| Bräute 2016 |
|
|
1 .. 104 .. 206 207 208 209 210 .. 214
|
|
|
|
|
09.06.16 15:59
Jea 
|
Re: Bräute 2016
Hoi zämä (ACHTUNG laaaang)
also bi mir ischs standesamtliche au verbi. sitem 27.5. bini verhüratet und es isch super!
gern verzelli eu da nochli vo mim tag:
am morge sind min schatz und ich zerscht zu dä bäckerei go d‘ chüeche hole und dänn, ab
zu minere familie. die sind scho alli rächt nervös gsi, vorallem mis mami. ich und min schatz sind no völlig ruhig gsi.
eusi familiene und eusi fründe sind eifach die beschte. es paar sind voram am fritig morge scho go helfe ufstelle,
dekoriere und mache und tue. mir sind dänn id location, e gärtnerei, händ ahwisige gäh und hälfe ufstelle.
am 11i bin ich dänn uf dä zug richtig züri und zure fründin, wo mir frisur und make-up gmacht hätt.
ich bin immer no völlig entspannt gsi. sie hätt dänn ahgfange mich schminke und frisur mache. händ dänn en apero
gno und gmüetlich gschwätzt. dänn öppe um dä mittag ume chum ich es whatsapp über vo mim schatz wo meint,
er hegi sis hämd vergesse… ich muen vilicht vorusschicke, dass mir immer witzli gmacht händ, was dänn alles schief
lauft und laufe chönt… drum han ich dänkt, dass das en scherz isch und er mich nur us dä rueh bringe wött. han ihm
dänn zrugg gschriebe, er chäng au ohni hämd cho, dänn hegi spöter nöd soviel zum uszieh und s seg schliessli sexy… 
uf jedefall isch dänn mini schwöster und trauzügin au zu dä fründin cho go sich parat mache lah und s erschte wo sie seit:
„ich muen dir öppis säge“… ich scho dänkt, was chunt jetzt und hann dänn gmeint: „ich weiss, min schatz hätts hämd vergesse“
hans eigentli als scherz gmeint, aber sie hätt das gar nöd luschtig gfunde, hett dänn au gseit, dass das würkli so isch…
min schatz seg zimli bleich gsi und heg jetzt aber e alternative vo mim schwager übercho. han dänn mim schatz nomal gschriebe,
dass das sicher au guet isch und ich würkli gmeint han, dass er mich verarscht… :D.
uf allfäll sind mer dänn chli in stress cho, also vorallem d visagistin und mini schwöster. ich is chleid ine… und dänn isch dä geilschti cho…
ich han es violetts langs chleid ahgah wo mit violette bändel hett müesse gschnüert werde… (am schatz sis hemd wär ursprünglich au violett gsi)
DOCH die kordle sind nöd ume gsi… scheisse, dänn ischs sueche losgange. isch dänn eis hin und her gsi bis mer dänn druf cho sind, dass die wohl
bim mami vergesse gange sind (nachem ufglette vo dä stola hätt mer nöd dä glich sack gnoh…) tja. dumm gange… mer händ dänn improvisiert und mini
schwö hätt zum glück no gschänkbändeli (also bluemeband) vo dä strüss vorig gha und hätt dänn mit däne ahfange schnüere… han dänn de ganz
tag witzli gmacht, dass ich scho immer es gschänkpäckli han welle sii :D es isch zum schluss luschtig gsi…
dänn simer ufs standesamt und dert händ mier dänn dä rescht vo dä familie und au min schatz troffe, er hätt soooo guet usgseh und er isch glaub
au chli usem hüsli gsi, wie guet ich usgsehne  mer händ dänn z züri uf dä brugg no paar föteli gmacht vorem standesamt und sind denn im stadthus traut worde.
min schatz hätt also nachem JA müesse brüele… isch soooo herzig gsi. sini ganz familie isch rächt sentimental worde… irgendwie ich nöd… mis mami aber au. uuuu herzig.
