Hey bibi

phase eight? Wuhuuuu! Ich ha a mim zivile es chleid vo det agha und mis gotti a eusem kirchliche. Mis ish leider biz kaputt. De sidestoff ish sooooo fiin. Mun mers nomal chli aluege.

ich ha en dekogägeständverkaufsthread offe. Faras marktschreierthread heisst er. Bis uf d waag ish no nüt vergeh (und die gaht ane 15ner bruut, ev liessi sich was mache). Öper hetti d vase welle, aber das klappet ez nüme.

Alti büecher hettemer au. Die mussi aber no fotografiere. Das gächt erst ändi monet. Es paar (di grosse) gseht mer au uf min picasa album. Und di chline... hmm... ev es paar uf de fotis vo de fotografin.
Mäld di doch, falls grundsätzlich inträsse hetsh.

glg doro

@nala: wägem tote hosem bi mir häts glaub sho demit z tue, dass mis eigete hochsig verbii ish. Trotzdem findi eu mega kuuli fraue und bi drum doch öpe no chli da. Luege au, öbi ev as winti-träffe gang. Ha eu bis jetzt immer verpasst. Sheiss chrankheit.
Anderersiits hani ebe kä facebook und chum drum di meiste föteli nüme mitüber, wasi halt chli shad find.

aber ich bin uf pinterest? Wer sust no? Dene woni gfunde und identifiziert han, folgi mittlerwiile.

glg fara

nicht registriert

Guuuätä Moorge mitenand <3

Bibi: Da ischs scho chlii schräg, tüänd gad so viiel ihren Partner au no mitneh ans Apéro. Wenn's nu es paar wenig wäret, ja denn wärs was andersch. I glaub, iihr hend gar nixx falsch gmacht. Isch doch offesichtlich an wär d'Iladig wär... Wiie viiel Lüüt meh wärets denn? Eventuell störts ja nöd. Und sus am beste, mit allnä persönlich rede und erkläre werum. I überleg gad, wenn iich an en Apéro iiglade wär, würd ii mii GG au mitneh... Aber irgendwiiä kenn iich's au nur so...

Lil.lian: So guät chan eui Band voll uf eui Bedürfnis iigoh! So iisch doch alles perfekt greglet! Ich fiind dä Priis gad no happig Zwar nöd für ä Person, aber im gsamte isch denn scho grad ä Sümmli. Da muä diir d'Musik also scho guät gfalle!
Uns hends ja niie en Priis gsaiit, ii bii denn gspannt was denn schlussendlich wönd...
Perfekt iisch dii Maa fündig worde! So guät iisch es eiifach so passiert und ohni Stress

Taeboyana: Biisch gad voll im Schuss. So schön, wenn's lauft!! Also ii ha definitiv schiss, dass ii was vergesse han! Aber iim Moment han ii s'Gfühl "Jetzt isch au z'spot!"

Schagge: s'Bluämägschäft, wo mir uns defür entschiide hend, iisch eiifach genial. Am Abig sind mir zumene Apéröli iiglade und dörfet all unseri Bluämä bestuune. Wenn uns öpis nöd ganz passt, chönts es no ändere. Denn darf ii dä Struus scho am Tag vorher mit Haii näh. Dä isch imene spezielle Halterig, dass d'Bluämä gnuäg Wasser bechömet. So muän ii dem Gschäft nöd blind vertraue, sondern sii wönd sogar, dass miir bii dä Gstaltig mitredet. Da alles het defür siin Priis
Bii dä anderne Offerte hettet mir au "blind" vertraue müässä. Aber ii glaub, seb iisch au s'normale. Het uns us anderne Gründ nöd passt....

Broncos: Tuät miir sehr leiid für diich! I kenne dä Stress vom Bewerbe gad uuh guät. Ich denke an diich und drucke diir Duume, dass bald öpis passends findsch!

Nala: Gratuliiärä zur leschte Prüäfig! Jetzt cha s'Ferii-Lebe los goh!

Me:
Also Zügle iisch scho ä büätz. Werum tuät meh siich das aah? Miir sind diiä ganz Wuche na dra am ruume und versorge und und und. Und da miir na chlii z'SG bliibet, damit s'Hochziit eiifacher vorbereiitet werde chan, siind mir ewigs am hii- und herfahre! Aber gester sind mir dank am GG's Papi recht wiit cho. Hend d'Lampe und alli Möbel dobe. Jetzt muä nur no dä doof Karton entsorgt werde & chlii gsuuget. Aber genau hüt hend mir kaii Auto... Weiisch wiiä gurkt miich das aah?!

