im Fau gärn mau uf Winti! Isch zwar nid ume Egge vo mir, aber die Lädeli würde mi aso no gluschte. Bi nur nid sicher, obi no Zit finde vor mim Hochzit

@Jo-Ann: Wiukomme bi üs und das tönt u schön wie dir für euchi Eltere planet, mega härzig!

@Nala: Hesch di Prüefigsmarathon verbi? Wie isch gange? I hoffe itz hesch ou wieder meh Zit für d Hochzitsvorbereitige und ds Forum

@me: Bi üs loufts und loufts... Mir hei am Zistig ds Träffe mitem Pfarrer gha und es isch eifach super gsi. Ig kenne ihn ja scho guet, aber er machts eifach super. Zersch heimer mau no dr Fuessbaumatch fertig gluegt (hei ja womer dr Termin hei abgmacht nid gwüsst, dass d CH denn spiut ). Mir füehle üs ämu beidi sehr wou mit däm Pfarrer und si überzügt, dass ärs super wird mache.

Am Fritig isch üse Moscato glieferet worde und i ha mini Probefrisur und Makeup ga (Fotos uf FB). Sie machts ächt super. I gloub das chunnt guet. Am Wuchenänd heimer de aui Tischchärtli und Tischnümmerli bastlet und GG het no Schiudli für aui Gwürz mit de Zuetate gmacht. Itz fäut de no e Tischplan und Liederheftli und d Freudetränen-Nastüechli. Mues eh mau wieder üsi to-do-Liste aluege wasmer aus no chönnte vergässe... ha sone chli Liste ufem Iphone aber die usfüehrlechi ufem PC... Hei die Brütli wo scho ghürate hei aube o Angst gha, sie vergässe öpis?

Üsi Ringe si graviert und mir gö se am 26. Juli ga abhole. Hui, de wirdi gad e chli kribbelig weni dra dänke!
Am Donnstig weimer no id Stadt ga Wy degustiere und bsteue fürs Hochzit. Mir bringe ne ja säuber mit und sötte nis mau no drum tue...

Öper het mau no gfragt nach Playlists vo dene wo scho ghürate hei, da hätti auso o no Inträsse!

So das wärs gloub vo mir... vrsueche wieder chli fliessiger inezluege und zschriebe und hoffe es isch ab u zue o no öper drbi