Broncos
Oh das duet mer voll leid wegem Job!! Isch klar, dass dich das voll beschäftigt!! Druck der ganz fest de Dumme, dass so schnell wie möglich öbis findsch!

Littlefoot
Oh das isch aber fies mit de Post, dass im Summer meh Ziit händ.. Ich söt ja no zwei vom Usland becho. Mal gucken..

Sasileu
Joah hänk doch no de Doodle a..
Händer eigendli d’Alcatraz Tickets scho bstellt? Will jez gahts ja zum bstelle.. Wie isch s’Treffe mit em Pfarrer gsi?

Bibi
Bi eu lauft aso au einiges..
Aso mier händ jeze im Gschäft mit Partner iglade, wills eh nöd so vill Lüt sind. Abr ich finds voll ok wenn iher nur d’Lüt (d’Arbetsgspändli) sälber iladed. Ich meine sie känned sich dänn ja gegesiitig und vo däm här isch es ja kes Problem.
Ei Kollegin wo ich eigendli ällei iglade han hät jeze au neu en Fründ und dänn hät sie gschriebe: sie und de xx chämted, ahja ischs eigendli ok wenn en mitnimme? Zersch hani au gad chli leer gschluckt, abr schlussendli findis ok wenn sie szweite chömed. Schliesslich kännt sie au fascht niemert, nu no mini Schwöster..

Squishy
De Pfarrer hät bi eus gseit, er wür eigendli nöd reserviere i de Chile, die meiste hocked eh nöd füre und es wird eigendli immer respektiert, dass d’Familie vorne hockt.. Drum hämer dänkt mier lönds..
Wünsch der en schöne Polteri! Das klappet sicher :)

Nala
Hihi du lihsch no im Bett?? UFSTAH SOFORT!! :)
Vill Spass bim Passbüro und bim pöstele..

Countdown
Joah Ziit lauft unglaublich.. Ich han doch mal sooo vill Ziit no gha und de August isch no sooo wiit äwäg gsi . Schlecht stömer ja eigendli nöd i de Planig, abr glich :) Froi mi glich wenns ändli so wiit isch..

sodeli de neui pass und id isch gmacht, in ikea hani de doch kei lust meh ka.. evtl morn
drfür simer no go poste und hän e grosse wiisse schirm, playmobil as gschänk für bluememeitli und ringträger (fürs meitli hets grad so e playmobil-hochzyts set gäh), e chetteli-vrlängerig so dass i mi geburtschetteli ums fuessgläck as mi something old ka näh, de fernuslöser für d photobooth, und schöni flachi schachtle für d nastiechli für d eltere kauft. au nid schlächt oder? :)

d to-do liste isch au erstellt:
candybar süssigkeiten kaufen
Ringkissen nähen
Sitzplan basteln
Programmfächer drucken/basteln
Gästebuch bestellen !!!
Photobooth hintergrund basteln
menükarten drucken
Playlist erstellen
Filme für Kinder au ipads laden
Candybargläser abholen
Blumen end-besprechung (evtl noch mehr vasen besorgen)
Limoncello fertigmachen
Wohnung putzen
Kosmetik & Coiffeur Braut
Coiffeur Bräutigam
Laternen kaufen plus Blumen für rein
Infos an locations weitergeben

hmm scho no viil, aber s meiste nurno kleinigkeite, dänki ^^

@all: mini schwöster fändi en cards-käfig cool, ez bini irgendwie au uf e gschmack ko.. het öper ein zum uslehne oder so??

Hallihallo ihr Liebe!

Zerstmol danke tusigmol för all öichi liebe glöckwönsch! Förs mitfiebere vor de trauig (han alles no gläse aber natürli kei zyt zum öbis schribe gha) und förs bäte för s’guete wätter ;) Ihr findet unter dem link (damiti öich ned vollspame hani au ändli no en eigne thread ufdo woni dänn au mini sache woni wet verchaufe poste – uf fb duenis sowiso..) min usführliche bricht vo öisere perfekte traumhochzyt 

http://www.heiraten.ch/forum/board/versc...e-3-15_253.html

@lamariee: wie chumi zo dim thread??

@malinchen: oohhh ändli hani au no din bricht chönne läse!! So toll ächt han bim läse s’gfühl gha ich bin debi gsi  du schribsch so mega spannend und witzig! Dönt nachem perfekte hochzyt 

@sue: oh do lauft grad chli öbis bi dir! =)

@squishy: uiuiu dönt nach drunter und dröbert bi dir! Hoffe dass sich wie bi mir au alles no bitz leit! Wenn isch din polterobig jetzt de samstig? Dröck dir fest de dume aber wird sicher super!! Uiuiu am zügle bisch jo au no du armi aiaiai zügle isch en riise kack uf dütsch gseit :p ich han i mim läbe scho öber 20x züglet weiss vo wasi rede hehe :p

@sasileu: hmm mega doof wäg de stötzstrümpf und dassd di ned fit fühlsch – gohts dir inzwösche besser?

