Hoi zämä, isch de doch chli lenger gange

@sasi: Hoffe Dir geits umi besser?!

@bibbi: Fröi Di druf! Es isch mega schön! U es isch super wo "mim Maa" zrede
Dörfti ächs PW vor Homepage ha? Würdi doch gärn chli ga gugge
Hani Dir mini Schueh mau zeigt? Hätti no es 30 zverkoufe.
Ha mir das mit de Partner ou überleit, u mir hei eifach wenn mir dr Partner nit kennt, nume 1 Name ufs Couvert u inne i dAred gschribe. I würdis süsch eifach säge, wenns Di stört oders zviu wird. Bire guete Kollegin hei mirs a sie adressiert, da mir ihre Partner denne no nit hei kennt, u si het de ou nit gfragt u isch älleini cho. E anderi het gfragt, u het ihn de mitgno. Aber mir hei eifach gseit, mir wette kei aktuells "Betthäsli" drbi, sondern haut Beziehige. U e Kolleg het de sini Fründin eifach mitgno. Für dBetriebe hets eifach 1 Iladig gäh, u de isch gar nit zur Diskussion gstande, ob mit oder ohni Partner. Genau so bi de Vereine.

@squishy: Das hei mir üs ou gfragt!! Aber isch guet gange?
Hesch no chli chönne Sünnele? Isch ja zwüschedrinne super schön gsi.

@Schagge: Chasch ja dr Tisch wie ufzeichne, u de so di einzelne Näme druftue, de gseht jede wo er wie hocket. Weisch wie ni meine?

@Sue: Wieso göht ihr de z5te i dFlittis?

@Pricana: Danke für Din schön Bricht! Dini Schwoscht isch ja mega cool, eifach dOuge zuemache...
Tönt super bi öich, u mega toll hets Wetter bis uf di 5 Minute ghebet. U wow, mega genial die Bilder, gseht troumhaft us!

@Taeboyana: Oh so mega cool, es liest sech genial, Din Polteri Obe!!
Weisch scho, was si mit de Blätter macht?

@me: Mir si am Irichte, am Plane u fröie üs ab de Hochzyte wo üs im Fründeskreis bevorstöh...

Guete Morge liebi Brütlis

I versueche mau chli üse Thread us dr Versänkig zrette... FB isch zwar super, aber weme chli meh zbrichte het, wirds aube chli umständlech

Bi üs loufts, geit ja o nümm lang... d To-Do Liste wird zum Glück o chürzer. Das isch momentan no druffe:

- Trouigsablouf a Sänger, TZ, Fotografin und Schwiegermami schicke (sie duet d Kollekte asäge wüus es Projekt isch, wo sie mitschaffet)
- Playlist an DJ senden (machi näxt Wuchenänd)
- Freudentränennastüechli bastle
- Sitzornigstafele schriebe
- Cookies backen (näxt Mänti weni frei ha)
- Ansprache Brautpaar aufsetzen
- Tanz üben
- Blumengefässe zu Floristin bringen
- Wein abholen

I gloub das wärs... abgseh vo aune Beauty-Termine ide Täg vorem HZ, aber da muesme ja nur verbi ga Ha no e Waxing Termin gmacht für ds voue Programm: ganzi Bei, Achsle, Bikini und Oberlippe de sötti de ämu parat si! I gloub isch aber no machbar i knapp 3 Wuche...

Letscht Wuche heimer no e Privattanzstund gha für üses Lied und i ha dr Reifrock mitgnoh zum üebe. Gar nid so eifach, nid uf das Ding zstah... aber i gloub es chunnt guet, mir hei no einigi cooli Dräige und so glehrt und chöi itz öpis guets zämesteue. Wemer de nid vor Närvösi chum grad chöi dänke . Itz sötte mer eifach de dähei o no chli üebe...
U de simer am Samsti no üsi Ringe ga abhole. Wow, mir hei so Fröid!! Si si eifach perfekt für üs. Feue mi scho so, dä de ändlech dörfe azlege!

Ah ja, sünnele wär o no uf mire To-Do-liste (ds tanning lani definitiv la si, es het 2 Täg super usgseh u när hets a Steue wome viu schwitzt ufzmau unschöni wissi Fläcke gäh ), aber da isch ja im Momänt nid viu zwöue.. Gester gäge Abe woni de mau wär drzuecho u bi useghöcklet, het sech d Sunne gad verzoge .

I ha no 2 Frage: 1. wie machet dir (bzw. heit dirs gmacht) mit eune Sache am Hochzit, heit dir es Täschli gha wo dir de TZ heit gä oder hei sie es Notfautäschli für euch gha? Wome so Lippestift, Puder, Nastüechli, Deo, Chopfwehtablette oder was o immer chönnti dritue? Weiss irgendwie no nid so gnau, wieni das söu mache.
2. wie maches die wo d Blueme nid glieferet wärde? Mir wärde d Gsteck für uf d Tische am Abe am Tag vorhär hole und scho ufsteue, das isch kes Problem wüu die häbe ja guet. Aber itz isch d Frag, wie mirs mit de Bankstrüssli, Brut- und TZ-Strüss und de Asteckerli mache... heit dir die när irgendwie dähei igsteut?

@Principessa: So cool di Verchouf und hesch o mega schöni Sache, nur schad hei mir ganz es angers Farbthema...

