| Bräute 2014 |
|
|
1 .. 494 .. 985 986 987 988 989 .. 997
|
|
|
|
|
|
|
15.07.14 11:44
nala05 
|
Re: Bräute 2014
hallo mini liebe mitbrütlis!
@principessa: danke nomol viiilmol für di super schöne bricht, ha den au no paar froge  aber per pn dene ;)
ohh jööö so lieb vo dir mit de übraschige, ez bini grad no chli meh gwundrig hihi
super hesch d hussene grad no könne am hermitage vrkaufe, so a la „aus den augen, aus dem sinn“  ächt trottle das.. sorry!
@sue: wow sue, euri to-do liste isch no kürzer as unseri undihr händ e wuche meh  was hani nur falsch gmacht  ich find euri bastelsache immer so schön! wünschti wär au so begabt wie du!
@lil.lian; ich schrib glaub dr janedoe nomol, ha mol i ihrem thread gschribe, si isch aber glaub nüm soviil im forum..
@malinchen: ich wart mit dir gspannt uf d fötelis 
@taeboyana: jo es isch e super gfühl ändlig die doofe priefige vrbi z ha. jetzt ka ich mi voll ufs hz konzentriere, isch super!
euri liste isch au nüm gross! das längt looocker!
ihr machet alli es wilkommeschild, isch das für d kirche oder für e obig.. wil e beschilderg für d trauuig hämir scho, sölli ächt au no öbis für am obig mache?
wie isch di polteri gsi?????
@pricana: danke viilmol für dä schöni bricht! i gratulier euch nomol härzlig! hesch super usgseh und euri deko isch eifach hammermässig gsi!
das mit em hülle vor de kirche könnt mir au no passiere, i wird au amigs erst im letzte momänt richtig nervös, den abr defür richtig, hihi!
@littlefoot: jaaa mir wän nomeh fotis gseh 
@me: mir sin geschtr in luzärn gsi mit de fotografin d locations go aluege und au für paarshooting, si het de konsipark usegsuecht, dä isch wunderschön! hoff eifach sooo fescht uf guets wättr!
den hani geschter no d chalkboards für photobooth und gästebuech gmacht, und für d tischnummere afoh chalkboards mache.
jetzt bini no dra de sitzplan fertig zmache und nochär gangi no go stoffkaufe für d wimpel woni no mache wöt. go schwimme hani au no chli welle, mol luege was alles in dä dag inepasst.
ah und latärne hämir mittlerwile au postet es kunnt langsam guet! gästebuech isch au gmacht und bstellt! jupi!
To do:
Ringkissen nähen

Programmfächer drucken/basteln

Photobooth hintergrund basteln

menükarten drucken

Playlist erstellen

Filme für Kinder auf ipads laden

Candybargläser abholen

Blumen end-besprechung (evtl noch mehr vasen besorgen)

Wohnung putzen

Kosmetik & Coiffeur Braut

Coiffeur Bräutigam
am fritig gangi mit minere schwöstr no uf luzärn go d blueme bespräche und no schnäll is montana für e öetzti besprächig bevor mir den zrugg mien will am nomidag ka ich den mis kleid abhole! 
phuu es lauft grad einiges bi uns merki ;)


