Principeassa: Au en perfekte Tag wies tönt! Es isch scho meeega cool das am Schluss sich alli glich fühled! Mega!!! Gnüsseds wiiterhin und danke fürs schriebe.
Taeboyana: Danke dir viel mal isch so lieb. Ja sie ich Gold wert und cool het sie no d Jasmin mitgno gha. Würklich meeega! Han ihre scho 1000 mal dankt! Haha! Ihr sind aber au guet im Endspurt isch doch mega. So viel isches nüme! Das schaffsch mit links... Und so zwei Wuche vor de Hochziit bisch nemlich plötzlich unufhaltbar und hesch Energie bis weisnöd wo hie! Die letschte Pünkt sind die coolste zum abhacke! Vorallem Waxe und Pedicure musch ja "nur" verbie gah und anesitze die beste Pünkt! Haha!
@Pfingsti: Merci das macht Muet Vergisse aber de mängisch paar Details ufzliste... oder o ganz wichtigi Pünkt, z.B: Cookies mache! Aber das hani i mim Kalender iplant zum Glück. Das gloubi dassme gäge Schluss no mega cha Gas gäh. Ig hoffe eifach, dassmer die wichtige organisatorische Sache und ou die meiste Bastusache scho chli vorhär fertig hei. Hihi und dr Pedicure-Termin hani vorhär o gad gmacht, scho wieder öpis zum abhäggle
Uf er Andrea ihri Föteli freui mi würklech ou scho riesig, no bevor sie gmacht si hihi... es chunnt eifach immer super use bi ihre!
So und langsam fahts ächt afa kribbele für mi Poltertag morn... Ig mues am 08.20 am Morge (hihi komischi Zit, sicher äxtra) bi mire TZ itrudle mitme packte Rucksack . Vo dene paar Froue woni weiss dass sie chöme (mir si gloub insgesamt 10 oder 11) hei aui gfunde, i chönn mi freue. Hoffentlech macht ou ds Wätter no mit, so wie's tönt simer o dusse! Bi sooooooo gspannt...
huhu zäme brüchti öpper no chli bastsache/ deco zügs ;) hätti diversi sache zum abgä....
diamante durchsichtig schmätterlinge voguchefig schleife für ah stueu dunkublau (35st.) usw bitte pn be ned immer do inne... de würdis de grad per mail schike...
Hooi liebi Mitbrüütli :) Ich han mich scho läänger nüme blicke lah da ine, chume eifach nie dezue :( Defür chunt ez mal na min Bricht :)! Phu bin irgendwie grad wieder nervös wenni mir alles so gnau namal dur de Chopf gha lahn :D
Ich han mir extra e Wuche vorem HZ frei gno zum endlich alles fertig z mache woni vorher nie dezue cho bin und was passiert, gnau abem erschte freie Tag bini chrank gsi! Das isch echt uu blöd gsi, es isch und isch nöd besser worde und us mim plan mit viel schlafe und trinke d wuche vorher isch nüd worde. Han denn all mini nöd so wichtige Termine abgseid und han wenigstens gnueg ziit gha zum alli Dekosache na vorzbereite Am Frietig Abig isches denn bitz besser gsi, eifach na Halsweh und chli schlapp aber besser! Min GG, mini Schwöster und ich sind denn am Fr Abig na zäme fein go ässe und nachher hend mir eus verabschiedet und mini Schwöster (TZ) und ich sind is Hotel. Mir hend beidi uuuu schlecht gschlafe will es isch u warm gsi i dem Zimmer und mer hend xxx Muggene gha Am Morge simer denn go Zmorge ässe aber hend beidi fascht nüd gässe willmer sucht au nie zmorge ässed und eifach kei Hunger gha hend. Denn hemer s Zimmer ufgrumt und mini Coiffeuse isch cho uf di halbi 10ni, e meega liebi. Sie het eus beidi gschminkt und frisiert und isch au bis am 7ni am Abig bliebe, bis nachem Shooting. Isch super gsi, sie het amigs chli chöne nahpudere und au grad d Gäst für ufd Fotene und isch super guet übere cho zum Glück. Am halbi 11i isch