dänn hätt die ängsti familie gratuliert und mir sind use gange. dete händ dänn d chind seifeblase dörfe mache und mir sind mitm auto überrascht worde. en cadillac! eifach
hammer gsi! mit chauffeur und alles. händ dänn no es paar föteli gmacht und sind dänn mitm cadillac richtig location unterwegs gsi. eusi familiene sind mitm zug richtig location gange.
mir händ unterwegs no 2 stopps gmacht, ein foti-stopp und en andere, will ich soooo dringend ufs wc han müesse (mir händ bier übercho im cadi,…. und irgendwänn mueni dänn halt!)
s gitt es luschtigs föteli woni voreme coop-center stahne, in voller montur und dä chauffeur mir dtür uf macht… eifach sensationell.
|
|
|
|
09.06.16 16:00
Jea
|
Re: Bräute 2016
womer dänn äntli vo mire schwö s ok übercho händ zum zu dä location z dörfe simer dert häre cho. mir händ ursprünglich gseit, mir welled kein spalier, ABER mini
schwö hätt das super gmacht. alli gäscht (so a die 100) sind ade pralle sunne gsi mit verschiedene sache… zerscht händ mir ski-verruckte aber müesse mit chleid und ahzug id
skischueh und ski ine… und mit däne ski händ mer durch dä spalier müesse, so luschtig. und dä spalier isch mit musig und ztrinke / zässe untermaled worde, und mit erlebnis oder
lieder, wo zu eus passed oder us eusem läbe sind. mega hammer gsi.
dänn nachdem mir das gschafft händ, isch am schluss s ufgmalte herz us stoff gsi wo mer hettet sölle usschniede. min schatz hätt das nöd gwüsst und rissts eifach usenand!
ich han so müesse lache… aber mer hett ihm halt klari ahwisige müesse gäh :D nacher händ dänn mal alli gratuliert und mir händ mal öppis trunke und apero gha.
dänn händ mir no öppis chlises gseit und s buffet isch eröffnet worde. mini familie hätt no e schnitzelbank gmacht und dä turnverein hätt no e chlini darbütig gmacht. es isch nöd zviel gsi
sondern genau richtig. mir händ e liveband gha, fründe vo eus us östrich, wo eifach dä absoluti hammer gsi sind (wie immer) isch alles mega guet ahcho.
irgendwänn spöter simer dänn verusse gholt worde, alli im chreis mit cherzli und faklene, und dänn hätt dä best fründ und trauzüge hätt dänn no es lied bracht, wo für eus e bedütig hätt,
vorallem will ers gsunge hätt… mir händ tanzed die mitti! würkli schön gsi.
ich chan also maiergrill würkli würkli empfehle! das fleisch isch soooo zart gsi und au d salat sind mega guet ahcho. s liefere und hole hätt alles super klappet!
mir händ dänn no bis am 3 znacht wiitergfäschtet, eigentli bis am sänger d stimm verseit hätt… :D
es isch würkli mega gsi. (sorry für das viele wiederhole und dä langi text, aber mir händ a däm tag mängisch d wort gfählt…  )
mini tipps chli zämägfasst:
- trauzüge oder lüt informiere über caterer, was alles chunt, wie’s dänkt isch.. wer was mache söll usw. da mir kei personal debi gha händ, händ mir ufd familie und gueti fründe zrugg griffe
wo alli gern bereit gsi sind, zum chli hälfe!
- kommuniziere, wänn öpps botte wird, so dasses alli mitbechömed
- luege, dass eim öpper amigs zässe und z trinke bringt… mir händ völlig vergesse sälber z ässe, da mir a jedem tisch verbi sind und so. au luege, dass mal mineral oder so gitt, vorallem wänns warm isch.
