| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Bräute 2016
 1 .. 13 .. 23 24 25 26 27 .. 121 .. 214
02.02.15 16:15
Brucolino 

Re: Bräute 2016

Au es liebs Hallo vo mier a die Nüüe

Also ich cha alli verstah wo scho voll dra sind.. Mier sind sitem 17.01.15 verlobt und ich ha au scho d Chile reserviert. De Plan wär, dassmer au dLocation für Apero und Fest bis Endi Februar reserviert hend, will ich nah ein Monet is Usland gah

Und es isch doch s schönste, die Vorfreud alles organisiere, Idee sammle, etc.

Hend ier denn alli au scho gnaui Vorstellige öb und wenn ja was für es Motto ier ha wärded. Wie d Kärtli usgsehnd, Deko und so wiiter?
02.02.15 16:19
Sakanas 

Re: Bräute 2016

Oh i gseh do hend scho fascht alli d'Chile I ha scho eher s'Gfühl i muess Gas gä....
Mir werded keis Motto ha i dem sinn.. mir wänd afoch alles in Orange/holz-Tön halte... und es paar Dekoidee hani scho (typisch Frau würd min GG sege) hihi...
Aber mir werded sust au kein Dresscode vorgä, ihr scho?
02.02.15 16:25
Brucolino 

Re: Bräute 2016

Ja also d Chile han ich scho, wills det wo mier werded hüürate eigentlich kei Hochziite meh verastaltet. Aber sie mached Usnahme.. drum hani dänkt, je früehner ich afrage desto eher hemmer d Chance sone Usnahm zsii

Leider hemmer aber no kein Pfarrer definitiv, will de wo mier wettet, wird nächstjahr pensioniert und weiss no nid gnau, ab wenn sini Ablösig chund

Mier hend vor, chli im Vintage Style z dekoriere, will üs das sehr gfallt und mier au dihei chli de Stil hend. Aber ezt nid so vollgas, eher eifach liechti Deko aghuucht vom Vintagestyle
und denn dänki no a Schmetterling, will das so chli üsi Gschicht isch. Villicht eifach no uf de Kärtli, und uf de Tisch so 1-2 Dekoelemente mit Schmetterling inebringe, mit de Farbe vode Deko (also dasses nid so usesticht).

Dresscode wärded mier aber au keine haa. Au mis Kleid wird zimmli sicher nid zum Vintagestyle passe, will ich wünsche mier es Prinzessinnechleid
Eifach dass Wiss und Beige nid erwünscht isch.. das findi no wichtig
02.02.15 16:33
Sakanas 

Re: Bräute 2016

Oh Vintage gfallt mir au u guet mit Pastell-Farbe und Schmetterlin. Mega schö... Mini TZ isch de Voll-Vintage-Fan und Typ:-) hender scho e Vorstellig wie dChärtli müend usgseh?

I denk du findsch sicher en Pfarrer und sust frogsch de vo dim Wohnort/Gmeind a. Hender e katholischi oder regormierti Chile?

Ja bi üs ischs so, dass mim GG sini Lieblingsfarb Orange isch und mini Lieblingsblueme e Gerbera. Und Gerbera in Orange sind die Schönschte:-) zuedem simmer beidi gern ide Natur und liebed Holz über slles. Sochli das urchige. Mir hend drum au 3 Favoritelokalitäte wo eher chlii Speziell sind und mit em Land ztue hend.

Ja klaro als wiss/creme und champagner-Farbe ghöred de Bruut. I find da sett aber klar si:-)
I bin nid Fan vo Dresscode, sell sich eifach jede Gascht wohlfühle. Eb dass Jeans sind mit Hemd oder Azuug egal... Die meischte putzed sich ja gern emol use:-)
02.02.15 16:38
Brucolino 

Re: Bräute 2016

Ich wür gärn bide Chärtli mit dene typische Pastellfarbe schaffe und irgendwie no so beige Spitzeband oder Juteband mitiibezieh. aber ha no nid so en gnaui vorstellig

Mier sind beidi katholisch. Aber ich bi halt nid so meeega sträng katholisch drum hätti gärn chli en "coole" Pfarrer

Ja das mit Orange und Holz chan ich mier au sehr guet vorstelle. Gsehd sicher toll us. Für mich isch orange ebe nid so bi mine romantische Farbe agordnet. Ich stells mier so chli Pastellrosa, wiis, beige vor.. aber mal gucken Holz find ich aber au toll..