denn d Fotografin cho fürd Vorbereitgsfötteli. Komisch isch gsi, dass ich absolut gar nöd nervös gsi bin, scho die ganz Wuche nöd! Das passt gar nöd zu mir und han mi scho gfröget wo mini Gfühl abbliebe sind :D Mir sind denn u knapp fertig worde mit Style, hend am Schluss na chli en Stress gha und ich bin u schnell is Kleid gschloffe, han mi chum chöne aluege im Spiegel. Aber bin super zfriede gsi mit Make up und Frisur, alles so wiemers besproche gha hend. Denn am 1 simer abgholt worde, min Schatz het das organisiert und han nöd gwüsst was chunt, isch denn e meega schöni wiiisi Limousine gsi, mega kul. Mini Schwöster und ich sind iigstiege, hend na es Wasser trunke und sind pünktlich vorem halbi 2 vor de Chile acho. Im Auto hemer na witzli gmacht über d Gäst (hend paar däbii gha womer nöd gwüsst hend wies chunt will striit gsi isch zwüsched de einte familie) und paar Fotene vo eus. Und denn simer usgstiege und denn isches passiert, all mini Gfühl sind irgendwie mit voller Wucht zruggcho und ich han plötzlich nurna müesse brüehle! Isch soooo schräg gsi, vorher würklich tagelang gar nöd nervös und denn uf eimal päng. Mini Schwöster isch völlig überforderet gsi haha, sie het sich umtreit und gseht mich brüehle und isch gar nüme druscho und het nur ständig gseid ich sell d auge zuemache wägem make up :D. Denn isch de Pfarrer cho und mim GG sini TZ (sini Schwöster) und mir sind vor de Iigang gstande, ich han ständig wieder müesse brüehle, han mi nöd chöne erhole, bin plötzlich sooo nervös gsi und fertig mit de Nerve, echt komisch :). Denn het de Sänger afange singe und mini Träne sind scho wieder gflosse. Zerscht isch denn mim GG sini TZ iegloffe und denn mini. Ich hans nüme usghalte dusse und au endlich welle ielaufe aber de Pfarrer het ständig gseid ich muen na warte. Denn endlich hetter mir s Zeiche gmacht dassi chan ablaufe, mini Träne sind bitz tröchnet gsi. Doch chum lauf ich um de Egge hani wieder nüme chöne :D Ich han nieeemert dörfe aluege idä Chile, han nüd wahrgno, zerscht nöd mal min GG wo vorne staht, han eifach welle füre laufe. Hei die Fötteli, ei Grimasse woni gmacht han schlimmer als die ander :) Schiinbar hend uu viel lüüt grad au müesse brüehle wo ich so iecho bin, so luschtig. Denn woni vorne acho bin (bin schiinbar uu schnell gloffe) han ich min GG aglueget und er isch sooo nervös gsi und het nur gseid „wow“ und het mich aglueget. Und denn hetter so müesse lache woner gseh het das ich so fescht am brüehle bin und het mich küsst, und denn simer aneghocket. Mir sind mitem Rugge zudä Gäst ghocket, da bini u froh gsi drum, will so hend mir eifach eus gha und de Pfarrer vorne und hend eus voll uf das chöne konzentriere.
D Predigt isch eifach super gsi, mir hend so en lässige Pfarrer gha und er hets soo persönlich gmacht und u viel persönlichi Sache vo eus iibracht und u vielmal hend d lüüt müesse lache. Sogar alli nöd-Chilegänger hend gfunde wenns immer so wär würdets au eher id Chile :) Und euse Sänger und sin Pianist sind de Hammer gsi, wow het dä Gfühl gha idä Stimm, sooo schön! Mir hends würklich gnosse und die Stund isch u schnell ume. 2x het mir mini TZ vo hine es neus Nastüechli zuegsteckt will sie gmerkt het das mis nurna es nasses Chnöeli gsi isch :D. Denn hemer müesse ufstah für de Ringtuusch und oje, ich han sooo müeh gha zum ihm de Ring astecke!