|
|
|
|
15.07.14 15:53
Taeboyana
|
Re: Bräute 2014
Liebi Brütlis
So, i mues doch unbedingt no mi Pouterbricht schriebe!! Aber zersch zu euch:
@Pricana: Tönt würklech wunderschön wiede schriebsch und du hersch würklech super usgseh! Ou ds Biud wode am gränne bisch findi ganz härzig! Aber uuuuu blöd was dir itz für es Puff heit mit dr Fotografin... findi gar nid toll! Hoffe fescht für euch, es lösi sich no irgendwie und dass dir möglechst gli zu eune Föteli i aständiger Uflösig chömet.
@Sue: Wow, mi dünkts o dir heiget öpe scho aus fertig und immer so schöni Sache... hesch du für dis Chielheftli e Vorlag gha oders ganz säuber gmacht? Müesse mir o no mache, aber i hoffe i finde e gäbigi Vorlag wonis relativ eifach drmit chönnt mache.
@littlefoot: Jaaaa, häre mit dene Fotos !
@Nala: hey aber dini Liste isch ou nümm lang!! Das magsch easy no abschaffe, vor auem hesch ja itz Ferie oder? Hm ig bi no nid ganz sicher wäg däm Welcome-Schiud, möglecherwis duenis de gad chli i Tischplan intergriere (mache dä drum ou as grosses Chalkboard) und sooooo unbedingt wichtig findis nid, das wär meh no so es nice to have. I dänke je lenger je meh: "Naja sooooo wichtig isch das nid, bruchts das überhoupt...?" Hesch es Biud vo dine Chalkboards?
@sasi: Merci fürs doodle, wird aber für mi äuä o nid möglech unger dr Wuche... 
@Squishy: bisch parat? Heiter ds Zügle hinter euch? Du i gloub dir heit ds Bombewätter am Samsti, eifach äuä ziemli warm! Und wie isch di Poltertag itz gsi? Süsch chasch ja de d Brichtli gad zäme schriebe
@me: Aaaaauso, hie itz no dr Bricht:
Am Samsti Morge bini uf die 20 ab 8i (lustigi Zit hei sie sich usdänkt  ) bi mire TZ itrudlet mitem voupackte Rucksack gemäss Packliste und Brötli für z'zmörgele. Sie het im Stägehus aus wunderschön dekoriert mit Sunneblueme i Glasschäli und chline Lampions, u härzig. Wo sie de d Tür hei uftah hani scho mau mega müesse lache. Dir kennet ja langsam mini Stellig zur Farb pink und ig ha ou as Bedingig ufgsteut gha, dass ig mi nid pinkig wott verchleide. Drfür si de sie beidi pinkig agleit gsi . De heimer zersch gaaaanz gmüetlech zäme zmörgelet, isch richtig schön gsi. När ha ig dr Uftrag becho, Schinkegipfeli und Guacamole zmache u sie hei dusse d Terrasse igrichtet. Am Mittag hani de die rästleche Froue (mir si totau 9 gsi und am Abe 10) müesse vom Bahnhof ga abhole und zur TZ bringe und dert heimer fein gapérölet mit Früchtebowle (isch no alkoholfrei gsi, dir erfahret de när o werum). Jedi Kollegin het de dr Uftrag gha, es A4-Blatt zgstaute für mi über üsi Fründschaft und sie hei de das ou reihum chli vorgsteut. Das isch soooooo schön gsi! Mini TZ hei de die Bletter wieder igsammlet und mache itz schints no öpis drmit, wo no e Überraschig isch. Uf die 3 hei mir üs aui i Sportklamotte müesse wärfe und si de use, wieder zum Bahnhof gloffe. Ig ha keeeei Ahnig gha, was mir mache. Zersch heisi natürlech aui so ta, as gäbs Tae Bo, aber i ha scho dänkt, dass das ZU offesichtlech wär bi mir. Am Bahnhof het de e junge typ uf üs gwartet und woni sis Outfit ha gseh, so baggy Trainerhose, hanis gad gwüsst: Mir hei es Parcour-Training gmacht (das si die wo so über Gländer und Mürli gumpe und vo Dach zu Dach und so verruckti Sache). Hui, ha zersch gad chli Angscht