Ich han s'Mail becho, was ii am Polteri bruuche. Es tönt so unspektakulär: Geld, Badsache und für dä Abig ä Hose & äs T-Shirt... Miin erst Gedanke iisch gsii: Wiie wott meh in Hose & T-Shirt festä?! Aber mini Schwöster siicheret miir zuä, dass lässig wiird. Und iihrem Wort vertrau ii bitz meh, aber gliich... Sii het gsaiit, im Notfall gönd miir denn eiifach nach em offizielle Schluss zweiite wiiter

Bis zum 19te müänd mir no es paar Schildli für diiä reservierte Bänk für d'Familie ha. Hend iihr sowas gha? Und ebe Playlist, wo ii doch sehr uf diie morgig Nachricht vo dä Littlefoot hoffe
Und denn müänd miir nochlii tanzä üebe und eiigentli, sött ii mii brüüne laah. Aber wiiä got das bloss ohni Sunne?

Ganz liiebe Grüäss
squishy

Guete morge zämme!
Haaach es isch sooo schön mol widr frei zha, i gniess grad richtig mi kopf z entleere

Bibi: welcome back, isch einiges glofe bi dir :)
Aso wäg de iladige, die partnerdiskussion hän glaub alli.
I bi dr meinig wen mehs ganze team vom gschäft iladet mues meh sichr nid no jedem sim partner drzue näh, die kenne sich jo und sin sichr nid ellei.
Bi aperogäst bi ich und gg chli uneinig gsi, i finds ok wen meh de partner nid kennt dä nid izlade, gg seit är würd nid ohni mi ane hochzyt welle go au wens nur apero isch. Mir hän dorum bi de meiste de partner mit iglade, abr i ha gseit wen mir beidi de partner no gar nie au nur gseh hän, gits kei iladig.
Bi de gladende gäst bini dr meinug ischs ok wen mr de partner mitbringt, hämr jetzt au so ghandhabt. Nur ei kolleg vom gg kunnt ohni fründin, mir kenne si au gar nid und är sälbr het sich für d hochzyt eigetli abgmolde und vor 3 wuche gseit är ka doch ko, de hani gseit mir froge erst gar nid nach de fründin, hihi susch muessi zviil am sitzplan umebastle

Fara: ebe i find zwar mega toll das mir e fb-gruppe hän, abr es sin jo dört nid alli drbi und bekömmd au nid alles den mit (gescht isch zB e mega cooli unf laaangi diskussion entstande, was e trem lustig gsi isch, dänk abr au das do inne au no paar öbis bizsrüre ka hätte )
I hoff eifach das de thread nid usstirbt, fänds mega schad! D 13er brütlids häns imrno so cool bi ihne, wünsch mir echli s gliche für unsere thread
Und susch gohts dr guet? Freu mi immr vo dir zläse!

Me: i gang nochhär de neui pass mit neuem name go mache und evtl no schnäll in ikea go d latärne poste. Am nomi woti den e detaillierti todo liste mache und afoh abarbeite! I freu mi sehr uf die letschti vorbereitigsphase wo hüt startet

Wie wärs miteme Countdown?

2 Dusty
9 squishy-fishy
22 nala05
23 FrauNussbaum
23 mystera
30 Sue87
30 FringillaVigo
30 Latiffa
37 Taeboyana
51 LaMariee
51 lil.lian
58 ninam
58 tamarabisig
58 Sep 14
65 Pfloeckli13
72 Helleborus
72 Trindli84
93 Sunds
100 mafage

nicht registriert

Nala: I weiss genau, dass ii miir viiiel z'viiel Sorge machä! Aber ii ha dä Abstellknopf nonig gfunde. I denk miir eiifach immer, was isch wenn's ned läss wiird? Cha jo nöd eiifach dervo laufe oder dä ganz Tag ä Lästsch ziieh

Littlefoot: Miir hend au an d'Smartbox denkt. Will miir hend ja nu scho Schwierigkeiite zum uns Treffe zum Bespreche oder Tanze. Und denn no all mitenand än Usflug, ii glaub wär eher no en Druck als ä Froiid... Und bii dä Smartbox chönts freii selber wähle...
I has gad gmerkt wegem Postfach. Er sött mittlerwiile scho chlii leerer sii. Black Musik? Gothic??

Lilian: Yess, soon I am on the top!!!