| Bräute 2016 |
|
|
1 .. 41 .. 79 80 81 82 83 .. 149 .. 214
|
15.03.15 19:32
crivosa 
|
Re: Bräute 2016
Hey ladies...hoffe er hend e schöns wuchenend gha...
Mer hend ez gad en hochzitordner vorbereitet wo mer alles inetüend vor allem au
Vorschläg für deko chleid usw wo me den amigs cha mitneh.
I ha im internet mol biz nohgluegt wo d hochzitsiladige z mache und bstelle...aber es het sooo viel Pages.
Wo hend ihr so gluegt oder Muster bstellt?
|
|
|
|
|
|
|
|
16.03.15 10:41
Baguettenicht registriert
|
Re: Bräute 2016
Hallo Mädels
Leider isch s Weekend au scho wieder umme. S isch ganz entspannt gsy bi uns, hän nid viel gmacht. Usser am Fritig hets sälbergmachti Fajitas und e paar Tequilas gäh 
Wünsch euch allne e guete Start in die neui Wuche!
@crivosa Sone Hochzytsordner hani mir au kauft. Isch no praktisch  Hän dr en ganz sälber gstaltet?
@Sakanas Hehe hän dr denn no mit ihm gredet?
Ihladige...Do luegi jedes mol und denne stellts mr grad ab, weli so überforderet bi *lach*
Uf Pinterest gits sogar Links zu gratis Vorlage, wo me denne ka ahpasse und imene Copyshop ka drucke loh. Wüsse dr scho öbbe, was füres Format oder Farbe es söll ha?
|
|
|
|
16.03.15 10:53
crivosa
|
Re: Bräute 2016
Jep baguette mer hend eifach en normale Ordner gnoh und det hani den Register für alles mögliche inetue
den halt so sichtmäppli zum iordne wo den alles a aschauigsidee inechunt damit I die den ebe gad cha mitneh zb zum s chleid go poste oder mit de floristin weg de blueme z rede...
aso sooo speziell isch üsen scho nöd aber söll alles sini ordnig ha
mer hend no s budget vo de weddingplannerin übercho...aber aso teilwis findi die het viel z viel iberechnet...
me hend bim apero en pro person priis vo 11.50 as agebot und s getränk no separate...120 lüt... si het det irgendwie 4500 fr budgetiert...findi ez aso echt unrealistisch.
hmm gell isch wahnsinn mit de uswahl
aso mer möchted eifach im rot schwarz wiis bereich blibe mit de farbe...aber sust...?????
|
|
|
|
16.03.15 11:13
lostheaven
|
Re: Bräute 2016
Hi Zämä
Ich ha es Wuchenend mit Lerne hinder mir. Mach grad no e Wiiterbildig und am nöchste Mäntig hani e nöchsti Abschlussprüefig. Di letschte folged denn de Herbst. Ha mich also hinder mine Büecher verchroche und die Wuche gsehts nöd besser us.. 
Drum hani gar nöd demit grechnet, dass sich da Weekend öpis tuet bi üs. Min GG isch aber mit sinere Family no underwegs gsi und per Zuefall sinds no anere Location verbi cho wo mir uf de Liste hend für Trauuig und Apéro, falls mit dere wo mir Ahfangs April mol gönd go ahluege nüt wär.
Min GG also ahghalte und alls ahglueget. Die Dame vom Restaurant hets denn gseh und isch usecho und het ihne alles zeiget, aso di gross Fäschtschüür und wome de Apero chönti mache usw. Min GG isch absolut begeisteret vo de Schüür. Er het selber en handwerkliche Bruef mit Holz aber er het gseit so e schöni Schüür heg er no selte gseh. Zum Dusse Hürote hets döt leider chli zwenig Platz, aber er meint jetzt weme so e schöni Schüür heg chömi das nümm drufa. Denn würd er lieber dinne Hürote und de Apéro denn eifach im Freie mache bi schönem Wetter.
Ich han jetzt mol es Mail gmacht, welli no ein zwei Froge gha ha und mol zum luege öb si e Apérocharte oder öpis hettet.. Sie het gester mol zu mim GG gmeint de Apéro chöm alles inkl. bi ihne pro Person amig uf öpe 30.- aso Esse und Getränk. We finded ihr de Priis? Uf de Bilder gseht de Apéro recht richhaltig us mit vielne verschiedene beleite Brötli und so...
Zu de Iladigscharte. I weiss überhaupt nöd woni die söll bstelle, finds uuuu schwirig. Meistens hets eifach nöd da woni suech oder nöd i dene Farbe wonis gern het. Aber danke für de Tipp mit Pinterest für die Vorlage. Das wär villicht öpis. Was mueme denn für en Suechbegriff iigeh?
|
|
|
|
16.03.15 11:19
crivosa
|
Re: Bräute 2016
Cool lostheaven mer fiired jo am obig au inre schüür 
hm aso 30.- findi glaub no ok und realistisch, mer hend jo apero (nur s esse) 11.50 oder sowas pro person
das chönt scho anecho mit 30.-
|
|
|
|
|
|
16.03.15 11:43
Baguettenicht registriert
|
Re: Bräute 2016
@crivosa Mi Ordner isch ebbe scho so ein, wo alles vordruckt isch und es het no so Tipps und so dinne. Aber do ich nid alles ka bruche, hani d Hälfti scho useghaue und mis Zügs dri do
Also wenn ich das richtig nochegrächnet ha, het sie 26.00 p.P. für d Geträngg druff grächnet. Wie sin denn d Geträngge Prise?
@lostheaven Haha so cool vo dim GG! Also dä Pris isch glaubs ganz guet, vor allem wenn e richhaltigs Apéro isch inkl. Getränng.
Ich ha uf Pinterest mit "free wedding printables" gsuecht und ha denne ganz viel gfunde. Sin glaub sogar no rächt viel so Word Dateie druff, dass me alles Änglische ka uselösche.
@Sakanas Ah jo stimmt! Nid dass är sich no hoffnige gmacht hätt Göhn dr am näggschte SO zum näggschte?
Im Momänt tendiere mir zu ganz schlichte wysse Ihladige miteme goldige Rahme. Au nid zum Ufklappe oder so. Mir wän sowieso e Website ufschalte und denne s Gäld für ufwändigeri Dankes Karte usgäh
|
|
|
|
|
|
|
|
|
|
1 .. 41 .. 79 80 81 82 83 .. 149 .. 214
|
Anmelden
