| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Bräute 2016
 1 .. 71 .. 139 140 141 142 143 .. 179 .. 214
17.04.15 15:27
silenzia 

Re: Bräute 2016

cream_tangerine:
Ich muss nöd 40 Franke für eh Fläsche Wi zahle, wenn ich für 17 Franke au en guete bechum

Aso mir hend es Budget vo 15.- pro Fläsche. Das ist eine wo im Restaurant mind. 50.- koschtet . En Caterer finde wo d Getränk selber chasch bringe isch no schwer, mit dem verdieneds jo amel no recht.

I wött ebe no Drinks abüüte und zwar so:


Die chamer guet vorbereite und wenns immer schön küehlt sind passt da.

Wie tüür s Giardino Verde isch weissi nid, s gitt jo verschiedeni Rüüm womer chan ha. Eifoch mal afroge?
17.04.15 15:32
Sakanas 

Re: Bräute 2016

Cream_Tangerine
Jep bin am Geburi vom Grosi dört gsi. Isch aber au scho wieder es paar Jährli här, aber mega schöö gsi. Und d'Ussicht bi offner Sicht isch natürlich de Börner.

Sust bi Waldhütte hetti also
- Waldhütte Cheiberiet bi Illnau sehr zempfehle. Mega e tolli Hütte (google findsch Infos). Hend dört em GG sin 30 Geburi gfiired. Wirkli toll!

- Giardino Verde gseht mega us, aber priislich au hoch. Aber bruchsch sicher kei Blueme

- Gasthof Gyrenbad (bi Kollbrunn), das chönti eu au no gfalle. Isch eppis zwisched rustikal und modern... also meh rustikal...(www.gyrenbad.ch)


Wii
Mir nähmed glaub de Wii vom Restaurant. Isch halt de schnell viel türer... I müesst mol froge wieviel Zapfegeld die würded heusche wenn ich en selber bring... (und öbs glich tüür chunt de...)
17.04.15 15:33
cream_tangerine 

Re: Bräute 2016

Oh ja, das gseht mega toll uus! Ich han mer au so öpis ähnlichs überleit, aber mit ere Bowle

Ich schriebe am Giardino Verde mal, denn xehn ichs ja denn i de Offerte

18.04.15 19:10
cream_tangerine 

Re: Bräute 2016

Sakanas
Ja d'Ussicht isch de hammer, wenns schön isch

Hütte Cheiberiet gseht wüki cool uus! Han nur gad gseh max. 45 Lüt, da chunt denn druf ah, uf wie viel Lüt mier ois einiged fürs Fest Min Papa het 4 Gschwüsterti und oisi Familie staht sich mega nöch, aber mer gsehnd ois immer nur an so Fester, wills eifach zviel Ufwand isch, immer wieder mal alli ztreffe. Dorum wür ich gern die ganzi Schwetti ilade, aber denn sind mer scho schnell bi 45 Lüt mit susch nah Familie und Fründe

Gasthof Gyrenbad han i gad ufd Liste tue, gfallt mer sehr guet! Danke für de Tipp!

Wii
Ja, wenn mier im Resti oder Hotel sFest mached, würded mier en au vo det näh. Zapfegelder sind amigs nah recht höch, denn lohnt sichs eigentlich fasch nöd, usser wetsch unbedingt 'din' Wii ha

18.04.15 19:13
cream_tangerine 

Re: Bräute 2016

Huuui han gad ghört, dass all Samstig im Mai und Juni negscht Jahr i de Moschti bsetzt oder reserviert sind, hoppla! Defür hends mer bim Triibhuus gseit, ich seg nah sehr früeh dra, normalerwis fanged bi ihne dReservatione ersch im Spöt Summer ah. Und vom Schloss Grifesee weiss ich, dass sie immer am letschte Oktober Wuchenend dDate fürs negschte Jahr ersch freigebed sooo viel Underschid!!
18.04.15 22:16
Sakanas 

Re: Bräute 2016

Cream
Ja luegsch emol. Also im Gyrenbad ischs mega toll. mindestumsatz hends 1400.- aber da het mer ja locker:-) cheiberiet isch mega vorallem wenn chasch dusse hogge. Tuesch emol
Luege!

Off dMoschti isch begehrt (?!?!?) krass!
18.04.15 23:34
Summer_2016

nicht registriert

 Re: Bräute 2016

@ cream_tangerine: han dich jetzt au grad wele vorwarne das es chönt schwer werde i de Moschti für nöchst jahr na öpis zbecho, vor allem i de Hauptmönet... Ich han im September 2014 agfrôget gha für September 2016 und euises Wunschdatum isch scho vergäh gsi...

Bi euis lauft so guet wie nix in Sache planig. I 5 Mönet tuet mini TZ d'STD chärtli verschicke, chans chum meh erwarte! Mal luege was für Reaktione us de Familie chömet. Die meiste werdet sich mega freue aber bi mim Schatz i de Familie häts eine wo so mega anti Hochziit und Chind isch (selber aber verhüratet isch und es Chind hät) und ihn scho paar mal versuecht hät z'bearbeite, de 'Fehler' nöd zmache...

Da i de nöchi vo euisem Hotel womer grad sind häts en Bruutlade wo grad 70% hät. Han lang überleit öbi mal söll go luege weg Accessoires aber lahns glaub. Han ebe im Schaufeister gseh das sie na herzigi diadem händ, aber zum mitnäh uf de Reis isch das bitz heikel und zum heischicke au... Hihi ich glaub chum sind mir dihai fang ich a züg zämebstelle wie e irri

20.04.15 07:11
silenzia 

Re: Bräute 2016

cream_tangerine:
Und vom Schloss Grifesee weiss ich, dass sie immer am letschte Oktober Wuchenend dDate fürs negschte Jahr ersch freigebed sooo viel Underschid!!

Isch bi üs im Schloss Dottewil, wo mir möchted Trauig und Apéro mache au so. Die stelled ihres Eventprogramm zeme und di freie Termine chamer denn no ha. Hend jetz mal no Plan B und C zämegstellt und gönd noch üsne Ferie mal a beidne Orte verbii go luege.

@Summer_2016:

Aso i han dennzmol Glasware vo Südafrika mit de Poscht heigschickt, isch alles ganz acho. I würds aso mache

20.04.15 07:53
Sakanas 

Re: Bräute 2016

Hi Mädels
Hender e guets Weekend gha? Und eppis fürs Hochziit chöne mache?
Mir hends super gha und fürs Hochzit nix tue, gönd aber hüt anes Kennelerngspröch zum Fotograf. Bin mega gspanne
20.04.15 08:20
silenzia 

Re: Bräute 2016

Sakanas:
Hi Mädels
Hender e guets Weekend gha? Und eppis fürs Hochziit chöne mache?
Mir hends super gha und fürs Hochzit nix tue, gönd aber hüt anes Kennelerngspröch zum Fotograf. Bin mega gspanne

Mir hends super gha. Alles womer chönd organisiere isch gmacht, am Fritig flüged mer zerscht mal id Ferie und im Mai denn fömmer a mit Locations aluege und bespreche, wöll mer jo en meeeeega Sonderwunsch hend, da müemmer zerscht mal öppert finde wo da mitmacht

 1 .. 71 .. 139 140 141 142 143 .. 179 .. 214
homepage   Fotograf   Willkomme   Location   Eigentlich   heiraten   irgendwie   wirklich   hochziit   chandini   Hochzeit   natürlich   crivosa   Familie   einfach   Baguette   Zeremonie   Zuletzt   bearbeitet   Sakanas