Ja lönd eu nid abezieh vo so Sprüch - kenne da nur zu gut aber meh jetzt weg mim Polteri...
Mir sind gad am Sänger/inne für dChile am sueche und treffed hüt OBig gad eppert vo eusere Region. I finds amel u schwer zum uslese ufgrund vo Soundproobe:-( glaub da mue Persöndli afoch giige. DJ müemmer naher au in Agriff ne.
Aso ech han au noni so vell Freud vo Familiemitglieder erfahre. Janu...chund den hoffentlich no.
Ech han no ganz anders "Problem". Han mit minere Muetter set öber 6 johr nömme werklich gredt. Wasi aber dra ben am ändere. I dere hisecht beni uf negscht Mittwoch gspannt. ob mer das schaffed bes negschtjohr, d beziehig weder chli ufzbaue...
Zur Planig:
Vor 4 Wuche Hemer mol chli Ring agluegt und Eus scho in eine Verliebt
Morn mol no im Pfarrer alüte und luege ob Er und Kirche am 20.8. frei sind und das Terminiere. S Lokal för am Obe wössed mer au scho...muess den au no Reserviert wärde.
För d Musig wird bi eus en Stick lange mit musigalag :D und för ide Kirche hoffi no das mini Schwö und 2 Kolleginne chönd Singe
s negschte womer den mol nochli under d Lupe nä müend wird den mol s Apero si :D
und obmer es STD wend mache oder ned x) die wo eis mached/gmacht hend...hend ihr das mitem Iladigschärtli und Dankes chärtli alles abgstimmt oder ned?
Was isch denn bi eu de grund, das euri familie sich nöd so freut? bi eus freued sich eigentlich alli druf, usser halt dass mer im usland hüratet und drum nöd alli chönd cho.
das mit dinere muetter emely känni, ich ha mini sit zwei jahr nöme gseh, ihre letzt jahr zwar es std gschickt, aber ihri iladig lied immerno dihei ume, adressiert und frankiert. ha mich jetzt aber entschiede sie nöd zverschicke. hed langi zit brucht, bis ich mich entschiede han und jetzt stimmts für mich. bi dir tönts aber so use, dass du sie gern debi ha willsch und euchi beziehig wieder willsch ufbaue. ich wünsche dir defür ganz viel glück und hoffe es chund so use wies du möchtisch.
mini planig stad scho, sind würkli nur no details wie s'ässe, de wyy etc. und no es paar organisatorischi sache.
bi de kleider für d'brutjungfere und de trauzügin gids no chli problem. hätt gern, dass sie eis nähmed wo i euses farbschema passt, aber alles andere chönd sie ussueche. händ ja jetzt no es bizeli dezit und hoffe au das chund denn no richtig zstand.
mir händ euses std nöd abgstumme, händ es A5/6 verschickt. mir händ (ebe da uslandhochzit) s'std scho letzt oktober verschickt und d'iladige erst ändi juni bim std isch no gar nüt gstande vo farb und so. drum hämmer eus gäg en abstimmig mit de iladigscharte entschiede gha. bi de dankeschärtli fahred mer aber sicher wieder uf de gliche schiene wie bi de iladig. suscht isch es denn zviel wächsel...
Ich finds meega schad, wenn sich d'Lüüt ned chönd mit eim mitfreue. Ich glaube aber, dass es no villne Lüüt ned bewusst isch, wie wichtig de Tag für eus wird sii. Drom stell ich mich mol druf ii, dass ich no es paar mol chönnt aegge während de Vorbereitigsziit...
Mir möchted STD, Iladige usw. im gliiche Stil mache. Ich han mich is Design "Sophia und Matthias" vo carinokarten.de verliebt. Han det mol es Musterpaket öbercho gha und han denn vo "mim" Design no es Muster lo mache lo. D'Qualität isch ächt genial guet. D'STDs sind als Magnet und sehr eifach ghalte. D'Iladige för di gladne Gäscht wott ich als Booklet. Die für d'Apéro-Gäscht werded us Choschtegründ wohl nor eifachi Chärtli sii. Mir werded au kei Homepage mache. Mir wünsched eus eifach Gäld für a d'Flittis.
@Baguette *wink* so cool, nomol öpper vo Basel. :-) Wo wärdet Ihr denn fyre?
Sorry, ich schreib lieber auf Hochdeutsch als Mundart, geht mir leichter von der Hand. :-)
Auch wenn es nicht schön ist, aber ich finde es grad sehr beruhigend dass auch andere keine bzw. schlechte Beziehung zu den Eltern haben. Mein Stiefvater und meine Mutter haben den Kontakt vor ca. einem Jahr zu mir abgebrochen. Wir wohnen relativ nahe beieinander und es ist sehr seltsam und unangenehm, wenn man sich per Zufall im Laden oder im Tram begegnet. Ich denke, ich kann mich zwar irgendwann mit meiner Mutter versöhnen, aber ich denke nicht, dass das eine Möglichkeit bei meinem Stiefvater ist. Sie haben zwar ein STD bekommen und werden auch eine Einladung bekommen, aber ich bezweifle, dass sie an die Hochzeit kommen werden. Nun ja.
Unsere STD's haben wir im Juli verschickt. Wir haben sie mit Vistaprint selber gestaltet. Sind nicht typisch Hochzeit, sondern passen einfach zu uns und unserem Hobby. :-) Es sind Magnet-Postkarten und sie kamen richtig gut an bei unseren Gästen. Wir haben auch die Briefmarken selber gestaltet, weil wir die Option der Webstamps ziemlich cool fanden.
