Ja guet de Pass chasch denn scho erst am Gspröch beahtrage und das chasch jo früehstens 3 Monet vorher ;-) also vo dem her.. aber au das sötti lange, we gseit de Pass het Momentan e Wuche ab Bstellig bis er do isch, teilwiis sogar no schneller..

Es Visum bruchsch nöd. Für Amerika muesch eifach no es ESTA usfülle übers Internet bevord gohsch.

nicht registriert

Guete Morge Zämme

Es isch Fritig und d Sunne schient! Juhuu


@cream_tangerine Hahaha soo lustig! Bi euch isch grad verkehrti Wält….So guet!! :-)

Guet spräche dir das do ah. Ich ha nämlig gaaar nir über Pass, Visa, Name etc. nochdänggt. Zum Glügg gits euch! Mir hän do Gsundheitsexpärtinne, Verischerigs-, Banke- und Gmeindegurus. Super abdeckt!!

D Unterschrift…Ich würd am liebschte mini bhalte. Mi neue Nochname wird rächt lang und denne so Buechstabe wo nid so guet vo dr Hand göhn. Und ich muess im Gschäft täglich öbbe 30 mol unterschriebe. Das muessi no sehr sehr sehr oft üebe *lach*
lostheaven, ich fühl mit dir!

Duet me ufem Standesamt denne eigentlich scho die neui Unterschrift näh?

Jo mir hend do wirkli Expertene vo allne Gebiet :-)
Perfeeeeeekt

Jo ufem Zivilstandesamt muess mer wirkli mit em neue Name unterschriibe. Huch ;-) demfall müemmer alli nochli üebe. Sind eui Näme noher ganz anderst oder müehsamer?:-)

Oh ja Unterschrift han ich au scho güebt, aber es lit mer nani so mit em neue Name! Mini Underschrift isch guet leserlich als min Name zerchenne, dorum wirds ned sone mega umstellig. Aber mer muss sich halt glich dra gwöhbe, ich wird sicher es paar mal drigheie und min Meitliname sege oder schribe ;)

@Sakanas Also ich han scho en lange Name und min Schatz au. Mine gaht fasch nüm meh schwizerisch und sine isch typisch englisch haha, also zimli underschidlich (: Sin Name isch zum Glück nöd so schwierig zum lese. Buechstabiere wird en wohl glich immer müesse, aber das mach i eigentlich bi mim jetztige Name scho (:

Nehmed denn alli de Name vom Ma ah da im Forum? Ich wird en ahnäh, weiss aber nani eb ich unoffiziell en Doppelnane söll führe. Oise Näme sind beid so lang und gsehnd ned so toll us nebed enand, aber irgendwie wet ich mich au ned vo mim alte Name ganz trenne :)

Oh Ja das mit em Pass isch nah mega wichtig! Mini Schwögerin het ned so viel überleit und sie het de alti Name bi de Buechig agäh und denn scho de neu Pass gha. Und die Airlines düend immer so mega kompliziert, wenns um so Zügs gaht (plus zahlsch meistens gad nah zimli viel druf).

Also für mich isch au klar gsi das ich de Name vo mim GG wird ahneh. Mir wend au als ei Familie ufträte und au üsi Chind sölled eifach heisse we mir beidi zum Nochname. Für mich isch drum da gar kei Thema gsi. Ich ha jetzt halt en sehr en churze Nochname (4 Buechstabe) und nochane hani denn 7 Buechstabe, aber da isch au immer no churz dänki Allerdings ebe min jetzige Name goht mir zimli eifach vo de Hand bim Unterschriebe und sine gar nöd, muess das echt no chli üebe. Ich muess halt au sehr viel unterschribe ihm Gschäft.

I frög mich eifach öbi im Gschäft no en Doppelname söll führe. Nöd well i a mim alte Name häng, sondern halt damit dLüüt Bscheid wüssed, das da immer no di glich Person isch, nume mit neuem Name. Ich schaff halt ufere eher chlinere Gmeind. DLüüt kennet mich, wüssed wer ich bi und wenns e Problem hend wüsseds au grad wems ahlütet, nämli mir. Zudem hani scho no e wichtigi Funktion do wo au für anderi Gemeinde oder de Kanton wichtig isch. Drum dänki wird's viel Lüüt ha wo gar nid tschegget, das si immer no di glich Person am Telefon hend, halt eifach mit neuem Name. Bi denn echt gspannt we das usechunt.

nicht registriert

@lostheaven Mini Schwöster isch damals in öbbe de gliche Situation gsy. Sie het aber ihre Meitliname ganz wäggloh und nacheme Zytli häns denne alli glernt. Wenn ich z.B. e Doppelname würd mache, wär mi Name viel z lang! Ich glaub do müen mir denne eifach dure

@Sakans Hesch aber Glügg ka! :-) E Bekannti vo mir het sogar ein ghürote, wo de glichi Nochname ka het. Das isch mol praktisch :-D