Sakanas:

---

Genau bin momentan im Spital Flawil SG. Bisch au ide Pfleg demfall?

@Budget Hend mied mal uf 20'000 gsetzt, hoffet dass es weniger wird aber es paar Fränkli meh wür i au zahle, wenns drum gaht, dass ich defür z.B. mis Traumchleid chan ha oder so. Aber mier werded i viele Pünkt günstig cho, da mier mit Vitamin B schaffed (Fotografin, Band, Turte wird i alles im Fründeschreis regle).

@Kids Wennd mier beidi unbedingt. Ich bin scho am Chinder plane sit ich 6i bin. Han früehner id Fründschaftsbüechli oer ine gschribe 'Mama' bi 'Was ich mal werden will' Ich han zersch eigentlich überleit zum Pille afangs negst Jahr abzsetze, aber ich wett ned unbedingt mini Mens ha a de Trauuig. Dorum setz ichs denn wahrschinli knapp devor ab, damit ichs a de Trauig ned han. Ich nimme Pille scho sit 10 Jahr und han chli Panik, dass es denn ned klappet. Es wird so uselaufe, dass min Ma die meisti Zit dihei wird blibe bi de Chind, da ich sBessere Ikomme han. Da ich aber Schichte schaff, chan ich mini Zit denn guet ah sini Arbeit apasse, damit ich au mal Chind allei han. Haha, mier hend alles scho planet Wie gseht das bi oich us? Wirds au es paar "Huusmanne" gäh? Vieli finded das immer nah chli komisch..

@Kollegechreis Ich bin 25gi, mier sind aber scho sit 3 Jahr verlobt. Bi oisere Verlobig hend viel vo mine Kollege nah überhaupt ned a Hochzit denkt, aber jetzt chömeds au immer meh und werded fasch chli iversüchtig wills nah uf en Atrag wartet Han aber au es paar Kollege wo chli älter sind, da min Ma 5 Jahr älter isch wie'n ich. Det hets scho es paar wo scho ghürate sind oder Chind hend.

@Hochzitsturte Mini Grossmuetter isch Schwedin und sie macht die besti Schwedeturte! Dorum wird ich mit ihre und minere Schwosch zäme oisi Hochzitsturte mache. Ich und mini Schwosch düend mega gern Turte dekoriere und hend das scho recht im Griff, denn chönd mier ois da nämli zimli Geld spare

@Flitterwuche Mier hend zersch uf Indie wele, das dass aber min Chindheitstraum isch, han ichs ned unbedingt i de Flittis wele mache. Dorum gönd mier jetzt Endi das Jahr uf Indie und id Flittis hend mier eifach scho paar Idee. Z.. mit em Huusboot dur Südfrankrich, Schottland, Island oder Europainterrail. Viellicht chömed au nah meh Idee dezue. Mier gönd gern und viel go reise und dorum wird das Thema zimli schwierig Aber mier sind kei Badeferie Mensche (aber hend au meeega gern Meer), dorum wirds sicher inere Rundreis ende, wo isch eifach nah dFrag! Tipps sindd gern willkomme

@Excel Tabelle Find i hammer Idee! Ich chume nämli überhaupt nüme nah und so muss mer au ned wieder sgliche fröge, das verwirrt mi amigs bim lese

Zuletzt bearbeitet am 26.02.15 09:38

Sali Zämä

@Huusmaa
Wird bi üs wohl au so si, well ich verdiene doch schüch meh we er und schlüss au grad no e drüjöhrigi Witerbildig ab das Johr. Er het aber gar keis Problem demit, im Gegeteil, er gseht sich scho dihei alles erledige (er isch zum Glück en mega pingelige und reinliche Typ, nu Choche muess er no lerne :P). Er cha au total guet mit Chind, er vergötteret z.B. sis Göttimeitli total. Und au susch hani e guets Gfühl, wenn er würdi dihei blibe. Er het aber scho gmeint, dass er gern no bitz würdi schaffe, er isch ebe au total de Machertyp und eigentli liebt er sini Arbet. Aber mol luege öb er öpis findet, er het ebe en handwerkliche Job und jo döt isch das nonid so sehr verbreitet mitm Teilziit schaffe. Ideal wär, wenn ich chönti 80% schaffe und er so 40%. So würs für üs wohl stimme.

@Budget
Hemmer mol bi 20'000 ahgsetzt und scho gmerkt, dass das seeeehr eng wird wärde. Aber mol luege, mir wärdets so guet we möglich iihalte probiere, aber jo wenns denn es paar Fränkli meh sind goht dWelt nöd under.

@ Flitterwuche
Mir hend üs für e knapp 4 -wüchigi Rundreis in Kanada entschiede. Westcanada vo Vancouver via Vancouver Island noch Calgary (über dNationalparks we Banff und Jasper usw.) und den no vo Calgary uf Toronto flüge, döt no chli dStadt ahluege und en Tagesusflug ad Niagarafalls und denn wieder hei. Öb mit Auto oder Camper wüssemer eifach nonid. Aber freued üs total druff.

