nicht registriert

Dresscode mir händ gschriibe 'smart casual: wir bitten um dem feierlichen Anlass angepasste Garderobe'. Und dän eifach ma ergänzt das wiis de Bruut vorbehalte isch und d'Manne bitte all i lange Hose söllet cho aber das es kei Krawatte brucht. Ich hoffe, das au niemert i Jeans iftaucht, ich hets gern na anegschriibe aber min GG findt das seg zviel verlangt vo sine Apero-Kollege. Weiss au nöd, für mich isches au selbstverständlich dassmer nöd i Jeans anes Hochziit gaht, usert es staht usdrücklich, das es erlaubt isch.

Chind am Hochziit wie handhabet ihr das? Dörfet chind jeden alters cho oder nir älteri oder gar kei? Mir händ alli däbi (Alter 2-8) aber werdet vermuetlich en seperate Tisch mache und nae Nanny engagiere, damit d'eltere au mal bitz rueh händ am abig. Weiss nur nanig weg de Zeremonie. Ich wet de moment eifach chöne gnüsse ohni 'störige', tönt mega bös ich weiss

nicht registriert

Oh ja stimmt, das muessi na apasse. Aber ebe das stimmt scho, Jeans guet kombiniert würd eigentlich au gah, aber wän eine mit Jeans und t-shirt uftaucht findis scho sehr unpassend.

Mir liebed Chind au und si sind herzlich a de Trauuig und am Apéro iiglade und am nöchste Morge zum Brunch. Aber mir werdets vermuetli am Obig denn nöd debi ha.. Es sind bi de gladene Gäscht nu 2 -3 Chind und die sind denn alli erst 2-3jöhrig und drum hemmer denn dänkt es wär villicht gschider am Obig ohni. Da mir sowiso am Obig sehr zental i de Stadt fiired und all rund ume wohned wärs au ke Problem die Chind döt denn abzholä loh vo de Grosseltere oder so. Mir wend eifach chli verhindere das sich die denn früeh verabschiedet well die Kiddies hei mönd go pfuusä. Aber entschidä hemmer nonid defintiv.. Mol luege

Hoi zämmä

Bi au wieder mol ume :) han grad chli sträng gha, sind in Frankfurt gsie bi de Familie vo mim GG und denn hani letscht wuche no gchündet im Gschäft.. han endlich e neui Stell gfunde..

Chinder:
Mir händ nüt gege d'Chind an de Hochzyt, aber leider hets bi Eus nonig so viel ume. Am Apero eher.. nochane am Fest wäres nur 4 Chind und i glaub, mini TZ het de Tag gnueg "Stress" und möcht Ihri Chind wahrschinli nid debi ha, emel zobig nid, sie möchte au bis am Schluss chönne bliebe.

Dresscode:
Mir wärde au öbis in dere Art wien ihr aneschriebe, langi Hose, festlich gekleidet oder so.. mir isch no gseit worde, dass me d'Iladigscharte scho in de Farbe vo de Hochzyt söll mache, will es git viel, so sich denn nach dere Farb richte, wo du uf de Charte hesch..

Whats app:
Bini au debi, schick Dir no mini Nr. per PN, Sakanas