Ja zum Thema Dresscode gibi dier rächt. Au Jeans mit Hemd chönd elegant usgseh. Und üsi Lüüt söled sich wohl fühle.

02.02.15 16:42
crivosa 

Re: Bräute 2016

Also ich chume us em Appezell Usserrhode, gnauer gseit us Herisau...
Mer werded au do in Herisau d Trauig ha und den ca. e Viertelstund vo do go esse...

ganz gnaui vorstellige bi de deko hani no keini...
rot gfallt mir halt guet...
jedoch wott is eventuell e biz im stil vom chleid ha, den ich denke ich werd es chleid miteme farbtupfer ussueche...das gfallt üs beidne eifach u guet und es isch meh ich wie es schnee wiises... :)

mir hend gad erst es fotoshooting gmacht womer paarfotene im stil vo de 50er johr gmacht hend.
die werded mir den eventuell für d iladige bruche

do ich det en rot schwarze petticoat a han und er au rot schwarz, denked mer mir werded d iladige echli eso gstalte

findet ihr den das chärtli und deko am obig mue zämepasse?
oder lieber s chärtli unabhängig und defür den so chli chleider und deko am grosse tag?

liebi grüess
02.02.15 16:56
Sakanas 

Re: Bräute 2016

@crivosa
Oh cool Herisau kenni guet. Bin im Tiggeburg ufgwachse und sGottimeitli wohnt in Abtwil. Ihri Eltere hend im Restaurant Rüti zHerisau sHochzytsesse gha - kennsch?
Mega cool die Föti im 50er-Johr Look. I persöndli finds ebe lässig wenn dIladig au echli zu allem reschtliche passt wie Obigeeko etc. aber schlussendli isch das jo euii Entscheidig. Bi eus wirds echli de glich Stil ha.

@Brucolino, jo bi de katholische Pfarrer isch das ja no eher echli strikt... Ihr findet aber sicher en tolle. I wett au ein wo echli locker druf isch und Predigt echli üs apasst und nid afoch eppis abeliired. Mir wend aber reformiert hürote.

I bin u gspanne was mir do no alles schribed und mached:-) freu mi so für eu alli!
02.02.15 21:20
crivosa 

Re: Bräute 2016

Au jo...d rüthi isch natürli u schön und sehr fein.
Me hend ez näbis echli rustikalers in urnäsch in ussicht. Sehr viel holz und warm aber
defür glich edel igrichtet.

Het den do scho näber tipps oder empfehlige (vilich au vo kollegine) für brutgschäfter
im ruum SG oder Appezell?
Es git eso viel und i studiere ez scho wo das i den am beste afange ohni den müese
i 20 läde z goh...

Nämed er viel lüt zum spezielle shopping mit?
02.02.15 22:15
Sakanas 

Re: Bräute 2016

Cool wie heisst de eui Lokalität? Bin neugierig vorallem bi Rustikalem. Findi was u tolls!

Illuca St. galle seg es guets Gschäft. En ehemoligi Bruesscheulkollegin het eres dert kauft gemäss Fb:-) i nimm sicher mini TZ und mis Mami mit. Evtl no Schwiegermami, well ichs mit ere sehr guet han. Meh aber nid! Max. 3 Begleiterinne.
03.02.15 08:38
Vintagefan  		Re: Bräute 2016

ICH LIEBE VINTAGE! (gsehdmer ja sicher mim profil-name scho mal ah)... machmi das weekend gad uf dsuechi nacheme chleid! es döff so richtig schön vintage si also mit spitze und ärmeli und allem drum und dra....

hättet ihr mir villicht en idee wo ich gueti und günschtigi sowie au schöni cupcakes mache lah chönt? ich chume us de region züri... wär froh um all idee! ade zürcher hochziitsmäss hedmi nüt so richtig umghaue
 1 .. 13 .. 23 24 25 26 27 .. 121 .. 214
Zeremonie   homepage   Sakanas   Willkomme   wirklich   Fotograf   heiraten   Zuletzt   bearbeitet   Eigentlich   Hochzeit   natürlich   Familie   chandini   hochziit   crivosa   irgendwie   Baguette   einfach   Location