Hallo zäme!

Aso i finges o super we di verhüratete Brütlis no mitmische.. Dir heit üs ja sicher immerno tolli Tipps und sicherlech o Fröd z läse was die angere u no nid verhüratete Brütlis no so mache / bruche ect. :-)
Was mi z.B. wungernimmt - giz Sache, wo dir im Nachhinein anders oder gar nid würdet mache? Odr öppis woder gmacht hättet?

Teaboyana
Ha gad müesse schmunzle wo du hesch gschribe wägem Pouterabe. Das isch nämlech o eine vo mine Bedingige gsi :-) i wot ke Sch**** verchoufe :-) hahaha

Laprincipessa
D Fotos uf FB si ächt mega schön! Ä wundervoui, schöni Brut!! U itz fröiemi natürlech mega uf di Bricht :-)

Me
Bi hüt im Bluemegschäft gsi, bi ga luege für Brut- und Wurfstruss am chirchleche Hochzit und füre chliner Struss am Zivile. Mi würd mau wungernä, wi da öich Erfahrige si gsi??? Ig ha ihre Föteli ufem Natel zeigt winimer so chli vorsteue (chli wiss,chli grüen, mehreri rosa/pink tön, mehreri arte vo rose, deu no chli zue, grossi u chlini...) u ja, das isches itz... (???) si het d bstellig ufgno und no gfragt wenn asmers chöme cho hole. Gseh dueni di Strüss aso ersch vorder Chiuche? Und muessmi eifach druf verla aser so wird winimer das vorsteue?? Di Blueme sige drum itz jo nid auii Saison, resp si bsteue d Blueme ja immer wüchentlech oder so. Da gits ja "Probestruss" :-)

Wi heit dir das gmacht??

Liebs Grüessli aune!

Guetä Mooorge ihr liebä

ich melde mich au widermol do im Forum. han im Moment recht viel um d ohre im gschäft und chume drum eifach nöd dezue zum gross mitschriiibe.

@schagge: wäg dä blueme isches glaub tatsächlich so, das mers erst denn am hochziit selber gseht. ha aber au scho ghört das öppert en probestruss bstellt het. dä kostet aber denn natürli au wider. ich selber han eigentli es guets gfühl bi minere Floristin. und mir hend au ä Offerte becho, da findi vilicht no wichtig. han aber grad am hochziit woni gsi bin am samstig no öppis gseh wo mir au wür gfalle und glaub nochli günstiger wär als da wo ich offeriert becho han. mue denn eh nomol verbii zum alles definitiv bstelle..denn frogi denn grad obs das au so chöntet mache :-).

schöns tägli wünschi eu
fanny

Sorry ihr Liebe, das ich mich im Moment ned so viel melde, aber es isch grad soo viel suscht los und bin eigentlich au grad uu froh, dass das Thema Hochzyt mal chli in Hindergrund rückt. Ich lis scho no da mit und uf FB hani natürlich uuu freud a üchne Föteli und freu mi über üchi Bastelsache und Bstellige und chan au biz meh kommentiere.
Mir sind immer no ganz ungeduldig am warte uf d Föteli und sobalds den da sind, weti sofort d Dankeschärtli mache. Mir hend bi zwei Hochzyte s Dankeschärtli erst 6 Mönet spöter becho, ich find das zimlich unagmesse. Isch mer ja scho klar, dases ned grad e Wuche spöter chunt weg de Föteli und so. Aber bi üs sind d Lüt soo herzig und grosszügig gsi, da weti so schnell wie möglich Danke säge.
Und suscht bini fliessig uf Jobsuechi, aber han leider no kei Zuesag becho. Ich glaub ich muess mich langsam mit em Gedanke abfinde, dasi ab em August arbetslos bin das beschäftigt mi im Moment scho zimlich. Ich meine was mach ich den im August? Eifach nur dihei hänge? Ich wür mich den so nutzlos fühle. Naja und finanziell wärs natürlich scho au guet, weni e Stell het... Sorry, ich weiss het nix mit Hochzyt z tue, beschäftigt mi halt eifach grad
So und jetzt muesi wieder schaffe, mini Nachfolgerin het agfange und ich mues si de ganz Monet ischaffe, schiesst mi zimli a...

huhu :)

lilian: isch egal wohi eifach bade :)
last minute sind immer no tür. glaub mir mönd e wuche devor luege :)
hoplla grad chli öpis gange bi oi. weg dem zoll isch es scho nervig. mini kiosk frau hät ebe au gmeint, i de ferie merkts mer me, wil die stundente doch gnauer lkueged. mini täsche für mini ladies sind am 2.7 cho afig,. toll oder...und denn no 24.50 druf weg zoll, und ich bruchs nid mal me.

schagge: ich han min struss gar nid gse und er het mini erwartige übertroffe !

lula: huhu :) schön gahts eu guet

broncos: uh mischt wegem job. wetsch go nanny spile :) de hesch beschäftigung haha :)
ja find 6 mönet vill zlang. hemmer au gha bim einte hohzit. mir macheds öpe au gli.

me: min bricht isch online :) bi nid so de brichtli schriber, aber hoffe hend glich freud dra :)

http://www.heiraten.ch/forum/board/versc...5_248_5.html#49

Liebi Brüütlis

Brucht ächt öper vo eui no öpis us mim Fundus fürs Hochzyt? Ich wett langsam Ornig mache und han jetz ussortiert wasi würkli nümm bruche.