@ Hochziitsturte
Wird sowieso schwirig bi mir well ich öpis glutenfreis ha muess well ich kei Weize und Getreidesache verträg. Aber es git en Beck bi üs de sötti das chöne. Letschtin het aber au grad e Kollegin vo mir gseit, si machi mir uf de Geburi e glutenfrei Motivtorte, si hegi es Rezept und isch grad total begeisteret am so Turte bache. Ha denkt, wenn das öpis wird, frögi si öb si luscht hetti üsi Hochziitsturte zmache.. Was die bim Beck würd choste hani no kei ahnig, aber das tüür sind isch leider bekannt

@Kollegekreis
Mir wärdet es 8ti Päärli si i üsm Kollegekreis wo hürotet. Isch aso bi üs doch scho einiges gange
Ich würd übrigens 27gi si bim Hochziit und min GG 30gi

@Kids
Hemmer nonid gross drüber gredet. Hürote tüemmer wegm Hürote und nöd wells nöchstens grad söll Kiddies geh. Aber klar, es wird bi üs nümm all zu lang goh, i ha immer gseit i möchti so um di 30gi Kids ha und er gseht das au so. Vor allem sit er sis Göttimeitli het ischer sowieso total hin und weg und cha sich das mega vorstelle. Ich wet aber uf kein Fall bim Hochziit und au nid bi de Flitterwuche schwanger si. Ich cha mir aber vorstelle, dass ich nochane Pille wird absetze und mir villicht zerst mol no mit Kondom werdet verhüete. I nimm Pille halt au scho sit 10 Johr und jo ha chli schiss, dass min Körper zerst es wiiili brucht bis er wieder parat isch und wenns denn so wiit isch das mir Chind wend wärs cool wenn min Körper denn natürli au so wiit wär..

@Excel Tabelle
Findi e super Idee und gits glaub scho bi de andere Bruut-Chats (2015 usw.).

lillymaus: Ja, das han ich mier au scho überleit. Min Ma seit zwar, es stört ihn nöd, dass ich meh verdiene, aber mengisch macht er glich irgendwelchi Kommentär oder so, wo ich mier denn nöd hundertprozent sicher bin, eb ers au so meint... Aber so grundsätzlich staht er scho dehinder und er verzellts au immer uh stolz, wenn miers über das Thema hend mit anderne

Kanada wär definitiv au öpis wo ois wür interessiere, oder Alaska. Gad Whale-Watching möcht ich unbedingt mal mache, das wär ebe au öpis wo mer in Island chönt mache. USA lockt mi irgendwie nöd so und wenn, denn eher dSüdstaate. Aber danke für din Tipp, wenn mier ois meh demit beschäftiget würd ich dich susch gern nah um es paar detailierti Tipps fröge

Cool, Tierärztin! Tönt mega spannend! Wie viel Jahr hesch denn zum das studiere?



lostheaven: Ja, mier fänded au er 40% und ich 80% wär wahrschinli am beste. Und ebe, da mier beidi Schichte schaffet, chönd mier ois relativ guet ufteile. Ich nimme mal au schwer ah, dass wenn mier mal en Namittag beid schaffet, dass denn mini Eltere oder miis Grossmami gern uf oisi Kiddies würded ufpasse Aber ebe, zersch müend die Chind ja mal nah gmacht und gebore werde Das mit em Pille absetzte und mit Kondom verhüete hend mier ois ebe au überleit. Denn chan sich de Körper scho mal 'regeneriere' und denn klappets denn hoffentli, wenn mier so wit sind



ExcelTabelle: Gits denn da öper wo guet isch bi Excel? Ich bruche das fast nie und wenn, denn han i scho vor-Formatierti Tabelle, damit i ja ned zviel muss studiere Bin nöd so de Compi-Typ, da ichs fast nöd bruche usser mal chli im Word öpis schriebe oder z'surfe

MrsHauser super gseht die Excel Tabelle us, schick dir nachher mini Date :-) danke vellmol.

Flittis gönd nach Südafrika. Ich ha eig numal ind USA welle aber sisch sis 3. Mol (nachenand) und mis 8. mol vo dem her isch scho ok mal was anderes... :-) aber ich lieb halt das Land und ha vllt afangs 1/8 gseh :-)

Findi cool hend gwössi e Huusmaa als Partner. Ich werd dRolle als huusfrau voll öberneh. Aso werde nebeni 40-50% schaffe. Isch zum Glöck sehr eifach im Pflegbruef, durchs Schicht schaffe, und grad det wo ich bi, hends dMamis sehr guet.
Eltere wo chönd luege hemmer leider nid. Die wohnet jewils 1 - 1/2 Stund vo eus... Aber nid so schlimm :-)

Creamtangerin,mega herzig dass sit chliises Chind hesch welle Mami werd. I ha ja eig mis Lebe ganz anderst plant :-)

nicht registriert

MrsHauser2016 Cool, merci! Aber wärs für di nid eifacher, wenn mr es online Dokumänt würde ufschalte?