| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Bräute 2016
 1 .. 55 .. 107 108 109 110 111 .. 163 .. 214
25.03.15 10:54
crivosa 

Re: Bräute 2016

haha das isch nöd peinlich chandini...mer zehled scho au biz ufs geld wod den wieder überchunsch, nur werded mers den für s spare für chind und so bruche...

(aso me säged scho ad flitterwuche aber die müend mer jo glich voher zahle )

nei I mein es isch jo au nur fair wend biz was überchunsch...I bi nöd geldgierig und mache au nöd e hochzit weg de gschenk oder wegm geld sondern well mer die lüt wichtig sind wo chömed und ich si mag debi ha...aber I persönlich chönti nie anes hochzit und den irgendwie es blüemli oder was für 20 franke schenke...schlussendli gnüsst me jo en schöne tag mit feinem esse und entertainment

25.03.15 11:11
lostheaven  		Re: Bräute 2016

Ja das liebe Geld

Mach mir au Gedanke we mir alles sölled zahle, vor allem well mir denn au mit Kanada nöd grad e günstigs Land usgsuecht hend fürd Flittis. Sind uf jede Fall beidi fliessig am Spare. Aber mengisch hesch Ends Monet so viel Rechnige Ha teilwiis es Gfühl ich schaffe nur zum dRechnige zahle. Jänuu hä.. mümer halt chli une dure i de nöchste Mönet Git nu no Wasser und Broot

Falls mir inen Engpass ine cho würed, wohni jetzt aber mol nöd devo usgoh, würi aber sicher au innerhalb vo de Familie wegm Geld go fröge. Das sind wenigstens zinslosi Darlehe ...

Und ja mir sind au nöd geldgierig, aber spekulieret scho au druff das vo de Gäst no bitz öpis chunt..

25.03.15 12:43
Sabsy_87 

Re: Bräute 2016

i finds au nid schlimm, in dr Familie nochezfroge, öb sie eim chönne ushälfe. Zur Sicherheit für beidi Site würd i aber en Vertrag mitenand mache.. wo eifach churz dine stoht wär wem gäld uslehnt, wie viel und bis wenns wieder zruggzahlt isch.. es isch denn au eifacher, denoch zfroge i han das mit mim mami au gmacht, wos um mis Auto gange isch und au mit mim GG hani e chline Vertrag ufgsetzt gha, dass er mis alte Auto abchauft het.. me weiss jo nie, was passiert.. wenn zbsp. de schlimmst fall itrifft und die Person unverhofft stirbt und es de Partner nid verstande het, das Gäld uszlehne, wäred ihr denn glich abgsicheret.

mir hei eus au scho gedanke drüber gmacht, für was mir eus gäld wünsche.. do uf de site hets sogar sone chlini liste, mit wieviel me vom wäm ungefähr dörf rächne.. eifach so chli e richtliste; find i no guet au wenn me sälber an es hochzyt goht..
25.03.15 12:51
crivosa 

Re: Bräute 2016

oh sabsy würsch üs de link inetue vo dere liste...wür mi no interessiere...

oder noch was mueni sueche?
25.03.15 12:59
Baguette

nicht registriert

 Re: Bräute 2016

Ich finds au nid schlimm. Mini Schwöster het mr au scho gseit, dass ich zu ihre ka goh, falls es finanziell nid würd ufgoh mit de Hochzyt. Ich hoffs ämel nid, wel mr scho mega ufpasse, dass mr nid überem Budget hürote

Ich fänd die Liste au no interessant :-)
25.03.15 13:11
Sabsy_87 

Re: Bräute 2016

I darf no keini links poste

unterem grosse rote heiraten-logo sind Tipps und denn ganz zunterst unde "Wie lassen wir uns beschenken?"
25.03.15 13:23
silenzia 

Re: Bräute 2016

Wow, das sind aber z.T. rechti Beträg du

25.03.15 13:25
crivosa 

Re: Bräute 2016

findi gad au...aso I denke nöd das mer mini gschäftskollege so viel gäbed...wenn den wenn gsammlet werde wür aber bi üs ischs eher so das s team mitenand was git...
25.03.15 13:32
silenzia 

Re: Bräute 2016

crivosa:
findi gad au...aso I denke nöd das mer mini gschäftskollege so viel gäbed...wenn den wenn gsammlet werde wür aber bi üs ischs eher so das s team mitenand was git...

Han nu denkt bi "Begleitperson": 100.-, und die ander Person (z.B. Gschüschterti) 300-600.-, da isch denn zeme en rechte Betrag findi...denn hetted mer luut dere Lischte minere Schwöschter zwüsche 400 und 700.- "müesse" schenke...I verdien jo guet, aber gad so?

25.03.15 13:43
Sakanas 

Re: Bräute 2016

Geld uslehne
Also i finds au nöd schlimm... i persöndli würd afoch d'Asprüch bitz reduziere und halt spare sust.
Aber denk no dra, du bechunsch sicher ufs Hochzyt wieder en grosse Teil über Gäst sind doch of au grosszügig.

Geld schenke / übercho
was hend ihr do für en Link? Irgendwie gseh ich das nöd mit dene Beträäg?
Mir hend üs das au überleit, de Brüeder vo mim GG hürotet jetzt de (zivil im chline Rahme).. wieviel schenkt mer do... (?) finds u schwer.



Ja ja das liebe Geld. Momentan hend mir au u viel Rechnige... (Stüre, Ferie für Mauritius, etc.) Baaaa

 1 .. 55 .. 107 108 109 110 111 .. 163 .. 214
Eigentlich   Location   Baguette   Hochzeit   irgendwie   Familie   homepage   Sakanas   Zuletzt   wirklich   hochziit   crivosa   chandini   heiraten   natürlich   Zeremonie   Fotograf   bearbeitet   einfach   Willkomme