Candy Bar isch denn gleich Gastgschenk oder?
Weiss ergendöbber wie tüür sone Candy Bar in etwa chunt? Ischmier klar, dass es je nach Gästeazahl und diverse Bonbons türer wird.. Aber meh mue ja au no alli Schalene und Behälter bsorge ... Miete odr chaufe?


Jo uf das, dasmer sie nie bruchet :-)

Herzlich Willkomme a alli neue Bi fliessig am mitläsä, ständig wenni uf min Mailaccount gang stoht döt wieder "Hochzeitsforum" isch ja super das mittlerwile so viel lauft do

Mir wärdet die Versicherig au abschlüsse. Me weiss ja nie was no alles passiert. Aber jo hoffemer natürli das si niemmert vo üs wird bruche.

Huuui! Ich merke, ich schaff ned im Büro! Chume ja gar nüme nah

Wer isch denn jetzt alles us Züri? Han irgendwo glese Grifesee als Location, aber bin zfuul gsie zum namal zrug gha und sfinde Mier sind in Uster dihei und bin in Grifesee ufgwachse und isch scho meeeega schön da Mier würded am liebste au irgendwo i de Nöchi hürate, aber hend ois ebe wie gseit nah ned festgleit. Han glaubs nah am wenigschte organisiert da inne
Fals öper nah en guete Tipp het im Kanton Züri und Umgäbig - oder ebe, wenn sogar im Ruum Züri Oberland - denn wär ich natürli mega froh
Mier würded gern dusse oisi Zeremonie mache, möcht aber öpis bueche, wo mer eifach au chan noimed inne gah oder drunder stah, fals sWetter ned mitmacht. En Garte oder so... Hend ois au scho überleit wege eme Festzelt, aber die sind glaubs nah recht tüür...

Hochzitsversicherig han ich au scho aglueget. Nur bi de Zürich Versicherig, kenned ihr au nah anderi? Also prieslich leistet sich das glaubs scho, ich meine, wenn nix isch, denn isch kein Zacke i de Chrone ab und wenn mer's denn doch brucht isch mer sicher froh...
Muss mich jetzt au nah bizli drilese.

Candy Bar find ich au mega cool! Vor allem bruchts denn würklich kein Chueche, will es blibt ja wahrschinli eh immer nah Reste. Also, so kenn ich das vo andere Hochzite.

@Sakanas
Aha! Moschti Stäfa find i au super Mier wänd im Mai oder Juni hürate, Datum chunt ois nöd soo druf ah. Mal luege, was mer gfinded und wenns det nah es Plätzli het!
Chile in Grifesee isch chli, aber herzig. Also, ich find sie super! So schön familiär und gmüetlich. Au han ich mal ghört, dass es anschinend die einzig drüeckig Chile in Europa - oder so - isch sie het eifach vorne sonen Spitz, aber das machts sehr charmant. Ansuschte isch natürli au susch s'Stättli in Grifesee mega herzig

Danke au fürd Antwort weg de Versicherig, ich glaube au, dass mier das mache werded.