nicht registriert

Chandini nei mir lönds jetzt bi de ursprünglich plante Location. Sie gfallt euis beidne so guet, es wär schad.
zeremonie: ich finds u schwierig allgemein usezfinde wer da die richtig Person isch für das. Familie oder Fründe isch euis niemert iigfalle usert vilicht min Dad, er isch sichs gwöhnt vor vielne Lüt zrede, aber er häts mit Gfühl nöd so. Drum glaubemer das wär nöd so das. Mini TZ chönts sicher u schön gstalte aber sie staht gar nöd gern im Mittelpunkt. Das weti ihre nöd atue. Bin langsam bitz am verzwiifle. De womer gester gschriibe händ hät scho g'antwortet, er wär na frei aber er machts nur zu sine bedingige, heisst sini Ziit und sini Duur, beides passtmer nöd so. Und für 1700.- find ich söt ich doch chöne bestimme wän wie wo was nöd? Müesst jetzt de ganz tagesplan umstelle für ihn. Aber er isch de einzig wo mim Schatz bis jetzt passt hät, und ich han würklich scho viel recherchiert

@Summer, huiii do verstohni dich. 1700 und denn mönd ihr alles umkrämple. Wielang wörd er denn rede? Aso ich wörd das nid mache. Das chunt ergendwie unprofessionell öbere, die Ussag.
Aber chamer vorstelle dass es sau schwer isch de richtig zfinde.
Do beni scho froh, dass mir min Papi hend. Er cha super Rede, isch de wichtigst Mensch i mim Lebe, Emotional und vor Johte mal Standesbeamte gsi. :-)

Meinsch nid das din Papi denn glich au Emotional isch? Bzw wenn ihr zbs denn no sEheverspreche bzw vllt öbber anderst na was seit, dass es denn Emotional wird?

Drucked mir Dume ha höt am halb 6, Kennelerngspröcz bi de Fotografin. Hoffendlich isch die was... :-)

Hey Ladies

Am Sunntig hemmer mol wieder chli Ziit gha zum Schwätze übers Hochziit. Was mir immer nonid hend isch e Location für Trauuig und Apero. Allerdings hend mir öpis gfunde, wo üs villicht passe würd. Die Person isch aber erst Ahfang April wieder ume, drum mümer üs jetzt leider chli gedulde (was mir natürlich gar nöd passt). Aber das Thema blibt jetzt definitiv mol uf de Siite, bis mir döt hend chöne go luege und es Ahgebot vo dere Location hend.

Drum wird denn au i nöchster Ziit nöd sehr viel goh bi üs, ich wet eifach zerst die Location ha bevor ich denn alles wiiteri plane tue. Isch jo au wichtig fürd Lüüt rundume wome no organisiere muess, wo das denn so öpe wär.

Defür hend mir aber no üsere Obiglocation gschribe we mir üs das alles vorstellet mitm Esse, mit de Getränk (welle Wii usw.), mit de Verlängerig, mitm Zmorge wo mir üsi Gäst wend iilade usw. usf. Am Sunntig es Mail gschickt und gester scho dAntwort gha. Das het mich mega gfreut DOfferte liegt genau im Rahme wo ich mol budgetiert ha, vo dem her simmer total happy. Und es beste: DLocation übernimmt üsi Suite wo mir den nochm Fäscht schlofe würed, hani au mega freud Min GG het nämli unbedingt e Suite welle zum Schlofe und ich ha gfunde da isch absolut nöd nötig, well die eifach grad mol wieder doppel so tüür isch we e normals Doppelzimmer und mir würkli wend luege das mir es Budget einigermasse chönd iihalte. Zudem verbringemer jo döt nur einigi Stund zum üs churz erhole nochm Fäscht bevors den mitm Zmorge wiiter goht. Und jetzt chömed mir die super Nochricht über, so simmer beidi Happy

Susch hend mir da Wuchenend no viel für zwei anderi Hochziit gmacht wo i dem Johr stattfindet und min GG beides mol Trauzüge wird si. Bim einte Hochziit hemmer insbesondere da Wuchenend mitenand de ganzi Polterobig planet und alles organisiert. Si werdet döt uf Münche goh, go dSau use loh Da min GG nöd so begabt isch am PC übernimm ich amig di ganze Sache mit Bueche vom Hotel usw.

