| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Bräute 2016
 1 .. 57 .. 111 112 113 114 115 .. 165 .. 214
26.03.15 07:30
silenzia 

Re: Bräute 2016

Sakanas:
Iladige
Ha no e Frögli. Mir hürotet jo zivil recht viel vorher (8mt vorem Kirchliche) und drum wüssed mir nöd, öb mir d'Iladigscharte fürs Chirchliche nohher sölled verschigge + i halt scho mit em neue Name druf sto. Oder wie würded ihr das mache?

Machsch für's Kirschliche std-Chärtli? Denn würis nöd vorher verschicke, d Lütt wüssed jo de Termin. Wenn keini machsch würis vorher verschicke, sus chas würkli si dass Lütt scho Ferie plant hend (mir z.B. planet üsi Reise amel locker 11 Mönet im Voruus), und halt nu d Vornäme ufs Chärtli tue.
26.03.15 08:26
Sakanas 

Re: Bräute 2016

@Zug
Merci für de Tipp mit em Sänger. Isch emol uf minere Sänger-Lischte notiert
(die wohned in Kerns, dört isch min beschte Kolleg au her) *lach*

Silenzia
I weiss ebe nöd, öb mir Save the Date-Chartene sölled mache. I würd uf de Iladigscharte jo sowieso üsi Adresse druf schriebe, d'Frog isch öb ich de Meitli Name oder de Neui. I denk i würd glaub glich de Meitliname nä, dass halt die persone wo am Apero sind dass au wüssed dass ich das bin

---

Danke eu allne nomol fürs Biileid. I ha gester erfahre, dass min Grosspaps no im Spital z'Mittag gesse hät mit em Kommentar "sie müessed jo wieder zu Chräft cho" - da hät er zu sim Bettnochber gseit, de seg er is Bett glege und quasi mit vollem Buuch friedlich igschlofe und nüm verwached. Da tröstet mi sehr, well gnau so isch er xi.
26.03.15 08:47
silenzia 

Re: Bräute 2016

Sakanas:
Silenzia
I weiss ebe nöd, öb mir Save the Date-Chartene sölled mache. I würd uf de Iladigscharte jo sowieso üsi Adresse druf schriebe, d'Frog isch öb ich de Meitli Name oder de Neui. I denk i würd glaub glich de Meitliname nä, dass halt die persone wo am Apero sind dass au wüssed dass ich das bin

---

Danke eu allne nomol fürs Biileid. I ha gester erfahre, dass min Grosspaps no im Spital z'Mittag gesse hät mit em Kommentar "sie müessed jo wieder zu Chräft cho" - da hät er zu sim Bettnochber gseit, de seg er is Bett glege und quasi mit vollem Buuch friedlich igschlofe und nüm verwached. Da tröstet mi sehr, well gnau so isch er xi.

Denn würdi de Doppelname aneschriibe, egal wenn noch de Hochziit nu no eine hesch. Denn wüssed alli um wer sich's handlet

Tröschtend mit dim Grossvater, so chönd nöd vil Lütt goh!
26.03.15 09:54
Summer_2016

nicht registriert

 Re: Bräute 2016

Oh jö das isch aber schön das din Grosspapi so hät chöne gah Sakanas.

Me: ich han hüt na provisorisch hotelzimmer reserviert für euis und euisi Gäst. Mir ladet euisi Eltere, sini Grosseltere und eusi TZ na i zum Übernachte und wetet dän alli zäme am Sunntig na zäme zmorge ässe. Hmmm jetzt gits dän nüm so viel zum erledige woni jetzt scho chönt mache :( sängerin weissi voll nanig. Im Prinzip hani e gueti Offerte aber jetzt wänds na mega Fahrspese. Das regt mich chli uf.
26.03.15 09:59
Sakanas 

Re: Bräute 2016

summer_2016
cool wo übernachted ihr? I muess für eus au no öpis bueche, weiss aber nöd wo gnau...

Oh nei Fahrspese? Wieviel wends dänn?
26.03.15 10:39
Summer_2016

nicht registriert

 Re: Bräute 2016

Mir händ euis fürs Hotel Sonne in Stäfa entschiede. Isch nöd meeega chic oder so aber es isch halt nöch und schön am Hafe gläge.

Also 30 Minute afahrt chostet nüt. 30-45 chostet scho 30.- und dän gahts munter im 15 minute takt wiiter, jedi 15 Minute chost 10.-.

26.03.15 10:48
Summer_2016

nicht registriert

 Re: Bräute 2016

Lustigerwiis stört min Schatz das mit de Fahrspese gar nöd... ich fühl mich langsam chli wie en Walking ATM, de Begriff hani da in Asie ufgschnappt, passender chönts gar nöd si. Da wet eine nachli geld vo mir, am nöchste egge staht au wieder eine. Und ich als Bruut dörf munter Geld usspucke. -.-
26.03.15 11:13
silenzia 

Re: Bräute 2016

Huch, und i han im Internet mal es Budget zämegstellt und chum uf 20'000.-

26.03.15 11:22
crivosa 

Re: Bräute 2016

Locker...mer sind au bi 20'000 - 25'000
aber es isch sooo schwierig ebe, blueme, DJ und all die chlinigkeite kei ahnig was das alles chostet

mer hend defür e idee für gastgschenkli

mer lönd M&M's mit üsne buechstabe und üsem foti mache und mached den so säckli
26.03.15 11:30
Sakanas 

Re: Bräute 2016

@crivosa
Oh die M&M's sind super.... Und mega lecker! *mampf*
Mir hend die mol füres Fäschtli bschtellt als Gääg ... Und für mini CakePops hani die au scho brucht, wells ebe schön glichmässig sind.

@silenzia
Huuuufff ja mir au, locker

@summer_2016
i muess au no luege, in Maur ZH häts kei Hotels i de Nöchi *hust*
Viellicht Sonne Küsnacht, de fahred mir quasi afoch über de Högger oder mir leischted eus e Luxusding in Züri

 1 .. 57 .. 111 112 113 114 115 .. 165 .. 214
Hochzeit   wirklich   crivosa   Baguette   einfach   natürlich   chandini   Sakanas   hochziit   bearbeitet   Zuletzt   irgendwie   homepage   Familie   Willkomme   Zeremonie   heiraten   Location   Fotograf   Eigentlich