Danke för Infos för Versicherig, mer werdend die sicher au Abschlüsse. Oh die paarfötteli vorher fendi Mega, aber leider bringi min maa ned dezue em sich da nid so wichtig Wegem chleid hani ebe au denkt so im Oktober wens usverkauf händ mol go luege, obwohli am liebschte jetzt scho wörd go aprobiere
Mer händ Kappelle scho reserviert, aber leider chan euse wunsch pfarrer ned, vielicht weis no öpert en luschtige wo ned so sträng esch
soo ich mäldä mich au mal wieder Wow ier sind ja echt fliessig..
Alsoo das mit dere Versicherig tönt super, hani grad gester mim Schatz verzellt
@Zug: Jaa das mit de Kapelle reserviert aber kei Pfarrer känni Mier hättet gärn de Pfarrer gha aber er wird Nächstjahr pensioniert und cha no nid gnau sägä wenn.. also Hoffnig stirbt zletzt Aber ich ha keeei Ahnig, wo mier söled en andere "coole" Pfarrer gfinde. Also falls öper hesch, döfschs gärn mäldä
Dörf ich bi eu au no mitmache, au wenni scho die erste 36!! Sitte vo dem Thread verpasst han
Ach herrjee, eigentlich hani mi vo so Fore welle fernhalte, ich lohn mich recht schnell wuschig mache ufgrund vo soo viel doch recht guete Idee und neige dezue mich denn verunsichere zlah.
Es paar Infos zu mir: sit em Oktober 2014 bini/simmer verlobt und sit zwei Wuche wüssemer, dass mer Afang September 2016 hürote möchted. Min Fründ/Verlobt (das Wort Verlobte lieht mehr eifach nöd so, freu mi aber riesig ihn bald "min Maa" nenne zdörfe ) und ich kenned eus scho sit öppe 12 Johr und sit 4.5 Johr simmer zämä.
Eusi absulut Wunschvorstellig wär uf em ne schöne Buurehof, mitere Schüür womer am Abig guet bis i die früehe Morgästundä chan fäschtä. Bezüglich Trauig schwebt eus e freii Trauig vor, am liebste under em ne schöne alte Baum.
Wie bi vermuetlich de meiste Bruutpaar isch d'Gästeliste e chli es schwierigs Thema. Ich han zwor au en grosse Fründeskreis, genau wie er, aber i zelle nur e Handvoll zu mim InnerCircle wo i au a somene Tag möcht debii ha. Ihm fallts do doch schwerer zum differenziere. Womer afoch mol alli Gäst notiert hend, simmer uf 94 cho, do müemer dringend nomol über d'Büecher, haha.
Mir sind beidi recht gschockt bezüglich de Köste (vorallem mit viel Gäst) wo für so en Tag zämächömed und möchted irgendwie luege, dass mer nöd gad de Wert vom ene Mittelklassewage usgäbäd. Aber mir hend beidi d'Hoffnig nonig ufgäh, dass mer eusi Wunschvorstellig au ohni exorbitantem Budget umsetze und alli Mensche, wo mer möchted debii ha au würkli ilade chönd.
Ich freu mich druf, meh vo eu z'erfahre und wünsch eu es schöns Tägli (was hüt mit dem Sunneschii au nöd allzu schwer werde sött )
MrsHauser2016 Hi und willkomme i üsere frisch fröhliche Rundi Schöb isch debi und gratuliere herzlich zur Verlobig! Us wellere Region sind ihr dänn? Das mit em Buurehoof/Schür bzw. Rustikalem gfallt mir sehr, mir lueged au noch eher was rustikalem bzw. afoch öpis wo nöd z'überheblich isch (da sind afoch nöd miier!).
Brucolino Sorry i Sache lockerer Pfärrer kenn i mi gar nöd us
Danke vielmol Mir sind us de Region Frauefeld und möchted au det umenand hürote. Das Wuchenend schleppi min Schatz mol mit zu es paar Locations woni do im ne ältere Bitrag gfunde han.
Mir sind ebe au nöd wahnsinnig extravagant und ich möcht au nöd, dass mer vor luuter Bling, Glitter und weiss ich was alles s'Wichtigste vergisst, nömli eifach zwei Mensche wo es Läbä lang mitenand durch dick und dünn wönd goh.
Hallo Brucolino, leider bin ich was Pfärrer & Geistlichi betrifft nöd so bewanderet ...
MrsHauser2016 Scho bisch vu Frauefeld oder bzw. Region? Hihi mega cool, han 6 Johr dört gwohnt und chume ursprüngli us Bazenheid SG. Mini TZ isch vu Frauefeld
Weiss öppert vu eu, wie mer dene Iladigscharte seit bzw. dem Stil vu de Iladigscharte? I bi grad am sueche ufere CH-Homepage, aber find nünt gschiiids...
Anmelden
) und ich kenned eus scho sit öppe 12 Johr und sit 4.5 Johr simmer zämä.
)
Mir sind us de Region Frauefeld und möchted au det umenand hürote. Das Wuchenend schleppi min Schatz mol mit zu es paar Locations woni do im ne ältere Bitrag gfunde han