Hallooo Mädels,
Ich han Gester Musterpaket vo Carinocart becho und bi hell uf begeisteret. Bstelle au eidütig det dröber. :-)

I eusem All Inclusiv Agebot sind Menücharte debi, jetzt wisi nid obmer die sellet use neh und glich wie dyiladig mache? Oder öbi sell drin loh... Mir ischs ja ehrlichgseit egal wenn nid alles zeme passt :-)

Hallölleee Zäme

I meld mi au weder mol :-) Ha leider nöd eso vell Ziit gha zum im Forum mit zschriebe

Ehr hend jo mega vell gschrebe! :D Bemene Bruuttreff wär i also au debi. @Sakanas i schick der nachene no mini Mail und Wohnort, obwohl i eigentli flexibel was de Ort abelangt...

Also bi üs isch jetzt au no es bizli öpis gange. Mir hend mittlerwile allne vo eusere Verlobig verzellt :-) Scho no lustig, wie d'Lüüt unterschiedlich reagieret ! Vorallem hemmer üs jetzt mittlerwile definitiv för Hürote im 2017 entschiede (i hoffe i dörf glich chli do mitschriebe ) und zum teil verlüüred d'Lüüt denn grad s'interessi dra, wells jo no sooooo lang gaht xD tjojo... aber för eus stimmts so :)

Locations gömmer glich goh aluege und letscht Donnstig simmer s'Haus am See in Züri goh aluege... ES ISCH SOOOO KRASS SCHÖN!!! aber mer müend det mitere Eventplanerfirma zäme schaffe. Das chönti no tüür werde. Jänuu jetzt mal Offerte abwarte

uuuund hüt het mich min GG miteme Verlobigsgschenkli öberrascht.... DE WAHNSINN! Er het mer eifach es Downhillvelo gschenkt!!! Und d'Rahmefarb isch i eusere Hochziitsfarb hellblau, wo mer bi de Iiladigscharte und Deko gern möchtet dure zieh ich hätts nie erwartet :D han soooo mega freud! Mis alte Velo isch ebe scho 8 Jahr alt und langsam nüm so guet zum fahre und jetzt han i eifach es Neus ...

uf Facebook hets übrigens no en cooli Siite uf Facebook zum like wo i entdeckt han: Weddix - kenned ehr scho?

Wie möchet ehr das eigentli so mit Spirituose am Fest, hend ehr das scho besproche? Welli düend ehr offeriere? Mer send ebe vo dere Eventplanerin gfroget worde. (Also ned dass mers scho unbedingt definitiv müesstet wüsse, aber eifach mal för d'Offerte)

jooo das wärs so vo eus :D

liebs Grüessli

Cool Sakanas, sie hani ebe au gseh :-) aber i cha jetzt eifach na nix chaufe....

Locy gell isch wörki interessant wie alli reagiere... So unterschidlich. Und bi eus hend au mega vell sInteresse verlore wos ghört hend sisch im 2016. Und au jetzt düends amigs blödi sprüch mache(mir siget früeh dra ect)
Klar chasch debi bliibe au wenn erst i 2 Jahr hürotisch :-)

I freumi ufs Brüteträff...

HalliHallo

Südafrika: Wow, die Bilder vo Südafrika si scho der hammer - haach es wär eifach ä Troum

Iiladigskarte: Vo CarinoKarten hani no nie ghört gha, bi aber grad chli ga luege und gseht würk guet us - -danke füre Tipp! Mir isch ono d Site sendmoments empfohle worde, finde die sache wo si het oh sehr schöön...

Sakansas: Ui so cool, i wet oh gern scho öppis mache fürs Hochziit - chönnt nid so Endi Jahr si ?!

Wünsche allne es schöns Weekend