Nala
Hihi dänn häsch ja trozdem no es paar Sache chöne erledige gester.. Hüt gömer wahrschindli dänn au no schnell in Ikea nach em schaffe :) Bruched no Chärzligleser und ich lauf natürli gern zunderst dure bi de Deko-Sache.
Miteme Cards-Käfig chani nöd hälfe. D’Janedoe hät eis gha? Häsch sie scho mal gfräget?

Fara
Das wo d‘laprincipessa gschriebe hät wegem Facebook hani au no wölle schriebe.. Chasch der ja es “Fake-Profil“ zuetueh. Dänn chöntisch eifach alles vo dere Gruppe gseh..

Schagge
Das isch würkli no schwierig mit em Tisch. Du müsstischs ja dänn das Ganze i einzelni Teil chöne unterteile. Was spricht dänn gege Nameschärtli? Ich dänk andersch gahts fascht nöd?
Ussert eu ischs grundsätzlich würkli glich wär wo hockt. Den würi vilicht eifach “die wichtige Plätz“ aschriebe, wie iher zwei, TZ, Eltere oder wer au immer und de Rest chan den würkli det hii hocke wos wännd.

Laprincipessa
Ah isch doch super häsch d’Hussene gad weg bracht.. Häsch nöd no chli Geld dämit gmacht?

Pfinsti
HAMMER HAMMER HAMMER :) Has ja scho gschriebe, aber sie sind würkli wunderschön! Das glaubi, dass de Tag grad nomol erlebsch mit dänä Fotene.

Sue
Isch nüme vill zum tue bi dier. Häsch no kei Schueh? Wie bisch den go abstecke?

Me
Bi mier gids gad nöd vill go verzelle.. Am Weekend gömer no chli go pöstele (Ikea und nomol wege Schueh & Schmuck go luege) und dänn baaastle..
Wünsch eu en schöne Friitig und es schöns Weekend!

Ohhh Pfingstrose, bin natürli au grad go luege... eifach traumhaft hender usgseh und so glücklich! Echt wunderschöni Föteli!

Und ja... mir gahts nachemene Jahr immerno so, luege euses Fotialbum/Video uu gern a und schwärme jedes Mal, s isch eifach sonen unglaublich schöne Tag gsi und bin würkli froh hemmer die spezielle Moment in Föteli festghalte :)

Lil.lian
i bi mit flache Schueh go abstecke... ha eigentlich high heels scho lang kouft aber da ig sit 4 wuche rückeweh ha hani ner dänkt de gahni lieber uf nummer sicher und nime flachi.
und findes no schwirig schöni flachi schueh z finde wo zumne brutkleid passe

Hey, die sind sogar um meh als 100 CHF abegsetzt... Sind in wiis/silber aber s gliche Modell. http://www.navyboot.com/shop/en/sandalen-9288-100.html

Bi zwar scho chli hindedri, aber gibe mi Senf jetz glich ou no drzue:

@broncos: Mini Dume si drückt!!! Villicht findsch no öpis! Es git alles... Ä Jugendlichi woni begleite im Job het vor paar Täg no ä Lehrstell gfunde für im August, also es passiere immer wieder Wunder. Und süsch eifach dr Chopf nid lah hange und zueversichtlech blibe! D Zyt so guet wie müglech nutze mit Sache wo de süsch im Alltag zweni Zyt hesch und ufpasse dass de d Tagesstruktur nid verlürsch...

@bibi: I finde dir machet das richtig! Mir hei ou nur Lüt iglade wo mir kennä. GG het bi sine Gschäftspartner d Familie ou iglade, die hani alli no nie gseh gha. Aber er het guetä Kontakt zu ihne und mir wäre ou scho bi ihne zu Geburifeschtli u so iglade gsi, hei aber de nid chönne gah. Drum hanis ok gfunde. Aber süsch hei mir ou Lüt ohni Partner iglade und es het niemer so reagiert... Finde du chasch denä guet sägä, dass es nid so dänkt isch. We sie nid allei wöi cho, zwingt sie ja niemer.

