So nochm Motto: Ich kam, sah und siegte, hani am Zistigobig schwups mis Kleid kauft und zwar genau das wo ich im Schaufenster gseh ha, aso das weg dem woni überhaupt de Termin abgmacht ha

Freued eu druff, wenn ihr es erste Mol gönd go Bruutkleider probiere. Es isch eifach sooooo toll gsi All die viele schöne Kleider, ha scho liecht Panik gha das ich mich nie wird chöne Entscheide.

I ha öpe 10 Kleider probiert, nur nid das usm Schaufenster, und öpe 5 hend mir super guet gfalle.. Lustigerwiis fast alli vo de gliche Marke we mis Kleid jetzt au isch und am Schluss het dVerkäuferi gmeint also sölli jetzt das no usm Schaufenster hole? Hani zerst umedruckst (ha ihre ke Umständ welle mache) hets aso fast nöd ahgleit, vor allem welli scho en Favorit bi de andere Kleider gha ha wo ufm "Guete" Stapel gläge sind. Si het denn gmeint es machi gar kei Umständ und hets gholt, zum Glück

Ich has ahgleit und mini Begleiterinne und ich hend sofort gwüsst, dass es da Kleid isch und kei anders. I ha den mis Favoritekleid usm vorherige Huufä glich nomol ahgleit und denn nomol da woni jetzt kauft ha und es git kein Zwiifäl es isches eifach

Also bi grad total Happy, Kleid isch kauft, dHochziit chan cho

Für alli wo us de nöchi vo Schaffhuse und Umgebig chömed, ich chan also de Bruutlade Magnolia in Schaffhuse sehr empfehlä. Berotig isch top gsi, bin vo de Chefin de Frau Maurer bedient worde. Sie het sich ah mini Budgetvorstellige ghalte und het au immer erlich gseit öb es Kleid passt oder nöd und wenn nöd worum nöd. Aso würkli guet. De Lade gseht vo usse sehr unschinbar us, het aber doch e grossi Uswahl au i Sache Obigkleider.

Oh gratuliere zu deinem Traumkleid! Yeppi das klingt super!
Ich bin aus Winterthur und schau im Frühling, werde mir aber deinen Tipp notieren...

nicht registriert

lostheaven Super, gratulier dr! So cool, ischs grad das gsy! Ich ha ebbe au scho Bammel drvo, dassi keins find Muesch uns denne unbedingt Fötteli zeige, bi scho ganz gspannt was mr alli für Kleider wärde ha am Schluss

Hallo zäme,
Au ich döf zu eu stosse obwohl mer en vercherti welt händ.
Mer send sit sechs johr zäme, vor vier johr schwanger wurde ond huus baut. Befor euses chind cho esch hämer welle standesamtlich hürote, aber i han keis grosses fäscht hochschwanger welle also hämer kirche mol gstriche. Jetzt hämer scho zwei chind, aber au es Datum für eusi traumhochzit am 27.8.2016. deför hani de atrag nonig de söt den auno cho also wörkli alles verchärt ume
Freu mi risig do mitzlese

Baschtled ihr dChartene selber oder wo mached ihr die?

Danke. Eusi zwei chind send jetzt 4i ond jährig, freumi wens den vor eus herlaufend.

Summer: wie viel hesch för chärtli zahlt? Be ebe au am öberlegge lo zmache lo.