Er hets denn selber müesse mache und erscht 3! Stund später hani au gmerkt wieso dasses so streng gange isch, ich han voll die falsch Hand gno!! Haha aber isch niemerem ufgfalle, erscht mir später idä Limousine. Denn hemer na eusi Cherze azünd und de Pfarrer het gseid mir chönd wieder abehocke. Denn het min GG aber eifach d Bible womer becho hend wieder anegleit und gseid Nei, zerscht gits na en Kuss (euse Pfarrer hets volllll vergesse, ischem nachher u peinlich gsi) und het mich gno und küsst und alli hend glached und klatsched, isch so luschti gsi! Denn simer usegloffe nach de Chilä und ine für de Apéro, es het ja eigentlich na selle regne und drum simmer dinne gsi. Denn simer grad anegstande für d Gratulatione, es sind so viel lüüt cho, au sottig womer nöd erwartet hend und eus aber u gfreud het und ich bin scho wieder ständig am brüehle gsi will u viel Fraue und mini liebe Fründine all au am Brüehle gsi sind, so hani nie chöne höre :D Min GG het sich so amüsiert ab eus. Ich glaub euse Apéro isch fein gsi, ässe hani aber leider nüd chöne will ich immerno so nervös gsi bin Denn simer use zum Ballön stiiege lah, mis Schwiegermami het u lässigi rosa wiisi Ballön organisiert und alli hend es Chärtli gschriebe und dra ghenkt. Denn hets leider gnau afange regne und mer hend churz müesse undere stah. Nach 5 Min isches aber dure gsi und s Wetter het ghebed bis zum Fäscht womer dinne gsi sind, sooooo perfekt gsi ((danke petrus!!! :D)). Denn hemer d Ballön chöne stiiege lah und hend na Gruppefötteli gmacht. Später simer denn a euses Shooting, isch guet gsi aber mega astrengend, mir hend so viel müesse lache fürd Fotene dass eus nachher s ganze Gsicht wehtha het :D. Denn simer mit de Limouse wieder id Location grad am See aber hend na en 10min. Umweg gfahre zum für eus zsii, mir hend denn agstosse zäme und sind eifach nur oberglücklich gsi, soooo happy! Idä Location simer empfange worde vo eusne Gäst und emene Rosespalier, und denn hends es paar luschtigi Gschenk und Sprüch dra ghenkt. Denn hemer na chli müesse warte dusse will d Fotografin isch go de Saal fotografiere und endlich hend au mir chöne iegah. Es het mini Erwartige total übertroffe, mir hend so viel vorbereitet und selber gmacht im Voruus und hend scho ghofft dasses guet usgseht, aber es isch würklich perfekt gsi für eus! D Blueme sind uu schön gsi und euse Saal allgemein, eifach perfekt. Mir hend en Tisch nur für eus gha, isch mim GG sin Wunsch gsi und am Afang sind eusi Gäst glaub chli verwunderet gsi, aber ich würds immer wieder mache! Mir hend so alli im Blick gha und hend chli eus chli fürenand gha und chöne schwätze und schwärme und isch eifach super gsi. D Gäst sind alli sooo lieb gsi und het u freud gha adä Deko, de Candy Bar und de chlinä Einwegkameras ufem Tisch, isch alle u guet acho. Und mir sind u oft eifach dete ghocket und hend gseid mir chöntet glücklicher nöd sii, all eusi liebe Fründe und Verwandte sind i eim Ruum zäme, all sind friedlich und glücklich und freued sich mit eus, eifach de Hammer gsi das GFühl :) ! Denn hemer agfange ässe und ich säge eu, s ässe isch en Traum gsi, sooo guet! Und bim Hauptgang sinds immer wieder mit Nachschlag cho, perfekt :D Mir hend denn paar Spieli gmacht und aber au gnueg ziit gha zum mit dä Gäst schwätze. Mim GG sini Schwöster het denn als überraschig na sooo es lässigs Video gmacht mit luuter Disney Usschnitt ((ich liebe Disney!)) und Chinderfotene vo eus, isch u schön gsi! Am 12i isch denn eusi Turte cho womer eus u druf gfreud hend und nachher isch euse Tanz cho, isch zum Glück alles guet gange trotz das ich fascht nöd han chöne Tanze mit mim Kleid! Und denn isch denn d Party los gange und mer hend bis am 3 am Morge na gfiired und tanzed, u viel Gäst sind sooo lang bliebe wiemer nie denkt hetted und es isch würklich eifach super gsi!