@schagge: I ha ou kei Probestruss bstellt. Ha eifach mal druf vertrout dass sies guet mache und es isch när ou würklech super usecho. Mini Floristin het dr Struss scho am Fritig gmacht und ne när scho zu üs bracht, damit mir ne nid no am Morge hei müesse ga hole. Am Nami het sie mir es Bildli gsmst und de hätti ihre no chönne alüte falls es mir gaaar nid passt hät oder so...

@squishy: Di Polteri wird sicher cool... Und süsch machsches wie dini Schwöster het vorgschlage und geisch eifach de no uf eigni Fust ga feschtä!
Wäge de Chillebänk: I ha zersch ou no so härzigi Schilder wöue mache, ha das när aber zytlech nümme gschafft und eifach de TZ gseit, ob sie de chli chönne luege. Es het när super funktioniert und d Lüt si wie scho gseit worde isch eher zwit hinde häre ghockt. Aber wöu üsi Chille so chlii gsi isch hets när de scho ufgfüllt... Wenn aber eher z viel Platz wär gsi, hätts när ä Lücke gha ir Mitti, das hätti de schaad gfunde. Vo däm här wärs villicht wieder sinnvoll wenn sie wüsse ab wo dass d Bänk "frei" si?

@sue: Hmm, schwierig wägä de Schueh! I ha mini Flip-Flops vo da gha: http://www.impressionen.ch/shop/s//mode/...?sortScore=desc

@me: Bi mir gits nix nöis... Dankeschärtli chöi mir ersch mache wenn mir d Föteli hei und bi wie d Broncos ou gad chli froh mal wieder chli "nid-Hochzytssache" ds mache...

Hui da inne geits ja wieder mau ab, so cool!

@Nala: So cool, sicher es Hammer Gfüu jetz nach de Prüefige!! Viu Spass und Erfoug im Ändspurt!

@Squishy: Hui du geit nümme lang! Bisch scho närvös? Das chunnt guet mitem Zügle, isch jedes Mau e riese Chrampf u glich schafft mes immer und es lohnt sech! Die 1. gmeinsami Wohnig isch so ufregend het mi dünkt.
I bi ou sicher di Polterabe wird super. D Packliste mues gar nüt bedüte. I bi sicher i mues d Heufti nur alibimässig ipacke I bi richtig närvös fasch aber freue mi ou wahnsinnig uf au die Froue!

@Pfingsti: Wow wow wow Soooooooooooooooooooooooooooooooooooooooooooooo schön, eifach aus!! D Andrea isch ächt Goud Wärt. Die Fotos si eifach e wunderschöni Erinnerig und i ha säuber bim aluege gad es Kribbele becho, me het gad zGfüu me sig drbi. Dim GG sis Outfit isch ou dr Hammer gsi!

@Sue: Bi dir gsehts ja super us mit dr To-do-Liste. Wie geits dim Rügge? De würdi ou eher flachi Schueh näh. Im Momänt gits doch no viu schöni, flachi Sandale, z.T. écru oder o goudig i de Läde... I steue mir zwar Schueh mit chli Absatz o schöner vor, aber meh wäg dr Hautig wo sie mache. Mini hei nur e chline.

@Principessa: Bi di Bricht ga läse und es isch dr Hammer wiede schriebsch. Me erläbts gad mit!! Hui da hets ja no paar Zwüschefäu gä, aber wie du seisch am Schluss isches glich perfekt gsi, freut mi sooooo für euch!

So jetz no mini To-Do-Lischte :

- Wy bsteue
- bim Resti Fisch- und Vegi-Alternativene düregäh
- Übersetzerin änglisch für d Aussies bir Trouig organisiere (ha scho e Kollegin agfragt wo o gad d Tochter isch vo üsem Pfarrer )
- no 4 Bluemegfässli für Tischdeko bsorge (süsch hätt aber d Floristin o no)
- Sitzordnig und Willkomenschalkboard mache
- Dekochugele fertig güfele
- Freudeträne-Nastüechli bastle
- Liederheftli mache (nüt Ufwändigs)
- Schirm und Strümpf bsteue
- Irichte und dekoriere am Vortag organisiere
- mit Schwägerin luege ob mit de Bluemechind aues klappet
- Pédicure-Termin veribare
- Wax-Termin veribare

Hm, isch gloub machbar i 4.5 Wuche oder was meinet dir...?