@schagge: danke vilmol!! =) ich han en prototyp för s’gsteck becho und bin mega froh gsi drum!! So hani mirs voll chönne vorstelle… wiso wänder dänn kei namenschärtli?

@nala: yeeah prüefige dure! =) jetzt chasch di no meh ufs HZ fröie! =)) han grad no din bricht vom zivile gläse! Dönt nach emene super tag genau wieds dir gwönscht häsch! =) und nomol: du häsch hammer usgseh! =) han di im bricht 2,3 mol erwähnt ;) chasch di ächt sooowas vo ufs montana fröie!! ;) wennd froge häsch chasch jetzt alles froge ;)) dich erwartet no 2,3 mega tolli öberraschige aber die hani extra nienets erwähnt, damits bi dir au so toll wird wie bi öis ;)))

@bibi: en schöne schirm hetti woni witerverchaufe – due dänn alles poste no demnächst  wäge de aperoiladige: grad bim gschäft findi also au, die sölet ohni partner cho – sprengt sust de rahme.. söt doch klar si ned? Nur öber häds bi öis au falsch verstande naja…

@fara: und wennd di im FB amäldisch eifach unter fara ohni foti und so zum eifach i öisere gruppe mitzschribe? =) findes ebe ehrlichgseit fast bitz cooler als do will so vil eifach goht zum fotis poste und so und mers grad gseht! eifach als idee 

@hussene: jo das isch sone sach gsi ächt voll denäbe… hani grad no meh müeh gha wie d’WM witergagne isch….. no comment ächt.. wenigstens bini die dinger grad wider los… s’hermitage hädmer d’hussene grad abkauft (ich dubeli han de gönstigi priis verrote es riiise schnäppli gsi und dänn erst no so schön glettet vo minere liebe TZ :p) aber so sindmer si grad los und händ nüt meh demit z’tue gha..

Guetnaaacht allersits! =)))

guete morge ihr liebe

Sasileu
Hesch es foti vo dine schueh??;O) und vo öine namenstäfeli? Härzig dass di GG gad so im Bastel-fieber isch;O)

Nala
Schön hesch prüefige düre;O) uiuiui ize geits nüme lang?? Ou härzig es playmobil-hochzitsset da het si sicher fröid!!

Bibi77
Getränke am Apero bstelle mir bide Landi. Dete chame so viel bstelle wieme wott und de reschte chöme si wider cho hole und me zahlt nume das wo isch brucht worde;O)falls du dekogägestend wettisch miete chasch gern mau go luege bi www.dekotella.ch ;O) die page isch no im Aufbau aber e fründin und i biete sache a;O)

Squishy
Ou du das gloubi – zügle git sooooo viu z tüe….schön siter gad chli vorwärts cho !wenn hesch de polterabig ?? morn ??;O)

Lil.lian
Iiih die zit rast ??!! und scho bini ou unter eim monat da wirdi gad nervös weni de countdown gseh;O)

Littlefoot
I fändi e trip alli zäme ou fasch cooler. Mir hei zum zivile vo 2ne lüt e smartbox becho und hei bis ize no nüt würkli schlaus drus gfunde zum mache…

Schagge
I würdi ize äuä zum bispil es holz oder karton i der U – Form usschnide und nere zB uf holzkläm-merli d Näme vode Gescht ufschribe und ner d Klämmerli i dere Reihefold ads Holz/Karton kläm-merle wie si de söue sitze?;O)

Pfingstrose
I gah gad go luege d fotis juhui;O)

Me
Bi üs isches voll am loufe momentan…mir hei ize gad alli hotels und bungalows buechet für üsi flitterwuche da mir 5 persone si wage mers nid vor Ort z luege da mir immer 3 Bungalows bruche;O) ner morn gangi bim Coiffure go d Spitze schnide und am Nami heimer no di letschti Be-sprechig mitem Pfarrer.
Üsi aktuelli to do – Liste
-sitzordnung auf altes Fenster schreiben
-Getränkekarten machen
-Kirchenhefter falten
-Detailierte Tagesplanung
-Schmuck/Accessoire braut?!
-Schuhe Braut?!
-Deko Apérolocation
-Besprechung Blumen
-Playlist erstellen
-Welcomeschild auf Tafel schreiben
-Geschenke Helfer organisieren

Dandi, ab so vielene Kompliment bini gad platt! Ich bin nurno am smile will ich mich fühle wie a dem Tag! Gahts eu 2013 Brüt au es Jahr spöter no so mit eune Fotis?

Pfingstrose, jööö so härzig. Gäu es esch es wunderschöns Gfühl wenn me cha d'Hochzitsföteli aluege? Mir gohts aso au immer no so. Ha grad chürzlich dänkt, dasi jetz de wieder mou mit mim Ma möcht eusers Video luege. Nur er und ich. Das esch scho sehr speziell!