becho, das chönn i doch niemaus. Aber ha de dänkt guet, es het o no paar unsportlecheri Froue drbi, das wird scho ga... dr Trainer het gloub zersch mega Angscht gha, mir sige de e riese Hüehnerhufe und möglecherwis scho atrunke, aber mir hei ihm de gli versicheret, dass mir nume alkoholfreii Bowle heige gha (das mir zdritt bim Zmorge scho es Cüpli hei gnoh, het ja niemer müesse wüsse ). Ds Training isch 2 Std. gange und dr Hammer gsi. Isch auso mega asträngend gsi mit Liegestütze und so zum ufwerme, när heimer no paar ganz cooli Gruppeüebige gmacht. När heimer de chli technischi Sache güebt, übernes Gländer drüber u när sogar no überne höchi Muur. Am Schluss heis fasch aui gschafft, mit Alouf ohni frömdi Hiuf über die Muur!  I bi ja gspannt uf die Föteli Mir si zum Teil rächt am chnorze und bischte gsi, aber es het aune mega gfaue, trotz zum Teil rächte Schürfwundene und abartigem Muskukater . Zum Glück heimer das nid auzu churz vorem Hochzit gmacht! Isch so e cooli Idee gsi vo mine TZ, mau öpis angers.
När simer aui ga dusche (läck si mir verschwitzt gsi, ds Wätter het ja es perfekts Timing gha und mir hei ir Sunne chönne dusse si). Aschliessend hets wieder es Apéröli gä, dasmau mit Hugo Womer si dinne gsi hets de wieder rächt afa rägne, aber denn hets ja ke Roue meh gspiut . Bevor mer de wieder use si, hani no es Täschli becho woni dr ganz Tag ha müesse anneha: e pinkigi Üle (sones Chindertäschli). Näb dr Farb pink findi drum die ganze Üle-Sache wome im Momänt gseht (Schmuck, Chleider, aues Mögleche) sooooo... doof Das het usgseh sägi euch... aber glich, chami gar nid beklage, bi i Sache outfit sehr glimpflech drvo cho!
|
|
|
|
15.07.14 16:04
Taeboyana
|
Re: Bräute 2014
Am haubi 8i simer de ufe Zug uf Bärn id Stadt und si dert ga mexikanisch ässe. Mmmmh, mit Sangria, Fajitas etc... mega fein gsi. Es het no paar anderi Pouteräbe gha im gliche Resti und dr eint Brütigam im Affekostüm... mini TZ si auso soooo lieb gsi mit mir!!
Nachem Znacht simer de mau langsam i Usgang, aber dr Match Holland-Brasilie isch no im Gang gsi und a jedem Egge e Fernseh mit uuuuu viu Lüt... hei de aber e gmüetleche Club gfunge mit cooler 90s-Musig wome guet het chönne tanze und hei de dert no paar Rundine gshötlet I bi ja i mim Auter nümm sooooo viu im Usgang u ha das wieder mau richtig gnosse. Viu vode Froue hei de zwar ufe letscht Zug müesse oder si süsch gli mau hei, wüu sie nümm hei möge, aber mir hei de haut zdritt no dürezoge bis sie zuetah hei und es het u gfägt. Mues auso säge dassi gäbig no hätt chönne witer Party mache, aber ir Grossstadt Bärn isch haut nid viu so lang offe . Isch aber de grad guet gsi und i weiss nid, wenn asi zletscht Mau am 5i is Bett bi...
Es isch so e super Tag gsi und i hane vo A-Z gnosse. Isch ou e u cooli Truppe gsi und aui hei gfunge, das sige ganz gueti Froue wo ig da as Kolleginne heig. U mini TZ si eifach so super gsi!!! Sie hei für mi genau ds perfekte Programm usdänkt, i liebes ja aktiv zsi und das heisi genau gwüsst. E Tag lang mit mine liebste Froue um mi ume, isch eifach so geniau gsi und has so gnosse.
|
|
|
|
|
|
16.07.14 07:24
lil.lian
|
Re: Bräute 2014
Pricana
