Also mir hend au mega schnell bscheid übercho...chasch jo mol easy nohfroge Defür wartet mer scho sitme monet uf e ersti offerte vo de fotografin...si het glück das mer so unbedingt si wänd...sust fänd is echt au doof Aber me hend halt immer no so viel ziit
Ring Mer werded sicher in DE luege weg neue CH isch üs echz z tür... Was no e option isch...me wänd em goldschmied froge ob mer üsen fründschaftsrinh cha ufmotze...fändi eifach schön well er üs sit anbeginn begleitet.
Ehevertrag etc.
Mir werded au standard errungeschaftsbeteiligung mache...me vediened fasch glich viel Usserdem isch hürote für üs e sach vo vetraue und alles teile...aso au s geld.
Bi chind gits jo den d möglichkeit vome erbschaftsvetrag...sust cha ebe under umständ bi chind de ehemaa no leer usgoh...irgendwie sowas
yeaaahh jetzt het sie grad gschrebe weg de Offerte... Sie heig mega stress aber sie meldet sich negst wuche :D voooll EASY! :)
Ehevertrag joo weg de Chind... i find eifach, dass sobald öper Kariere för Kind ufgeht, sell er entsprechend au "Lohn" oder so öbercho... also es selled doch beid Ehelüüt chöne Geldspare för sich. Oder sich mal öpis speziells chöne leiste... I ghöre vo so vellne Fraue, wo bi grössere Aschaffige immer de Maa müend froge, öb sie das dörfed und i find, mängisch sell me sich au öpis chöne leiste, ohni dass me muess froge. Aber för das selled halt beid Ehelüüt au glichviel Geld pro Monet öbercho... Min GG denkt det öpe glich und isch halt au för en "dehei bliibe lohn"... also alles natürli entsprechend em Iikomme... sooooo mega gross werdet die Summe wahrschindli nöd so :D
Erbschaftsvertrag
wörkli? Ehemaa enterbe? De chunt doch vo Gesetzeswege immer 50% über. Also ämu bim gmeinsam erworbene Geld. Wenn du jetzt wördsch erbe oder en Schenkig vo dine Eltere oder so öberchunsch, denn chunt din GG nüt öber, sofern du kein Ehevertrag machsch. Also so han ich das verstande :D
Also ganz genau hani do no nix agluegt i weiss nur vo de kollegin wo vezellt het das bi ene so gsi wär das er nix übercho het well alles ad chind wär und das geld jo den gsperrt wird bis 18ni sind.
Bin aber nöd sicher wie det de güeterstand gsi wär/isch
I find au d frau sött sowas wie lohn kriege...bruche wird si jo scho nöd so viel do jo alles wo mue zahlt werde über s gmeinsame konto lauft. Mer werdeds aber au so ha das beidi eifach no es sparkonto hend wos chönd uf d siite tue
crivosa:Also ganz genau hani do no nix agluegt i weiss nur vo de kollegin wo vezellt het das bi ene so gsi wär das er nix übercho het well alles ad chind wär und das geld jo den gsperrt wird bis 18ni sind.
Jo aso nochere Scheidig hend beidi Ex-Ehepartner kei Arecht me uf Erbe, das isch scho so. Denn gönd d Ateil ad Chind über.
Also ebe ich muess si do nomel froge well si het mer gseit: wenn mit mir was passiert wär, sprich im Fall vo Tod oder so...hetti er nix übercho und wär dementsprechend gar nöd durecho ohni schaffe mit zwei Chind. Aber ich finds au echli komisch und chume do sowieso no viel zwenig druss.
Jo also wenn de Frau eppis passiert isch es für de Maa u schwer durezcho ohni schaffe, sofern mer sich nid privat mitere Lebensversicherig abgsichered het. I denk mir mached au Ereungeschaft und denn sicher no Lebensversicherig, damit beid abgsicheret sind. Sind schono mega viel Froge und Sache zum abkläre ...
crivosa:Also ebe ich muess si do nomel froge well si het mer gseit: wenn mit mir was passiert wär, sprich im Fall vo Tod oder so...hetti er nix übercho und wär dementsprechend gar nöd durecho ohni schaffe mit zwei Chind. Aber ich finds au echli komisch und chume do sowieso no viel zwenig druss.
Jo frag nomol. Solang mer nid gschide isch, bechunnt doch de Ehepartner e Rente, d Chind au und s Erbe goht an Ehepartner solangs vertraglich nid anders greglet isch. Ussert es isch e Güetertrennig.
Erbrecht Wenn mer kein Erbvertrag + kei Testament hät, bestimmt s'Gsetzt wer Erb. Ehema/Ehefrau isch immer erbberechtigt. Bi de reschtliche Familiemitglieder laufts noch em Verwandtschaftsgrad.
•Verwandte des ersten Stammes sind Ihre Kinder und Grosskinder •Verwandte des zweiten Stammes sind Ihre Eltern, Ihre Geschwister und deren Nachkommen •Verwandte des dritten Stammes sind Ihre Grosseltern und deren Nachkommen, das heisst Ihre Tanten, Onkel, Cousinen und Cousins.
Het mer Verwandti vom erste Stamm, so erbed die und de Ehemaa. De Rescht chunt nünt über! De dritt Stamm erbt nur, wenn Stamm 1 und 2 nöd vorhande sind und de Ehemaa/Ehefrau bereits verstorbe isch.
Also Bispiel: Ich stirb, hinterloh Maa und 2 Chind. De chunt de Maa 1/2 über und d'Chind zämä 1/2!
Ich stirb, hinterloh Maa und kei Chind. Defür no mini Eltere. De chunt de Maa 3/4 über und d'Eltere zämä 1/4.
Danke Sakanas für d Erchlärig...so gsehn ich das ebe au I denke mini Kollegin het do was vewechslet gha oder es isch d Lag gsi bevors vehürotet gsi sind... Soviel I mi mag erinnere isch s erste Chind ebe cho wos nonig ghürote gsi sind
Anmelden
aber sie meldet sich negst wuche :D voooll EASY! :) 