Ja und so sind denn au mir mal hei is Hotel und sind eifach todmüed aber glücklich is Bett gläge. Alles het super klapped und es sind nur Chlinigkeite gsi wo nöd so passt hend, aber vieles isch au erscht im Nachhinein cho. Somit hemer würklich en suuuper schöne Tag dörfe erlebe und ich dänke so gern zrugg und dänk jedes Mal, alli Müeh und verlorene Nerve hend sich zu 100 % glohnt und ich bin sicher mir werdet au vieli Jahr später na devo rede und glücklich sii über de schöni, perfekti Tag!
Und jetzt tuen ich eu natürlich na paar Fötteli dra henke vo de Deko, Candy Bar und Turte :)!
Uiuiuiu binig müed……nachem Final mit Wein und nid mau sechs Stund Schlaf füehli mi gad überfahre und bi scho wider froh wenn Fyrabig isch;O) hüt wird äuä nid gad sone produktive Tag…
Pfingstrose Ha das Kleid im Ahang bi mir sötte si ebe ou recht schlicht si…wow merci vielmal füre Link!!!
Malinchen Wow merci füre link de webshop kenni gar nid und es het mega schöni schueh!!
Lil.lian Merci vielmal fürs nachefrage…geit chli besser mitem Rügge siti mit physio ha agfange aber wett nid gad öpis riskiere am Hochzit mit mörder-absätz und ner kippi no um vor schmerz oder so;O);O)
Taeboyana Geit chli besser mitem rücke merci…aber geit haut äuä eifach lang bis so öpis wider ganz guet isch und für das fehlt mir aube de d Geduld;O) i dänke das isch guet machbar i 4.5 wuche aber mi dünkts aube krass wie die zit vergeit;O) ersch gad isches no es halbs Jahr gange??;O)wie isch di polterabig gsi??????
Pricana Jööh merci für di schöni Bricht! Dir heit e mega schöni Deko gha und Candybar gseht würkli suuper us!!
Me mir hei das weekend gad einiges chönne erledige!! - Welcome Chalkoboard schild - Fenster mit Tischordnig - Alli Kirchenheftli
das tuet sooo guet öpis chönne abzhäckle wome so lang vor sich hergschobe het
Anmelden
Vergisse aber de mängisch paar Details ufzliste... oder o ganz wichtigi Pünkt, z.B: Cookies mache! 
Aber das hani i mim Kalender iplant zum Glück. Das gloubi dassme gäge Schluss no mega cha Gas gäh. Ig hoffe eifach, dassmer die wichtige organisatorische Sache und ou die meiste Bastusache scho chli vorhär fertig hei. Hihi und dr Pedicure-Termin hani vorhär o gad gmacht, scho wieder öpis zum abhäggle 
Ig mues am 08.20 am Morge (hihi komischi Zit, sicher äxtra) bi mire TZ itrudle mitme packte Rucksack 
