| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Bräute 2016
 1 .. 40 .. 77 78 79 80 81 .. 148 .. 214
13.03.15 13:58
chandini04 

Re: Bräute 2016

Locy:
ohh ehr hend mega cooli Kennelerngschichte :D

Chandini: mir gönd die alti Spinnerei in Rupperswil goh aluege

Schönnn... Vo dere hani scho vell ghört :-)
13.03.15 14:13
Locy 

Re: Bräute 2016

chandini04:

Schönnn... Vo dere hani scho vell ghört :-)

ahjooo? hwsch denn guets ghört?

13.03.15 14:33
Zug 

Re: Bräute 2016

Herzlich Willkomme Locy, de Aargau chund verstärkig öber

Da send luschtige ond sehr zufällige Geschichte.
Min GG ond i kenne eus vom gse her sid mir chind send, aber händ eus nie förenand interessiert.
De esch es bekannts fescht bi eus im Dorf gsi, be mit Mine Eltere ame Tisch gsesse, wo perzuefalle en Kolleg vo mim GG gsesse esch ond darum Escher an euse Tisch nebe min Papi gsesse. Do er min Vater vo früehner kennt (eusi Vättere send zäme id Fürwehr) häder zersch mit ihm agfange schwätze. Ah jo natürlich sehr psoffe wie schusch Hätti er mich nie agsproche. Er hät mi de gfrogt Obi chan tanze ond de simer ab of tanzflächi, en maa wo chan tanze sone Traum . Er hät mir im Suffine grad no gseid er suech en Frau zum hürote ond chind ha ond wie viel daser verdient hät
Ok abgmacht för de nöchsti Tag, aber chum beni gange und mich nomol umdreit Escher mitere andere go tanze. Guet Date am nöchste Tag hättemer eus chöne spare, da er sone Kater gha hätt ond jedes Wort us de Nase hesch müesse zieh.
Mer send de zwar zäme cho, aber ned lang.
De zuefall häts welle das ihm mol langwilig gsi esch ond mir gschriebe hätt, also hämer eus nomol troffe. Zum Glück es Hätti mir nüd besseres chöne passiere.
Da esch vor 7 johr gsi, nach ca. Eim johr simer zämezuglet, im April vor vier johr hämer entschlosse es husbaue ond mit de Familieplanig zwarte. Im August erfahre dasi unverhofft Schwanger ben, för im Oktober Ziviele Hochzytplaned.
Jetzt hämer zwei chind ond Planend endlich grosse Hochzyt
Wili au gseid han, eis hochzyt schwanger langet, grosse weit chöne gnüsse....
13.03.15 14:39
chandini04 

Re: Bräute 2016

Tolli Gschicht Zug :-)
Hey wer isch das gsi wo neumest gsi isch, wo sBrutpaar als Tischordnig dHustöre gfötelet het? Das mueni mir umbedingt ufschribe, das fendi de BÖÖÖRNER :-)

I lueg grad "Mein perfektes Hochzeitskleid-Atlanta" danke för de Tip Baguette :-)
13.03.15 14:46
Sakanas 

Re: Bräute 2016

Das mit de Huustüre findi echt voll e cooli Idee. Mir hend ebe vor so chlini Holzrähmli und tüend de föteli vu de Gäscht drii astell no Namensplatzschildli:-)
13.03.15 14:50
lostheaven  		Re: Bräute 2016

Alles absolut tolli Gschichte

Chandini04 mis Mami isch im Fricktal ufgwachse und mis Grosi wohnt hüt no döt

13.03.15 14:53
chandini04 

Re: Bräute 2016

Lostheaven, woher denn gnau? Und wo wohnt dis Grosi? I mein sFricktal isch gross isch schliessli mal en Kanton gsi :-) haha

Das isch au cool Sakanas :-)
13.03.15 14:53
crivosa 

Re: Bräute 2016

Hai du I bi jo sust au schnell aber ez hender gas geh...

Willkomme Locy...

Name: Also ich werde sicher sin Name aneh...er het en sehr spezielle aber schöne Name wo er au unbedingt wett das ich en animme well I de CH gits de Name nur ca. 4 mol und ali sind vewandt mit em...den gits no eis zwei in DE und I de USA...lustig isch aber das sin Urgrossvater de kauft het well em de ander eifach nöd gfalle het Usserdem gfallt mer min Nochname e nöd und beidi wäred z lang für en Doppelname

Kennelerne: Mer hend üs vor 7.5 Johr bi mim beste Kolleg (dozumol sin Lehrling und hüt eine vo üsne Trauzüge) am Geburi kenneglernt.
wiiters hemmer nix mitenand ztue gha...noch 5 Johr noch zwei echt üble Beziehige hani en ame Konzert troffe und me hend beidi denkt ah die Person kenned mer doch.
Den hanen (do er kei Kontakt me mit mim beste Kolleg gha het) iglade an wiederum nächste Geburtstag vom beste kolleg wo e Wuche spöter gsi isch. Han denkt so as Überraschigsgast wär das doch super well si sich immer u guet vestande hend.
Das isch den en Obig a de Olma gsi und jo...me hend eifach gmerkt was mer beidi hinder üs hend, hend üs uf ahieb sympatisch gfunde und üs sozäge uf de zweit Blick veliebt...
Ich han am Afang vom Obig scho denkt: wow was für en Maa...(er het sit ich en vor 7.5 johr kenneglernt ha ca. 20 kg abgnoh gha)
Er het mich den irgendwen am Obig eifach küsst und en Tag spöter hemmer gwüsst das wird was fests do mer so viel glichi Ziel und Asichte hend...und bis ez ischs eifach perfekt...

Lustig am Ganze: üsen Johrestag isch ez immer am Geburi vom beste Kolleg und er wird ez ebe au üsen Trauzüge...
13.03.15 14:57
chandini04 

Re: Bräute 2016

Locy:
chandini04:

Schönnn... Vo dere hani scho vell ghört :-)

ahjooo? hwsch denn guets ghört?

Das weisi grad au nümm.. Egend öbber woni kenn het glaubs det ghürote. Ich has emel nur positiv in Erinnerig :-)
13.03.15 15:04
lostheaven  		Re: Bräute 2016

Chandini04 us Mettau, mis Grosi wohnt immer no döt im gliche Huus chunsch au vo döt i de nöchi?
 1 .. 40 .. 77 78 79 80 81 .. 148 .. 214
Willkomme   Eigentlich   irgendwie   Baguette   Zuletzt   crivosa   natürlich   Zeremonie   Fotograf   hochziit   homepage   wirklich   einfach   Sakanas   Familie   Location   Hochzeit   heiraten   bearbeitet   chandini