han jetzt no:
50 Metallherzen (Namenstäfelchenhalter) in schwarz
schmaler Glitzergürtel mit ivoryfarbenem Band (ungebraucht)
60 Weddingwands Vintage (ungebraucht)
17 zartgelbe Luftballons
22 graue Luftballons
3-reihige Perlenkette ivory (ungebraucht)
Glitzerhaarreif (ungebraucht)
Tischnummernhalter Vintagestyle graues Holz
Kleiner Schieferbehälter (zb als Aufbewahrung für Freudentränentaschentücher)
weisse Satinballerinas in 40 (sehr klein geschnitten!!ungebraucht)
ivory Satinpumps in 40 (sehr klein geschnitten!!ungebraucht)
Armband aus ivoryfarbenem Grossgrainband mit Perlen (ungebraucht)
Gürtel aus champagnerfarbenem Grossgrainband mit Perlen (ungebraucht)
3 Haarblumen ivory mit Glitzer (ungebraucht)
2 Haarblumen naturweiss (ungebraucht)
2 Haarblumen klein in weiss (ungebraucht)
1 Kleid in Gr. 38, bis Mitte Wade in mind, One-Shoulder (neu)
1 Kleid in Gr. 38, Knielang, aquafarben, Seidenchiffon, mit V-Ausschnitt und kurzen Ärmeln
1 Kleid in Gr. 38, Knielang, champagner, Seidenchiffon, mit V-Ausschnitt und kurzen Ärmeln

Ich freu mich wänn ich öperem öpis chan geh und wett au nöd wahnwitzigi Prise verlange. Falls öper Interässe het eifach per PN mälde.
PS: vode meiste Sache hani Bildli uf mim Thread:
http://www.heiraten.ch/forum/board/ich-s...e-10_623_1.html
http://www.heiraten.ch/forum/board/ich-s...e-10_623_4.html

LG
weddingbee85

Hallo zäme

So, ech ben ou weder mol do. jetze sind jo scho ganz vell ghürote vom Forum! :-) wie fühleter üch so? e has jo no vormer...
do alli chli gseit heigi dass ned so vell louft im Forum, hani dänkt e gibnech weder mol es update.

d zivile Hemer jetze nöchst Woche und s kirchliche hochziit Hemer am 4. Oktober. es goht aso nochli! :-)
do hani es tolls chleid gfonde vo Phase Eight.... :-) do freumi wörkli. Frisur und Make up machi sälber und go ässe gömer id sunne uf eich - schön am See. trauuig esch dene idr Johanniterkommende in Reiden. Mer si die einzige adäm tag :-)

e ha ou en Homepage: www.ich-und-du.ch s Passwort gibinech gärn per PN.

e ha jo no ganz lang nachere Fotografin gsuech, und e ha denne im Früehlig scho en ganz en tolli gfonde.
anjaschneemann.com
si chunt äxtra vo düütschland, aber es Emmer no günstiger als öpper usder Schwiiz...ha wörkli mega freud und freumi extrem!

mer bruche no för üses Hochziit:
Tanzkurs?
Musik am Abend... Band? DJ? nur Hintergrundmusik?
Deko fertig besprechen und kaufen
Reifrock, Schuhe...
Coiffure!!! Scheisse, dä hani wörklech noni....
Menukarte
Tisch-Nameskärtli
Namenskärtli
ringkissen
Deko Kirche
Deko Apero
Torte besprechen
Getränke am Apero ==> wie viel hend ehr do brucht??
treffen mit Pfarrer
Treffen mit Aperocatering
notfallchörbli machen
Nastüechli mache

för alli wo ehres hochziit scho gha hei und ehri Sache wei vermiete oder verchoufe. e sueche no folgendi Sache:
Diadem
brautschuhe (39-40)
Schirm
diverse dekogegenstände

hett öpper no so torteglockene us glas? aso so huubene? mer wette gärn idie ine d Decko mache met Sukkulente und alte Büecher und Schlüssle und so.

Falls öpper no günstige Wii brucht zum sälber metnä, hätti e gueti adrässe. eifach mälde...

mer hei letscht Woche d aperoiladige versändet. denne Hemer voredra jewiils dr Name adrässiert und wenn dr Partner ou iglade gse esch, Hemer dr Partner ou ufgschrebe. jetze hei mega vell gseit si chäme denne metem Partner, obwohl mer dä eigentlech gar ned iglade hei. jetze beni mega verunsicheret, ebme dä EMMER metiladet...
e wächsle äbe im August dr Job und due drum s alte und s neue gschäft ilade. bim alte gschäft hani aber nur die wichtige lüüt iglade (sind ca 12). aber ohni Partner, welli die zum teil jo gar ned könne... esch das sooo doof? oder machtme das ned? wie heit ehr das so gmacht?
ou en kollegin (ehemaligi arbetskollegin) hett de gseit si chämi gärn metem frönd, obwohl i dä gar ned kenne... be gspannt uf üchi ischätzige... ha wörkli s gfühl e mach das grad falsch!
dene im gschäft hani dene gseit gha, dasses ohni Partner esch. wöu mer wette ou ned 300 lüüt am hochziit und eifach ou lüüt womer ou kenne.... esch das ok?

e wünsche üch ganz en schöne nomi.....