Huuuiii da isch echt nix los.. Duen jeze no chli verzelle

Bi eus lauft momentan so einiges! Kkes Wunder, i acht Täg isch s’zivile und i siebzäh Täg dänn s’Fäscht. Am letzte Weekend hani au no de Polterabig gha, bzw. Weekend, mier händ no noimets übernachtet gha.. Weiss gar nöd woni afange söll mit verzelle.. :)

Poltere
Mier händ eus alli in PINK in Züri troffe. Dänn hani e Schachtle becho wo e Gschicht drinne gsi isch mit eme Hiiwiis womer eus als nächst hi gah müend. Und ja Puzzle-Teili häts au immer no drinne gha. Han dänn a jedem Ort e neui Schachtle becho. Eusi Tour hät eus dänn zum Chleidergschäft gfüehrt, wo ichs HZ-Chleid kauft han, dete wo mer übernachtet händ, Pedalo fahre, Kaffi simer go no go trinke (han dete min eigete Kaffi „müese“ mache), dete wo mer eus s’erste Mal küsst händ (wobi da bini immer chli anderer Meinig gsi, han das glaub chli verdrängt ) und am Schluss simer zämä go z’Nachtesse.. S’Puzzle hät den es super Bild vom GG und mier ergäh, öbe scho 7 Jährig, zum Schüsse hämer usgseh Zwei Mädels händ den für hinedruf no öbis dichtet und sie zwei händ chum meh chöne höre.. hihi
Aso es isch würkli lässig gsi. Mini TZ hät sich würkli mega Müeh gäh und es isch würkli en schöne Samstig gsi..

Fürs zivile hämer eigendli fascht alles organisiert.. Was mer no müssted mache isch d’Hose chürze vom GG und den mueni mi hüt no uf d’Suechi nachere pasende Kravatte mache..
De Apéro isch organisiert, de Tisch nimmt de TZ ihre Maa mit, s’Tischtuech und Gläser händ mier scho postet, Getränk nämmet mini Eltere mit und d’Schwöster vom GG duet dänn no fliessig Apérogebäck mache. Und am TZ sis Mami duet eus no es Brot bache :)

Gester bini nomol bi de Coiffeus verbi, mier händ gester definitiv de Durchbruch gha Sie hät jewiils chli güebt nachdem ich eifach so bi ihre gsi bin und gester hät sie ebe extra nomol wölle üebe. Abr jez chunt das tiptop!
Hüt chani s’Chleid go probiere gah, bin so gspannt wies apasst usgseht :) Muen mi dänn au no für oder gege e Halschetti entscheide. Han ebe es schulterfreis Chleid und han eifach chli s’Gfühl, dass es dänn recht leer wär ohni Chetteli.
Und morn gahni zu de Nala go diversi Sache abhole. Bin jeze scho gspannt :) Danke Nala und Littlefoot!! Später dänn hämer no e Tanzstund igschobe. Mier sind mal im April / Mai drü Mal go tanze, aber händ dänn diversi Tänz gmacht. Mier möchted eifach en Walzer mache und eifach das ganze nomol festige. Bin au scho uf de Lehrer gspanne, han de Tipp vo de Sasileu becho (au dier danke ).
Am Wuchenend hämers relativ ruhig. Was mer no sicher sötet mache, euses Chilesingheftli fertig mache und d’Menücharte fertig bastle, dass mers no chönd drucke. Und natürli hämer susch scho au no seinte oder sandere ztue, abr es gseht eigendli nöd schlecht us.
Und nächst Wuche chan er dänn sin Azug go probiere und allefalls nomol was ändere, ich han nomol Coiffeur-Termin und es paar Beauty-Termine und dänn chömer/dörfemer hürate .

Wünsche eu allne ganz en schöne Tag!! :)

Zuletzt bearbeitet am 13.08.14 08:19

Hoi angi!
Vo mir us gseh heiter scho relativ viu lieder. Aber s chunt i chli druf a, wi lang as d trouig geit und was dr pfarrer no fürnes programm het. Heiter scho mau mit ihm/ihre da drüber gret?
Bi üs ischs so, dass dr pfarrer het druf bestange asmer singe... Mir heine när zum glück chönne vo 3 lieder uf 1 "abemärte" :-)
Liebe gruess

Oh, littlefoot! So lieb dass du frögsh. Unx als obs gahnt hettish. Ha jetzt dänn grad e chlini operation. Sött alles guet gah bim igriff. Aber gester ish en sheiss tag xi psychish. Aber de arzt hät mi chöne beruhige.

ich sett morn au sho wieder hei chöne.

Bis glii, ladies!

Yo!

ish guet gange. Bi sho e stund zrugg uf em zimmer.

eu en shöne nami und abig no