oh nei sakanas das tuet mer so leid! druck dich au ganz fescht! es isch so trurig wenn mer ghofft het das na chönd debi si....aber du wie du seisch, het er es schöns läbe gha und het chöne mitem gedanke ischlafe das du guet versorgt bisch und dini ander hälfti gfunde hesch! und s wichtigschte für d Opas isch doch immer dases allne guet gaht und si wüssed das ihre job guet gmachd hend!
Min grossvater isch leider au schwer chrank und sin gröschte wunsch wer na binere hochziit vo eim vo sine enkel debi z si, drum berüehrt mi das gad sehr! Wünsch euch viel chraft!

danke euch allne für d antworte! budget zruggschrube gaht gar ned, asprüch hemmer eh scho fasch kei! drum müemer etz mal luege, ich würd wenn den sicher mis mami fröge will sie würd mir nie drirede, egal wie doof sie find was mir devo würde chaufe fürs hochziit!

So, ich mues etz den schowieder id Klinik!

Planed schön wiiter

Sakanas, Mis herzliche Beileid für dich und dini Familie. Ich wünsche oich ganz viel Chraft und positivi Energie!

Oh nei Sakanas, mis herzliche Biileid Sooo trurig..

Villicht als chlini Idee für dis Hochziit, damit din Opi trotzdem uf e Art debi isch: Es Kollegepäärli het bi ihrem Hochziit für di wichtigste Lüüt wo verstorbe sind und drum nöd hend chöne am Hochziit debi si je e grossi Cherze ahzündet. Die isch denn ufm Tisch bi ihne vorne gstande und dRednerin het extra all Gäscht druf hii gwisä das die Cherzene es Symbol seget für die wo hüt leider nöd chöned debi si.. Han das uu schön gfunde gha.. Villicht wär ja das au öpis für eu und du hetsch din Opi glich uf e Art debi

Geld Gschenk:
Aso wenn mir as ganze Fäscht glade gsi sind, hend mir amig 100 pro Person geh, bim Apero amig 100 als Paar. Aber etzt bi dene drü nöchste Hochziite werdemer wohl meh gäh.. Döt simmer jewils as ganze Fäscht iiglade und sind zudem no ganz gueti Kollege vo mim GG und i has mit de Brüüt au sehr guet :) mol luege, tüemmer villicht de Betrag denn grad mol verdopplä..

Musig:
Ja aso i fänds au mega schön wenns öper live cha singe, aber ebe es muess öper guet si, da het mich döt a dene zwei Trauuige wos eher chli schief tönt het eigentli no recht gstört gha und i bi jo döt nur Gast gsi
Hihihihi Cream, Musik wüssed mir au scho länger wa mir wend, au no vor de Location

@lostheaven
Oh wow wunderschöni Idee. Tueni mir grad useschriebe... well mis scho längere verstorbene Grosi luegt jo au vu obe zue und für sie wärs denn au öpis. Danke vielmols!

Ja has ebe au e total schöni Idee gfunde und me weiss ja leider nie, wenn im nohe Umfeld öper muess die Erde verloh ...

Geld uslehne:
I verzell immer mol wieder dihei was grad so lauft und was we viel chostet .. und teilwiis halt au wenn mir öpis ztüür gsi isch .. mis Mami seit denn jedes mol, muesch dir kei Gedanke mache ums Geld mir zahled denn imfall natürli au öpis a das Hochziit soooo lieb vo mine Eltere.. si sind eifach riisä Schätz
ich seg denn immer: Mami ihr sind eifach di beste Eltere würkli und i freu mi sehr, aber i probier trotzdem mis Budget iizahlte, eifach well mir teils Sache au nid meh Wert sind zum döt meh Geld usgeh Da find si denn au immer e gueti Idee.. aber jo si deponiert all pot mol wieder bi mir das si denn au gern öpis möchtet überneh

Aber jo üses Hochziit susch isch eigentli so planet das mirs selber chönd finanziere. Nochane simmer denn eifach Pleite aber da macht jo nüt

Iladige:
I glaub ich würs nochane verschicke... eifach wells au susch no chli gar früeh isch nöd? und isch doch schön wenn scho öpis mitm neue Name chasch mache

Sakanas, das duet mir schrecklich leid weg dim Opa. Schön heter so ruhig und alt und friedlich dörfe sterbe, aber glich ischs ganz e truurigi Sach. Die Idee mit de Cherze fendi au super. Mir werde sogar Föteli ha vo jewils eusne Grossvätere. So e chliine Bilderrahme mit de Fotis. Findes halt au schad sinds nid debi....

Geld, findi guet gsehnd ihr das au so wie ich. Mitem uf Gästgschänk "hoffe".

Iladige, wörki schwer. chascjs nid a dem Tag grad verteile? Schicke? Im Sinn vo: heute haben wirs getan, in 8 Monaten dann mit euch....
Kei Plan, sorry :-)