Danke villmal für din schöne Bricht und die ville Föteli dezue!! Gratuliere eu nomol ganz härzlich! I dim Chleid häsch würkli super usgseh! Eue Saal mit de Deko isch würkli en Traum gsi :)
Sue / Littlefoot
Hihi jez chönder ja chli Schlaf nahhole wod WM verbi isch.. :)
Nala05
D’Liste isch ja nüme lang bi dier.. Das wiersch sicher packe!!
Taeboyana
Oh voll kuuhl din Bricht. Und das mit em Parcour-Training isch ja voll die kreativi Idee! Und s'passt ja voll zu dier, will so sportisch bisch.. Würkli lässig, was sie für dich usdänkt händ.. Und jaa mit em Ühle-Täschli bisch im Verglich zum em Affe-Kostüm würkli no guet wäg cho . So schön, häsch es so chöne gnüsse.
Me
Am Samstig hani endli mini Schueh no gfunde. Sind zwar alles andere als es Schnäppli gsi, abr bin froh hanis gfunde :) Has im Bruutschuehlade in Winti kauft. Falls öber no suecht, würi uf jede Fall de Lade empfehle, es gid eine in Winti und eine Bern. Es sind halt scho die klassische Bruutschueh dete wo mer chan poste, alles in wiis.. Wenn öber öbis farbigs suecht, wird er nöd fündig dete..
Am Sunntig hani mi den a mini Wimpel-Bastel-Aktion gmacht. Han ganz vill Wimpel-Chettene bastlet, wie Danke (zwei Mal, ei Mal für d’Charte-Box und ei Mal zum fötele), den es Willkomme, Sirup-Bar, Süesses (natürli für d’Candy-Bar) und no eis mit eusne Näme. Han am GG scho gseit, nach em Hochziit hänkemer das is Schlafzimmer . Jez bini das Zügs no am ahnähe. Abr das isch fascht s'müesamste.. Han gester mal zwei gmacht.
Gester bini no go abstecke. Isch relativ rassig gange, mier händ e halb Stund gha. Abr es hät scho en Fläcke uf em Chleid gha. Hät mi scho gad verunsicheret.. Falls er abr nöd usegaht, chönt mer eifach d’Falte chli gege ue legge, den wür mern au nüm gseh, finds abr glich ärglich, sisch ja es neus Chleid. Und dänn hani no min Bändel mitgnoh, er passt perfekt zum Chleid Sie duet en jeze no irgendwie befestige..
Und hüt hämer no Termin bim Siegrist. Er hät anschinend am Telefon gseit, ja a eus häter au mal dänkt, dass mier mal no müssted verbi cho.. Höchsti Isebahn .
So wünsch eu allne no es schöns Tägli!! Gnüssed die schöne und warme Temperature :)
|
|
|
|
|
|
16.07.14 17:52
squishy-fishynicht registriert
|
Re: Bräute 2014
Guete Abiig
I schriib vum Handy, drum wiirds ned gar so lang ;)
Malinchen: I bii gspannt uf eui Bilder. Möchts den umbedingt gseh!
Lilian: scho en fleck ufem Kleiid? Woher chunt denn de??? Chasch gad verlange, dass de Priis gsenkt wiird. Immerhin hets en Mangel....
Taeboyana: woow, so schön hend dMädels diin Tag perfekt uf diich usgleiit, find ii meega herziig und guet organisiiert. Jetzt chan sHochziit cho!
Me: mii Polterbriicht iisch scho lang online: http://www.heiraten.ch/forum/board/versc...ehe-15_254.html
Uf unser to do liiste stot praktiisch nixx meh:
Sich sonnen
Tanzen üben
Karten mit Fotonummerm beschriften
I bii langsam ufgregt und hoff, dass alles guet chunt. Ich bin chlii skeptiisch, will im moment unseri TZ all am limit laufet mit schaffe und prüefigsvorbereiitig und feriivorbereiitig. I hoff, dass sii siich ned übernehmet und doch sHochziit ned nu nebetbii organisiiert wiird... Aber leiider han iich if da ja kaiin ifluss...
Schöne Abiig iihr liiebe <3
|
|
|
|
|
|
|
|
1 .. 494 .. 985 986 987 988 989 .. 997
|
Anmelden
Aber bi de scho gspannt wies usgseht mitem Bändel! Sicher mega schön...