Sakanas:

---

Das Bi Oil hani grad gester im Dütsche kauft :-) ha leider au mega viel Dehnigsstreife :-( mol güxxle! I seg immer eigentli hilft nume Sport - aber ebe i cha jo schlecht.

Min Schatz het das imfall au...vor allem vom zueh und abneh (er het 20 kg abgnoh) und au ez merkt ers sehr

er isch eine wo bim sport weisch zb a de oberarme gad mega a umfang zueninnt wenner trainiert...dementsprechend het er au immer so streife

do chunt mer gad in sinn...me müend den irgendwie luege das mer üs noch de hochzite mol alli es bild vo de bruutpäärli do zeiged...wär doch spannend

Ouu jo fendi au cool. aber gaht ja na eeewigs bis die Föteli git... :( schaade

ja Mal luege obs wirkt und hilft :D

nicht registriert

Sakanas, wenn di Fuess guet verheilt, kasch sicher wieder gli Gas gäh! Muesch denn de Zweiti au no operiere?

Mir hän grad im Gschäft e Gspröch drüber ka, wie guet dass mes mit de Familie vom Partner het. Wie isch das bi euch? Hän dr tolli Schwiegereltere etc.?

Das mit de SChwiegerhex stimmt bi mir nid. I hans recht guet mit Ihre gang au mit ihre für sie gos Chleid poste. Mit ihm chumi Ok dschlag. nid dasen nid mag seb garnid. er isch afach bi vielem andere Meinig als ich und en pesimist. Was Tema Hochzitt bi ihm anbelangt er het immer warum den und wiso so tüür. er gseht findet das ganze voll überrisse. I bin jetzt eifach so wit dasi Ihm garnüme alles verzelle damit ka Diskusione git und i nid wieder Frustriert.

Min Fründ chunt mit mine Eltere sehr guet us. Das wo i merke. si hend en sehr schnell is Herz gschlosse und au vo früeh ah aFamiliealäss mitgno. Mis mami duet sogar mit Ihm zeme amig dHose wonem zlangsind ueneh

I denke es isch sicher nid immer eifach mit Schwiegereltere vorallem wens anderi Asichte hend und din Partner anderst erzoge worde isch. Aber au denn chasch mit ihne glich no guet ha.

Aber mue sege genau vo sine Eltere weiss i das ganz anderst chan si. do Sind beidi Eltere gege dHochzitt gsi, wills gfunde hend Mim Schatz sindi Eltere passed nid zeme. Und das zeigt sich leider au jetzt no chli.

Ja i pass uf - aber sett werkli es paar kg los werde :-)

Ja mini Schwiegis sind echt toll. De Däddy isch Bündner und en mega tolle Dialekt :-) muess immer grinse! Au mit de Gschwüsterti vo mim GG hemmers super, sind alli u toll und machet öpe öpis privat. Min GG hets mit mine Eltre au sehr guet - sie meined sie heged jetzt e Sohn meh ;-)