Wir haben kein richtiges Farbkonzept, es soll einfach bunt und fröhlich sein und zu uns passen. Die Einladungen haben wir diese Woche in Auftrag gegeben. Wir haben uns in diese hier verliebt und haben zugeschlagen: http://onelittlem.com/tolkien/ Verschicken werden wir sie schätzungsweise im Oktober.
Da der Grossteil unserer Gäste aus dem Ausland kommt, machen wir alles möglichst frühzeitig, damit die Leute Zeit zum planen, buchen und je nachdem auch sparen haben. Wir haben uns für eine zweisprachige Website von ichwünsche entschieden. Dann können wir wirklich alles mögliche dort drauf packen und die Leute können es sich auch Mobile-Optimiert on-the-go anschauen. Und die Anmeldungen können sie auch direkt elektronisch machen. Wer sich die Website anschauen möchte, kann mir gerne eine PM schicken. :-)
Ich finde es auch schade, wenn sich die Leute nicht für einen freuen. Natürlich kann ich es irgendwo verstehen, dass sie nicht ganz so aufgeregt sind wie wir. Aber ein wenig mitfreuen wär schon schön. Wir haben Glück, die meisten freuen sich für uns, die ältere Schwester von meinem Verlobten hat schon das Hotel gebucht und ist total am mitfiebern mit uns. Voll süss! Die andere Schwester hingegen meinte von vornherein dass sie nicht kommen werde. Jänu, shit happens, das stört meinen Schatz zum Glück nicht.
Als nächstes treffen wir uns nächste Woche mit einem möglichen DJ. Und dann möchte ich mal dem Bastelladen in der Stadt einen Besuch abstatten und mich über Strasssteinchen und Klebepistolen informieren.
Das esch aber schad. Jedoch muess jede selber wösse wiener will mit de Eltere. Aber chönntsch ja au mo dis Mami froge ob sie wörd welle cho? au ohni Stiefvater. Wennd denksch dases mit ihm nömme irenkt. Und ja das mitem plötzlich ufenander treffe esch unangnehm. ech kennes.
Bi mir esches halt eifach so cho welli ned so en Tolli Chindheit/Teenieziit gha han. Mini Muetter hed sech leider ned so för mech interessiert. Liegt no vell ide Magegruebe, aber da min Gross Brüeder es gschafft hed mit ihre weder de Kontakt ufznä, han ech gfunde ech probiers au. Und da ja es erfreulichs Fest bevorstoht findi das de rechtig ziitpunkt dadeför. Esch eigentlich ganz eifach gsi de Kontakt ufznä. Ich han Ihre gschriebe ob Sie bide Hochziit und au in Zuekunft (mit Enkelkinder) wett teil ha. Sie hd sech den au grad zrugggmeldet und gmeint sie wörd sech freue weder meh Kontakt zha und wörd mer au hälfe bide Vorbereitige, falls ech das wetti. S schriebe fallt mir meistens ame no liecht...aber mol luege wies den esch wenni sie negscht Mittwoch träffe. Einersits wördi sie eifach gern in Arm nä, welli eifach es Mami vermisst han die letschte paar johr. Und uf andere Sitte chani wie ned vergässe und verzeihe, dass sie mich uf en Art elei gloh hed. Aber ja ech hät sie au gern debi bim Hochziit. Und mer hend ja eze no es Johr ziit zum eus "kennezlerne" damet mer eus den beidi au chönd Wohl fühle mitenand a dem fäscht
Ez hani au scho de Telefon Marathon hinder mir. Pfarrer esch fix. Hend im Oktober scho mol s 1. Gspröch Kirche esch provisorisch mol reserviert. De Saal förs Apero hinde ade Kirche au grad Reserviert. Ehedokument wird negscht März au no gmacht. Da ech Katholisch ben und min GG Reformiert, mir aber mitemne Reformierte Pfarrer ide Katholische Kirche hürotet gids en ökomenische Gottesdienst. So ben ech im Katholische au vor Gott ghürote
Esch rechtig schön wemer weder mol so en Tag ziit hed för so Sache z luege und reserviere Aber esch lustig. ghöre halt öberall "ja da sind Sie ja no chli früeh dra, aber mer tüends mol provisorisch so iträge"
Ui, zazzle.ch hani no nie ghört... Bin grad schnell go luege. Isch chli müehsam, es het extrem vill Chärtli ond mer cha si ned z.B. noch Farbe sortiere. Oder gsehn ich das ned richtig?
Mir händ eusi über www. hochzeitseinladungen.cc la mache la. hauptsächlich us dem grund, will jedi farb chasch neh und mir halt en spezielli farb händ welle. pris/leistig isch sehr guet und ich ha ei asprächsperson gah wo mir alli änderig gmacht hed und immer es neus gut zum druck zuegstellt hed.
Anmelden
Aber ein wenig mitfreuen wär schon schön. Wir haben Glück, die meisten freuen sich für uns, die ältere Schwester von meinem Verlobten hat schon das Hotel gebucht und ist total am mitfiebern mit uns. Voll süss! Die andere Schwester hingegen meinte von vornherein dass sie nicht kommen werde. Jänu, shit happens, das stört meinen Schatz zum Glück nicht. 
