übrigens, hani gester welle d Homepage ahfange, und es isch scho gratis bi zankyou aber natürli au nur bis zume gwüsse teil... dänn chasch für nomeh funktione dänn natürli es abo löse... nur zur info. bin zerscht däfo usgange, es seg kostelos... :(
Wie hend Ihr Brütlis das mitem Nachname? Nämed ehr de Name vom Maa ah? För mech esch scho laaaang klar das ech sin Name ah nimme....aber finds no wetzig ihn chli z necke mit "och....du chasch doch au mine ahneh" und so er finds zwar ned so lustig. Hed letscht weekend zu mer gmeint ob ech ez eigentlich sin Name werd anä.........hender au scho d unterschrift güebt? Bi mir gsehts no doof us....vorallem welli s "R" am schluss ned chan chli schriebe. "R" und "B" sind bi minere Handschrift halt immer Gross x) aber das werd sech mit de ziit den scho "Rechtig" afühle...
Nachname I wärd de vo mim GG anä, da isch für mich klar. Und das wird au de gmeinsami Familiename falls mol Chind sötti gä.
Homepage Leider isch fascht nix gratis wenns ums Hochzyt goht. Ussert mer hät x-tuusig Werbig druf. Mer hend eusi Homepage vo ichwuensche.com Find die gsend u toll us dört
Ich nimme au sin Name ah, wirde denn aber evtl unoffiziell en Allianz Name füehre. Ich chan michnanig hundertprozent vo mim Name verabschiede
Emely So lustif, ich schriebe s'R' au gross bimhandschriftliche und er het ebe au es R im Nachname, han Underschrift scho güebt, bin mer aber nani einig wie ichs denn mach
Name: also ich nimme au sine ah... aber das isch nöd immer so klar gsi. mir händ immer chli gwitzled und so... will ich eigentli min Name scho no schön finde, und nacher hani en Name wo chli speziell isch und sicher au nüm so eifach wird. ich wirden immer buechstabiere müesse (guet, das mueni bi mim eifache au :) ) aber nacher hani es yj am schluss und er isch soooo lang, dass en alias Name nöd in frag cho isch. :) aber mer händ dänn immer gseit, mer mached en 3kampf zum um dä Name z spiele... händ mir aber schlussäntlich nöd gmacht :) ich han ihn dänn, wo mer mal konkret über d hochzit gredet händ, han ich ihn dänn gfröget, ob ers schön finde würd, unds ihm wichtig isch, dass ich sin Name ahnimm... nach afänglichem umedruckse hätter dänn gmeint, "ja wär scho schön..." und somit ischs für mich entschiede gsi. han mich innerlich scho lang damit usenand gsetzt und für mich das eh scho entschiede gha... aber isch glich schön z ghöre :) hihi.
wasi no viiiiel besser gfunde hett, würded mer in östrich Standesamt mache (er isch en östricher) dänn chönt mer sich au en gmischte Name uswähle, sozäge eine zämäschniedere... und das wär perfekt gsi. aber gaht halt bi eus nöd... :(
ja, sin vater hätt dänn au freud, glaub ich, wänn er erfahrt, dass ich sin Name ahnimme :) usserdem han ich soviel Cousins vo vater site, dass min Name eh witergäh wird :D
I werde ebefalls en namewechsel vornäh. Mi nervts de lüt immer de name 2-4mol müese z buechstabiere, und erkläre woher de name chunt. Naja obwohli eich min name gern ha. Aber ihm bedüteds soooooo viel weni ihn animme. De machi ihm de gfalle und werde hat e "Schmid" hihi
Ich nimme au sin Nachname a. Isch für mich nie anderst in Frag cho, bin da ziemlich traditionel. Usserdem bini nöd soooo truurig wän ich min italienische Nachname gäg en schwiizer chan tuusche
Schon bald feiern wir unseren ersten Hochzeitstag Wir hatten eine tolle Abendlocation und ich habe praktisch die ganzen Dekosachen selber gebastelt. Jetzt möchte ich gerne die Deko und ein paar andere Sachen verkaufen und hoffe, dass ein anderes Brautpaar genau so viel Freude daran hat wie wir!
Insgesamt habe ich abzugeben:
-1 Stempelkissen (diverse Lila) und Stempel "Einladung" -11 kleine Bilderrahmen, zum Beispiel für Namensschilder oder Tischnahmen -26 weisse Schmetterlinge -13 grosse (ca. 12cm hoch) Gläser mit Spitzenbänder in rosa/weiss (38 Stk) und weiss/beige (10 Stk) -48 kleine (ca. 5-7cm hoch) Gläser mit Spitzenbänder in rosa/weiss (10 Stk) und weiss/beige (38 Stk) -Diverse Spitzenbänder in beige, lila und grün (Richtung mintgrün)
Bei Interesse einfach bei mir melden - Preis nach Absprache.
P.S Die kleinen Gläser sind benutzt und haben zT noch Rechaud-Kerzen drin. Diese kann ich natürlich entfernen, Wachsreste würden dann aber wahrscheinlich schon bleiben.
Anmelden
er finds zwar ned so lustig. Hed letscht weekend zu mer gmeint ob ech ez eigentlich sin Name werd anä....
.....hender au scho d unterschrift güebt? Bi mir gsehts no doof us....vorallem welli s "R" am schluss ned chan chli schriebe. "R" und "B" sind bi minere Handschrift halt immer Gross x) aber das werd sech mit de ziit den scho "Rechtig" afühle...