- gnüsse, und eifach sii! sich gwüssi patzer nöd z ernst näh, sondern drüber z lache!
ja, im moment hani noni meh tipps, mir sind jetzt dä zweiti alass für dä september am plane… und au da freui mi scho meeeeega!!!
und wasi au muen säge, mir händ die beschte lüt um eus ume!
bi frage eifach melde, hilfe gern! :D
|
|
|
|
11.06.16 20:18
ecosi
|
Re: Bräute 2016
@ Jea: Super Dein Tagesbericht, war sehr spannend, lustig, kurzweilig zum Lesen und ich nehme sicher den einen oder anderen Input mit....
Ganz herzliche Gratulation zur Hochzeit, alles Gute!
Jetzt noch etwas an alle....
Hallo zäme.
Ich habe vor ein paar Monaten die Frage hier gestellt, wie das mit Alkohol ist, da ich mir nicht ganz sicher war, ob 16-jährige Wein und Bier trinken dürfen. Alle die geantwortet haben, haben ganz klar "Ja" gesagt.... Dem ist nicht überall so, das Gesetz ist schweizerisch, aber jeder Kanton kann es anpassen (nach oben - nicht nach unten). Wir heiraten ja im Tessin und da dürfen unsere 2 sechzehnjährigen kein Alkohol trinken, auch kein Wein und Bier.
Ich dachte, das könnte vielleicht die eine oder andere von euch interessieren......
Herzliche Grüsse
|
|
|
|
17.06.16 15:33
ganzodergarned
|
Re: Bräute 2016
Hallo zusammen
Ach, nach sooo viel planen ist der grosse Tag jetzt leider schon vorbei... Und er war perfekt für mich. Ich würde nur etwas anders machen: Sonnencrème eincrèmen :)
Ansonsten kann ich euch nur sagen was sich bei uns bewährt hat:
- geht vor der Trauung zum Shooting. Ich wollte das erst auch nicht, er sollte mich doch erst dann sehen... Aber so hatten wir Zeit und Raum für diesen first look und genügend Zeit für's Shooting (2h) - ausserdem sahen Kleid, Haare und Make-Up einfach noch top aus. Und man kann bei den Gästen bleiben und es geniessen :)
- plant grosszügig Bei mir sah das so aus:
7.00 Coiffeur
8.30 Make-Up
9.30 Brautkleid anziehen
10.00 Shooting
12.50 Abfahrt zur Trauung
13.00 Trauung
13.45 Apero
17.00 Start Essen
20.00 Start Fest (mit Dessertbuffet)
21.30 Feuershow mit Feuerwerk
Ich hatte besonders vor der Trauung zwischendrin immer mal wieder 10min Pause, zwischen Shooting und Trauung sogar rund 1h "Mittag". Meine TZ und ich sind zu mir nach Hause, wir haben uns aufs Sofa gesetzt, etwas kleines gegessen.
So konnte ich wider Erwarten den ganzen Tag ganz entspannt nehmen und es in vollen Zügen geniessen.
-mögt euren Fotografen - er ist den ganzen Tag um euch und wenn der nicht sympathisch ist, ist das nichts.
-wenn ihr die Fotos habt: zeigt allen das Album persönlich und geniesst es :)
|
|
|
|
29.06.16 01:25
ecosi
|
Re: Bräute 2016
@ ganzodergarned
Herzlichen Glückwunsch zu eurer Hochzeit. Alles Gute, Glück und Liebe... Danke für deine Tipps.
Hallo an alle
Seit ihr alle so fest am Planen, dass ihr keine Zeit mehr fürs Forum habt??? Man liest so nichts mehr....
Ich werde langsam nervös. Es geht noch 23 Tage bis zum grossen Tag - ich freue mich so!
Liebe Grüsse euch allen!
|
|
|
|
|
|
|
|
30.06.16 10:24
ecosi
|
Re: Bräute 2016
@ sakanas
Schade.... Dass ihr eine WhatsApp-Gruppe gegründet habt. LG
|
|
|
|
|
|
|
|
1 .. 104 .. 206 207 208 209 210 .. 214
|
Anmelden