Und mitm Brütigam vom einte Hochziit isch er in Züri gsi wegeme Ahzug go luege. Si hend sich jetzt beide eine kauft und zwar massgschnideret. Aso min GG scho für üses Hochziit. Er het gseit er seg fast chli überforderet gsi mit de ganze Möglichkeite wome do het. 1000 Stöff zur Uswahl. Jedes Detail hesch gnau chöne sege wies wetsch ha (Schnitt, Innefueter vom Sakko, welli Chnöpf, we viel, Beschriftig z.B. mitm Name oder Hochziitsdatum usw. usw.). Aber er het jetzt öpis gfunde wonem passe würd. De Ahzug aso Hose, Sakko, Schilet, Hemd und Krawatte chostet in jetzt 1400.- isch aber wie gseit massgschnideret. Meh hetti au chöne Frack und Smoking ha, nebst Krawatte auf Flügene usw.
So ime Monet isch den de Ahzug parat zum probiere und di letschte Ahapassige vorneh. Wird denn wieder brichte we jetzt das Projekt gnau usecho isch

nicht registriert

Ich finds scho au krass. Sit mir am hochziit plane sind dänk ich würklich oft ich mach mich jetzt dän au selbständig mit so öpisem. Alles rund ums hürate chost eifach sinnlos viel. Klar steckt arbet hinder sonere zeremonie und au hinder föteli und allem aber mängisch dänki würklich ich gsehn nüm guet bi de priise.

Mir händ hüt na viel gredet wege dem zeremonie fritzi da. Mir händ euis jetzt entschiede de glich mal zbueche. Müend eifach alles zwei stund füre schiebe was heisst mir müend fast na en unterhaltig bsorge für nachem ässe aber janu. Min schaut isch u begeisteret vo dem typ und ich bin froh hämer eine gfunde wo er au iverstande isch. Euis isch au wichtig das die person nöd so esotherisch isch oder so. Mir müend nur e chlini azahlig mache. Schlimmstefalls, wäns dän bim vorbereitigsgspröch doch gar nüm passt dän tüemer halt na cancle und verlüret d'azahlig.

Crivosa
Oh verzwickti Aglegeheit. I denk au, du dörfsch dir nöd z'viel Gedanke mache. Häsch niemert wo sie chönt verschüche bzw. was seit dis Mami/Papi?

me
oh i bin mini Fäde los und bis endi Wuche no chrankgschriebe. Hahah do im Spital isch es nöd so es Theater wie mit em Husarzt. *frohbin*.
Jetzt chani mi wieder de schönere Sache vu dem Lebe wiidme und mich nochli uskuriere.

crivosa

oh nei das tuet mer mega leid...es isch eifach ned fair das bi euem grosse tag schlussendlich umso züüg muen gah! ich denke es wer am eifachscte, wenn du vilich paar vo dine lüüt chi druf asettzisch z luege ob si uftaucht..und wenn ja, denn wird si still wegbegleitet! oder vilich bi dinere location na seisch das s personal sie ned zu eu laht?
oder meinsch es würdi öppis bringe wenn du ihre nomal klipp und klar seisch das du si nöd wetsch dete ha? Oder denksch den chund si extra zum der wehtue? chans leider ned gued ischätze wili eui gschicht ned kenne...

ich muen mich au mit so seich umeschlah...mini eltere sind gschide und min vater het brutal striit mit mim stiefvater und mim mami...die reded nüm mitenand! aber min vater het gfunde wenn min stiefvater chund, denn chem er nöd a mini hochziit...und er will mich au ned zum traualtar füehre will er den find er machi den e show für mini muetter und de ander..
ich mein sorry...en vater wo ned a d hochziit vo sinere einzige tochter chund weg some chindergarte?
tuet mer mega weh!

hoff ihr findet en weg...vilich isch s einzig mögliche ja wüklich es falsches datum kommuniziere aber d gfahr dases irgendwie usechund isch hald glic mega gross denki =(

tuet mer leid für dich dases so isch