Es Hoi de Neuzuegänger und mit Texter schön sinder da

Hey Coco
Ben au vo Luzern
Wenn hürotisch du?
Mer am 20.8. und ech han mer öberleit im Oktober/ November mol go luege da d Kleider ja den wahrschindlich scho % hend wenns im Januar ja die neue gid.

Ups Coco ez hanis grad glese....6 Tag nach eusere tüend ehr ja

Jo genau Emely, am 26. August isch euse grossi Tag.

Danke @cream_tangerine. :-) Wir kommen aus der Region Basel und sind hier auch sehr verwurzelt.

@rami90: Ich hab festgestellt, dass bei uns schon einiges ausgebucht war für unser Datum. Darum finde ich es wichtig, dass man grad die Eckpunkte schon sehr früh bucht.
Ist Euer Datum denn für die kirchliche Trauung oder müsst Ihr Euch noch um das Standesamt kümmern? Könnt Ihr ggf. einen Termin beim Standesamt reservieren bzw. einschreiben? Habt Ihr schonmal geschaut, was für Papiere Ihr zusammentragen müsst?
Nebst Location, habt Ihr auch jemanden der Euch traut? (also z.Bsp. Pfarrer, ist er dann noch frei?) Möchtet Ihr einen Transport für Euch oder Eure Gäste?
Möchtet Ihr einen DJ, Band, Sänger?
Habt Ihr eine vorläufige Gästeliste, damit Ihr wisst für wieviele Personen Ihr Offerten einholen könnt, bzw. wie gross die Location sein soll/muss?
Habt Ihr viele Gäste von ausserhalb, die ggf. Übernachtungsmöglichkeiten brauchen?

Sorry, ich werd grad übereifrig. Aber ich tendiere immer ein wenig zu überplanen und das waren die Punkte, die mir grad so spontan eingefallen sind.

nicht registriert

So, ich mäld mi au mol nachere Eeewigkeit! :-)
Härzliche Glückwunsch an die früsch verlobte und Willkomme in dere coole Rundi.

Schön bisch wieder do Summer! Hän drs no guet ka am Schluss vo de Reis?
Mis Mami isch momentan au sehr zrugghaltend...Sie freut sich zwar mega aber immer wenni sie nach de Meinig frog kömme immer so Sache wie: "Joo, das mien dir wüsse, do kanni nid so viel drzue sage.."
Sie wärde sich sicher au freue, wenn de Zytpunggt e chli nöcher ruckt. Es könne halte nid alli nochvollzieh das hützutags die tolle Locations eifach so schnäll wäg sin...

Cool Tanyanka, ich bi au vo Basel!

Mir hän grad füre Momänt alles scho gmacht, do mr de Termin bim Standesamt für am 14.05. au scho bestätigt beko hän. Jetzt sin mr chli am luege wäge Ring und sin d Yladige am gstalte. Mir hän uns entschiede die sälber z mache, wel mr gärn es "Booklet" hätte, wo au all die viele Infos Platz hän

Hallo Zäme

Meld mi au wieder mal do, obwohls jo jetzt scho es 2017 Thread git, aber det isch alles no chli ruhiger :D

Gratuliere allne neuling zur Verlobig! :-)

@Summer hoffe dini Reis isch no cool gsi! Und lah di nöd z'fest loh abezieh vo de Familie. Mini isch au chli so... mittlerwile hend sie sech es bizli an Gedanke gwöhnt, dass mer Hürotet. Aber defür chömed jetzt so Sprüch wie "also wenn das so isch, chum ich nöd a euchi Hochziit" EXTREM DEMOTIVIEREND!

me: also bi üs isch jetzt au einiges glofe :D mir hend mittlerwile en Location für am Obig, en Pfarrer und i bi scho 2 mal Hochziitschleider goh probiere (Eifach mal so chli zum luege, was mir öpe wörd stoh) Es isch de HAMMER gsi :D chas eifach nur empfehle emal chli goh umeluege was es so git und es macht mega spass! I be nur mitere Kollegin gsi goh luege und mir hends mega lustig gha. Vorallem weiss i jetzt scho chli, was i denn nöd unbedingt muess aluege und was mir öpe stoht und gfallt.
Als negsts kümmere mer eus um d'Chille und um es Schiff ufem Zürisee. :-)

was lauft bi euch sust no so? Hend ehr no Tipps för Sängerinne oder Bands? :-)

liebs Grüessli

Loc-y-