@Lula: Wie loufts mit euem Huus? Siter fertig igrichtet oder duurets no chli? Nei ig weiss no nid was mini TZ mit dene Bletter mache, isch e Überraschig

@Nala und Sue: Wie geits euch? Siter relaxt oder no chli im Stress? Scho gli gli isches so wit!!

@aui: Was machet dir am 1. Ougust? Mir mache am Morge e Brunch mit dr Familie bi üs und am Abe gömer mitem einte TZ-Päärli imne Resti ir Nechi ga Grillbuffet ässe. Am Sunnti heimer de die letzti Sitzig mit üsne TZ für die finale Besprächige (gnaue Tagesablouf etc.) u nächst Wuche geits de los mit Chleid abhole, letzte Coiffeurbsuech etc... Hui!

So, wär schön wenn hüt ou öper ume isch, bi üs si fasch aui Lüt ide Ferie... sorry isch chli e Ego-Post worde, aber het nid sooooo viu wome cha druf igah... I mues no 2.5 Wuche schaffe u när isches de ändlech gli so wit!

Guete morge!

Taeboyana: bi dir gohts wirkli au nüm lang! :) aso u find dini to-do liste sehr übrschaubar, mini het vor 2wuche no ganz andrsch usgseh
Wow grad e richtigs waxing programm hesch du vor dir.. I gang jo eimol im monet bikini go waxe, ha die termin jetzt aber so apasst das für flittis alles "glatt" isch ha irgendwie gar nid dra dängt ka das für s hz evtl gschieder gsi wäri, jänu!
I sött au no mi reifrock bi mim vatr go hole, das mir de tanz no mit däm könne üebe. Mir sin uns immr no chli unschlüssig übrs lied mir hän jetzt d grundschritt vo walzer, discofox, chachacha, tango, jive glernt.. Und jetzt mien mir no chli uf ei nenner ko.. Isch no schwirig. Was händir de für e lied?

Täschli: i gib alles mine bm's ind täsche.
Blueme: unseri wärde glieferet. I würd d strüss glaub istelle, am beste doch imene kiehlte ruum, das si schön bliebe. Frog doch d floristin mol was si de empfähle würdi..

Nervös: i glaub i bi nervös, odr eifach gstresst. Ha jetzt gescht sogar no e fieberblottere biko
Drbi ischs gar nüm viil zum mache:
Limoncello abfüllen
Süssigkeiten kaufen
Tanz üben
Packen
Beauty termine

Weiss au nid was mit mir los isch.. I glaub die ganz gschicht mit minere änglische vrwandschaft stressf mi mega! I wünschti mir e chli das i die nid iglade hätti!
Mini tante, cousine, cousin plus sini frau und kinder hätte jo sölle ko. Jetzt isch aber für s jüngste kind de pass nonig ko. Und mim cousin sini frau wär unseri stylistin gsi den hän mini tante und si voll afoh stritte, richtig schlimm! Die möge sich ebe übrhaupt nid uns es isch ächt e riiiiiiese drama wo do abgoht. I ha bis hüt kei ahnig wär jetzt kunnt!
Aso hani letscht wuche e neui stylistin miesse uftriebe plus mich mit däm strit wo sich zu allem ane jetzt au no mini muettr mit imischt usenandrsetze! Haaach, i dänk das ganze setzt mich psychisch voll unter druck. Und üsseret sich in schloflose nächt, keim appetit und s schlimmste fieberblotter!

Drbi hätti susch gar kei grund zum nervös odr gstresst si, isch jo alles organisiert sunscht

Aber i freu mi trotzdäm mega uf e fritig, was dini frog au grad beantwortet wasi am 1.august mach: HÜROTE

Taeboyana
Kuuhl schriebsch was im Forum.. Wär au defür, dass da chli meh los isch..
Dini Liste isch nüm gross, dass wiersch sicher no alles abarbeite chöne :)
Wegem Täschli, ich wierde die Sache entweder mim Mami oder dänn minere TZ geh..
Aso d’Blueme würdi eifach diheime no istelle.. Mier wärded au die vo de Location am Tag vorher go hole und die dänn hintere bringe. Abr die andere werdemer den erst am Samstig sälber go hole gah.. Wege de Astecker, dass weissi au nöd wie lang die dänn würkli hebet. Würi vilicht nomol nahfräge bim Florist. Wär den schad, wenns nöd so lang hebet..
Mier gönd am 1. August uf Konstanz. Zersch chli go pöstele, wenns schön isch no chli go bädele und is Kino. Mier sind ebe beid gar kei Fürwerk-Fän, drum gömer meistens noimets hi wos kei gid :) Eui Plän dönet au nöd schlächt.

Nala
Oh wegem Lied weisi leider au nöd.. Bin au no uf de Suechi..
Oh nei das wegem Familie-Drama dönt echt nöd guet!! Vorallem, dass no schlaflosi Nächt häsch und au no Fieberblattere becho häsch.. Ich druck der Dumme, dass die schnell wiedr verschwindet..
Hihi han gad a dich müese dänke, wege de Frag vom 1. August :)

Me
Mier sind am Fritig no bi de Chile verbi und d’Organistin hät eus no Lieder vorgspielt. Mier händ jeze eusi Lieder gfunde :) Und susch sötemer eus mal no bi es paarne Lüt melde, wie Location, Fotografin, Pfarrer, Apéro. Ich dänk, dass wärdemer am Wuchenend chöne erledige.
No e Frag wege de Bruutstrüss. Wie vill zahled iher defür? Und die wo no en chlinere mache lönd fürs zivile, wie vill hät de kostet? Mich dunket die beide cheibe tür..